今日唔使考試,所以早上就去綀水喇,綀完返學校,夠鐘又去綀水囉之後去左超市買野,嘩!第一次買野過$30呀,晚上食完飯就溫書囉...完

今日旱上起身冇咩做呀,出左去學校做野,不過學校好賤架,平時一至六佢個冷氣機就放冷氣不過一到星期日,佢就放暖氣架喇,我經過反覆試驗證明左喇,不過只要唔去按個on/off就冇事,之後我就做野喇,到左12點,有2個白痴冇喇喇按左on,我想鬧爆佢地,不過我有另一個方法,就係上2樓,你地係下面熱死去喇,點知過左一陣,佢地又上左黎,又開左個暖氣,x呀,我再走,走去4樓,因為六日佢係唔俾入架,但係入左都冇人知喇,之後買完午餐就返去四樓做野喇,做到2點幾就去做gym,今日比較多人不過我平時做個d都唔係等好耐姐,做完見到aunt,撘順風車返屋企食飯...

今早出去綀水囉,個個星期都係咁架喇。今早的練習都係咁喇test set6個300都做得唔錯喇~而家又開始諗返到香港同方生個班差幾多呢?上次就同我諗的差好遠喇,而家阿峰又唔係到,Dancan未返黎,我諗阿朗同阿欣都唔會唔游掛~_~?唔係既個3個月一定大幅下降呀~游完之後係更衣室俾教練叫左下午比賽做helper,我唔想去架,但佢話做計時,好喇咁...之後返屋企拿拿聲出去做gym喇,今日勁熱呀,行到去巳經出曬汗喇,做完就食午囉,一個人呀...係到成日都一個人...唉..唔講lee  d野喇,之後返左屋企,放低d野就出去泳池喇,分工個時計時冇我份,點呀?之後企係到,等左一陣,佢俾左一份我做,係當每一個細佬游完佢上水個時俾張紙佢就咁多,咁同派傳單有咩分別呀?我專誠黎派傳單?x呀,派完之後又行黎行去冇野做,之後又我搵到另一份喇,做外買仔呀,將d包同野飲分俾d工作人員,當然我自己有一份喇,點知我好唔小心因為有人叫我俾罐野飲佢,個時我跌左半個包落地囉,勁想爆粗呀.\×/. 之後食完又搵野做喇,又係到行黎行去,有段時間係坐到發呆囉,超悶囉,一個人,冇野做,冇講野,坐係到,係到呆,其實我成日係到諗架,我係澳洲比賽成日坐到,冇人同我講,我坐係到聽歌,呆等咁,根住開始眼訓喇,係咪個時流失的能量比你個腦不停活動的多呢,因為係香港比賽我係唔會咁樣架,我至少我會周圍搵人講野呀,會唔會有咁既可能呢?仲有呀,我都唔明點解佢地唔俾會衫我,上次問又話出新一款,咁上年個d都有left呀?我見到joe同sue都有囉,佢2個遲過我入黎架,都有件會衫,我呢?我同sue都係外國黎架...我都唔明佢有衫我都冇囉,次次比賽佢地成班就著會衫我就著其他衫,但又要一齊坐喎~><,十足十係香港咁,係海天我得件衫,佢地就有jacket 同褲,點解呀?><,所以呢,其實個次阿競同我講"你代TWAC跑左2次接力,我叫人拎件跑衫俾你喇"雖然到而家為止,我都未拎到...因為難拎呀嘛...我明既,但其實我唔貪件衫或者咩呀,我只不過係想人地當我係一team 呀,唔想俾人覺得我離群呀,唔想我好似好特別咁囉呀,唉...算喇,唔講喇冇心情再講喇~之後呆左好耐,之後俾人叫左去計時,終於做計時喇,不過個人已經冇曬mood喇~做完就走,食完飯成9:00喇,出學校又唔係,係屋企又做唔到野,算喇,留左屋企,做左d野就走喇!......

琴日10個400完全係用盡我所有既力呀,所以今日早上根本冇曬力,冇去練水,起左身,洗左d衫就出去囉,成日係學校做野,做做下訓左呀,之後返屋企換左d衫就出去練水喇~今日又係熱身多過main set成3900熱身,不過得12個25做main,個11個25我都做得好好,最尾個個教練冇喇喇改成50米,下?佢仲話慢過30秒要重游,我冇喇喇大聲講慢過29就重游,講完之後諗一諗,死火喇,比賽都係28秒尾,爆左咁多,而家點爆到同比賽一樣呀?之後唔理喇,游左先算,游完好緊張呀,一聽到28'66,第一個反應係...x呀,又快過比賽時間,比賽搞咩呀?之後成程放鬆都係到諗,比賽個時又會游唔到喎,綀習游到,把鬼呀!...之後游完去左超巿shopping 之後返屋企食飯,今晚食plazz呀,9個人食4個plazz點夠,食得少少就話留返俾佢地,9點幾都未返黎,食曬飯喇,唉...之後煮左個麵食...食完就寫日記喇~

今日一早就要補課呀,但因為要交ass做左先,遲左半個鐘姐,冇人ga,之後冇理喇~繼續做ass之後做做下想睇死亡筆記喇,又係睇到上曬"引"呀,之後睇到游水時間就不得不走喇~今日又分開游喇~24個100同10個400,我又唔好彩咁俾人叫左去游10個400,我完全唔想游呀,完全游技術囉,完全冇理左邊個個人快慢自己游自己呀,時間都唔錯掛,游完個人勁累呀,所以食完飯就訓喇~

