hahaha 今日測中史呀
份野出曬唐囉  我琴晚有溫ga
我睇到2點幾先訓 4點幾就起左身啦
好彩有個靚女陪住我溫 同我sd msg者
但係可惜 我都係有d唔識........
不過唔緊要!!!!!!!!!!!!!!!!!

我整錶好叻ga  hahahaha
我做左個好人 幫人較番好隻錶 時間同我自己個隻一模一樣

係4c 好悶好無聊好無意思
日日如是  都唔好玩既
生活有咩意義呢




ps:韻韻好靚女

真係好耐無打過日記啦..睇返岩岩一個月無打過lu..
係呢個月發生左好多事...我身邊既好友一個一個地拍拖..
我興朋友相處也不像以往般那麼多話題..可能唔岩話題啦..
佢地講打機我又唔鍾意打機..所以我地就只有係球場上玩多d..
中四原來係好辛苦架..功課又多test又多..默書又多..咩都多..
以前我覺得讀書無咁辛苦架..但係上左中四之後就覺得好辛苦..
又唔夠訓..人又累..上堂個陣雙眼又痛..總之就係辛苦!!
依家一個星期教六日波..真係幾累架..教完波返到屋企食完飯又眼訓..
搞到d功課要好夜先黎做..依d咁既生活真係要改..再咁樣落去就快捱唔住..
成個月無打日記突然打返會有好多野想講..好似精英賽咁今年成績唔錯..
男單打入左32強..最後輸左比個勁人2:3..輸自己唔夠冷靜!!男雙我地仲勁..
打左入16強..不過係16強對住一隊精英隊既人..最後直落輸0:3..講技術我係佢地之上..
不過因一d因素而輸左..不過唔緊要..從錯誤裹吸收..下年再黎..
盧sir有事入左醫院,要請兩個星期假.希望你早日康復,快d返黎教書..
個代課老師又唔係教文科搞到好耐無上世史堂..遲d應該要補課...
發覺自己d中史好弱..上次測驗全班最低分..個陣真係幾灰架..
不過胡sir同我講完番話之後我又無咩事..下次唔會令你失望!!
前日聽到話有個羽毛球比賽..但係我又咩都無帶..問人借左對鞋同拍..
點知比我打左入八強..琴日再打..比我打入埋決賽!!好搞笑..
d人問我做咩打羽毛球..d羽毛球校隊比我打低左兩個..haha..
d人係度大聲咁講乒乓球校隊贏羽毛校隊牙..其實我唔鍾意佢咁講..
因為咁樣變左好似串人咁..本身我諗住玩下無諗過拎獎架..
因為我已經年幾無打過羽毛球啦..只不過我堅持一個信念..
盡力去打..我好認真咁去投入個比賽..可能就係咁比我入左決賽..
星期一要再打..點都好我會盡力!!黎緊最重要就係聽日既學界賽!!
我要帶領信義中學乒乓球隊再奪學界冠軍..希望可以衛冕冠軍..
成為四連冠啦!!感情有始亦會有終..所以唔好再為呢d事而煩啦..
亦都唔好為左呢件事而搞到大家陌生左啦朋友!!
Ps:感情呢d野順其自然啦..聽日學界賽只許勝不許敗!!
希望盧sir快d好返

話咁快陸運會就完左啦!今年成績唔錯!
拎左七個獎,仲打破埋同一屆裹面拎得最多獎既記錄!!
真開心..個個項目都有進步..跳高1.54米,400米59秒
800米2分23秒,社際4x100用左50秒..仲有班際同師生接力賽都唔記得個時間!!
應該都差不多吧!!呢兩日令我又明白左D野..原來贏輸真係唔咁重要..最重要係自己既付出有幾多!!
同埋多謝一班忠社既啦啦隊幫我打氣..全賴你地比我既打氣先有衝勁去比賽!!
多謝你地..你地真係好勁..叫得好大聲好搞笑!仲有多謝鄭sir,黃sir同皮皮既氣水..thz!!
記得上年話要今年拎全場冠軍.....(男子甲姐個人全場總冠軍)...我得左啦!!
跟住落黎仲有挑戰等住我..星期六要沖擊全港學界乒乓球精英賽!!我要代表香港出外比賽!!
Ps:希望你地快D好番啦!!

今日返學前個天仲好地地..點知出左地鐵站落到鬼咁大雨!!
係惠康個度等左成10分鐘都無自己班D人..等等.....
終於見到一個啦..佢又幾好人咁摭埋我上去啦..好彩見到你..
如果唔係唔知等到幾時先會停雨..thz!!
返到去見到D人個個都好忙咁做功課..我就溫下D中文一陣測驗啦..
測個陣都有d問題唔係問個d野既..有d亂吹既...^ ^
中午睇社際籃球賽..望社vs信社..好悶..上半場竟然4:2..真係好大比數!!
最後望社贏15:12..聽日到我地打啦..希望到時有好表現同埋隻腳無咁痛啦...
放左學奇蹟咁去左校隊乒乓球訓練..好多人..氣氛好正..好耐未見過乒乓球隊咁多人啦..
成個禮堂比我地用晒..開左四張檯..d f.1仔都幾勁..對佢地有期望..不過最衰無冷氣..
打左一陣已經出晒汗..打完過左華仁睇佢地比賽..對手好鬼高大..所以輸係正常既..
下次打好D..憑技術擊敗對手..之後返屋企lu..
Ps:好鬼憎英文默書牙..都唔係默書黎既..似填充多D!!

今日唔洗返學!因為教師發展日!咁我地約埋一齊出黎玩啦!!
夜晚出左去地鐵站等班油..個個都遲到既..等左一個鐘先齊人!!
傻達最威..因為佢係最遲到既一個..要成18個人等佢..勁威!!
今次真係好多人一齊玩牙..total有二十個人牙..破左記錄牙!!^ ^
之後就一齊去打邊爐啦..都幾好玩既..傻達又唔識做..怕羞lor!!
阿汞就唔同啦..佢好happy..我仲偷影左佢同大頭..之後比佢見到..
佢仲識做..座得好埋..兩個幾襯!!^ ^打打下就11點半啦....
都幾飽!埋單走人..佢地有d就去打機..有d就返屋企..
咁我同賓賓揸左一陣車就返屋企!!我地走個陣發生左D好笑野!!^ ^
Ps:今次間野唔夠上次個間好...期望下次既來臨!!