今日要考econ呀~我只要岩7題就合格喇,另外只要岩97%就有$100喇,前者就一定得,後者就一定唔得,哈~今日一點先考之前我係學校溫書,都要溫下既!開考喇,份卷都ok難,問得幾複雜呀,轉幾個圈先諗到,提早交左之後去綀水喇,今晚club night囉,所以綀好少野姐,做完熱身,爆3個150,冇喇,不過個d150都要求好高架,我最尾個個先俾教練話滿意呀~游完就等club night開始喇,今晚游接力呀,一個大夾一個細囉,完全唔知咩事架我,游d咩,游幾多,不過有人同講游一次架姐,除非你入到semi -final喇~我望住個隊友牙都唔生齊,冇希望架喇,人地個d細平時咪係游一線個班囉,大個個就係3線個班囉,我平時咪游2線,點鬥姐,之後我見個個都游自喎,我就係要游蝶,點解?型囉!,實輸架喇,游一次之姐,點解唔特出d呀?游完之後真係勁多人問我點解游蝶,型曬喇我!哈~之後佢地竟然同我講仲有round 2喎,又要游多次,本來再想游蝶,俾sam哥係右邊線嚇一嚇,游蝶咪佢放死...最後游自喇,點知佢放鬆游,唉...算,頭先型左就算喇,之後睇完決賽就走喇,返去食完加喱飯就訓喇~

今日唔使考試,一早起身返左學校,之後上網,up日記,睇下野,整下野就夠鐘綀水喇,嘩~今日勁多野個board,又le又路,勁麻煩呀~游完就返屋企囉~今晚返左學校,同hidy傾左陣計,應該今次請完hidy,唔會成日請人食野喇~點解?之前講過喇...玩到11點就走返屋企喇~

仲有唔夠20日又搬屋喇~

今日終於考試喇~第一科係法律,一早起左身就溫書喇~雖然open book 但都要知答案係邊先得架,之後出到去買個靚早餐,就返學校等喇,9點25分考喇,之前我已經放好陣勢,準備好,開始喇!,一打開份卷,就將唔同題目分類,勁爽呀~勁易搵到d答案呀~之後長問題都冇咩難度,3個鐘好快就過喇~考完就返屋企之後就去綀水喇,今日冇咩特別,游完就返屋企,食完飯就訓喇~

今日係比賽第二日,今日食左個麵就算喇,因為今日教練係門口接我呀,之後去到就熱身,今日熱身好少人喎,游得好輕鬆,之後沖左d25就上水等喇,睇左陣書就要游喇~不過今次佢地勁早召集,入去召集室到等左好耐喇,又係好緊張呀!到游個時本來諗曬點游,感覺都有喇,一跳出去,ok既,之後出事喇,轉左塘就開始拉,最尾完全係死曬呀~個成績,慢呀比琴日比...不知所謂呀...講完....之後放鬆左好耐呀~上返去又等過,因為冇咩人同我講野,所以好悶呀,之後食左d野就繼續等喇,50蝶...今次我又試下唔著長褲,今次佢地超早叫囉,等左成個鐘都有呀,我游第一組仲要去換衫室個門囗等囉因為之前係11/12歲女子200背呀,唔入得...=0=,不過等個時聽到單笑料,由今早開始不斷有人將男女toliet個sign交換,笑死左呀,仲聽到有南部黎泳員入錯去...哈哈哈!,之後就去游喇,第一組真係緊張d既,之後跳水唔錯,廿幾秒游完,ok喇-_- 之後放鬆完就上去溫書,因為教練未走得,之後走個時又係同教練係車到傾計,返到屋企,之後拿拿聲出去學校溫書,溫左陣就走喇,返到去又係食plazz,我勁肚餓囉,食完都未飽,之後要出去買kfc食喇~食完就飽喇,之後溫左書就訓喇~

今日一早起身,食左個麵做早餐之後又出去買多2個包之後坐教練車去泳池喇,今日個熱身做得唔錯喇~之後拉好根就去召集喇~等左一陣就游喇~成績?同平時一樣咁...差囉><之後等等等...去到下午100蝶,游之前個鐘去左熱身 咦!個feel唔錯喎~之後又繼續等游喇~本來唔緊張架,但係一召集坐係到等個時就開始緊張喇~因為我今次放棄fiskill試下囉~之後等左一陣就黎喇~頭50米爆左90%之後轉turn 唔錯,平時拉車,今次冇咁拉喎,仲好順,之後到喇,PB左少少1秒幾,23,26下手,太多喇,聽日要再好d,之後等睇200自,萬眾期待!Andew個200自真係好勁,勁唔係個時間,係控制個2個100米,講左佢游幾多先,佢游1'49"90,力壓Qld記錄保持者,不過佢分段係54"30,55"60...勁近喎,我教練超開心囉,因為Andew早上得400自,3"59"56,之後等成9個鐘仲可以游近佢PB,我教練講左成程車呀,原來Andew,16,17歲個冇綀水去左打欖球,佢個時勁肥,之後因為一d意外放棄左,之後因為想keep fit所以練返水(加上減肥)用左4年時間就代表澳洲游雅典奧運,澳洲喎,游泳強國之一喎,唔怪之得speedo新研製的鯊魚泳衣都要搵佢試喇,真係唔敢相信,只可以話,世界上真係咩人都有!之後返到屋企溫書,食完飯,7點幾就訓喇~