今日去左阿爸公司用電腦,用完就去自修室溫英文喇,之後一到聽黃金少年season 3一到去綀水,今日個個都好遲呀,之後都係跑步喇,做完就落水,半身不逐咁,又係游手喇,咁就完左喇,係更衣室撞到太子,傾左幾句,之後搭車個時打左俾卓敏,經驗之談姐...之後返屋企食飯囉.....

今日半日都係屋企,係晚上出左去睇墨攻姐,IFC間戲院話大唔大話細唔細喇,都幾好睇呀,之後搭車返mk食飯喇。

今早同hidy傾到到6:00先訓..之後一直(訓)….係咁..之後10點幾個時阿欣打左個長途電話黎..之後勁累咁同佢傾..傾左成個鐘..真係太眼….唔可以再傾…對唔住呀…last我仲講左d唔知咩野…好似講左d秘密喎…是但喇..之後又係到喇…到3點先起身之後食完個lunch又訓返….由中間soft到右邊soft再到左邊一陣…食完dinner玩左陣電腦腸左陣電視就….本來諗住聽日去自修室…但係同father講完之後先記得聽日休息….

今日游6點幾呀...訓左4個鐘就要起身喇...6點幾就要出去練水喇...今日練水不知所謂呀…做完d熱身…個400(100腳+100手)…足以證明我係澳洲一個星期9次係冇白費喇…不過之後個3個800..就發癲喇..慢到呀…長池都唔使lee.d時間喇..當然最主要係對腳仲好痛喇…根本係出唔到力…變左 2400g a手..有200冇我游tim呀…嘩….我都唔明點解星期四個d體能有咩謂…痛到你星期6仲咁痛..浪費左個3個 800米 囉…如果計返澳洲咁練..唔使9:40都游完喇…所以我成日都話返到黎..游得係澳洲ga60%....游完就換衫做體能喇….第一項竟然係跑步喎…哈~跑都唔止呀,仲要跑9個圈呀,問你死未,為左生命著想,我完全係跑得勁慢呀,係司欣同葉澄後面囉(其實佢地都唔係跑得慢既)個9圈全部都係出力囉,冇用條氣跑,跑完唔辛苦但係咁出汗囉,之後就去體能室做gym,不過所謂既gym都係好輕鬆既活動姐,做完就換衫走喇,走個到撞到阿純,傾左陣,(我返黎教你地唔係唔得,但係好似落阿sir面咁),傾完就走喇,之後返屋企睇高達,訓左陣等到成4點幾先出去荃灣mtr join佢地呀....

等左hidy同2寶就去超巿買野喇,之後金sir同3寶都黎喇,去到巴士站個時見到有車就"拿拿臨"上車喇,上到車金sir先記得約左阿賤係巴士站,咦?上曬車喇喎-0-之後到左站金sir佢地就等阿賤,我同hidy就去搵爐喇,我地經過停車場見到咁多車都諗要等架喇,點知我地行行下無喇喇有個阿叔指住我話"係咪冇爐?"我當然答係喇,唔通我同佢講"我地走架"咁咩?,之後我地就咁好巧合地有爐,仲有火既,之後就等佢地黎,不斷就不斷有人黎,瑧,feli,阿橙同金小睛,等齊就切蛋糕喇,今次真係拎左黎食喇,之後有d人出左去接阿競,估唔到佢真係黎喎,11點幾喇,果然俾面喎,之後係到玩層層疊呀,而我成尊佛咁,當然係做底個層喇,首先係咩起hidy既,佢又唔係好重姐,何況我之前都咩過喇,之後加多金小晴一上,咦!?得喎,骨子一算,佢地體重相加都係重我廿幾磅,我做gym負重個重量都重過佢地喇,所以冇咩問題,(不過加上阿橙就"有危險"呀),之後就到臻同金sir喇,臻一上,咦,又出奇地輕喎,之後金sir一上黎,仲得架我,不過幾秒之後,對腳痛一痛,好彩冇向後訓姐,之後都冇事,嘩,短短幾分鐘,我人生經歷左最有豔福的一刻同最凄慘的一刻...哈哈哈,之後阿競黎喇,我地繼續狂歡,而阿競就係坐左係一邊,係一個不打擾任何人既情況下,靜靜地坐著望住我地,我見到lee個咁peace 既情況,我真係好想...

鬧爆佢呀!,

之後我地拾好野就拎d去沙灘喇,玩cream個時出手快過頭,成碟飛左去2寶塊面到,真係唔好意思喇,其實我想飛佢隻手架,之後當然有報應喇,玩左陣,傾左陣,跳左陣,訓左陣就走喇,等到成2點9先有車,之後送左hidy去葵芳,送到佢上車就走喇,之後就到諗,點樣行去美孚搭小巴呢,行個時經過葵芳地鐵站,望一望頭班車,5:55,而家都成4:15喇喎,等唔等好呢,我用左2秒時間考慮...唔等,之後就搵路行去美孚,行行下先發覺,係好難架,之後當然係搭的士返屋企喇,返到去成5點半喇,之後打左俾hidy傾到6點先訓呀~

今日一早起身,本來想8:00去自修室..但係一起身對腳真係好痛呀…塗左藥膏…極重薄荷味..之後就冇出去住喇..遲到成9:00先出去喇…去到自修就做英文喇….之後做到12點就出去食飯喇..食大家樂…食完去打左陣機之後就返去溫書…睇曬本練習就去地鐵站jo2寶同3寶喇..之後上去練跑喇..其實呢,點解我今日唔去練水..都可以因為腳痛..你會覺我我係有問題..講到明腳痛..仲去練跑…等於傷口到灑鹽呀….之後上到去同李sir傾左陣就練野喇…我巳經係熱身到故意集中係腳到架喇….因為平時係做曬全身架嘛…之後就跑喇….第一項變速跑..3個圈…. 琴日又跑4圈,今日又整3圈.,但係我真係頂唔到2個圈真係要停喇…個人係真係堅持唔到..之後休息左陣就黎追逐跑,5個圈..嘩…其實我諗住3個算喇..開始個時,仲頂到…第3個圈真係好辛苦呀…有諗過想退出架..但係好似對唔住班兄弟咁,頂住上….最後個圈真係”解放”..理得聽日練唔到水呀….盡去喇…跑完一組..第二組真係去唔到喇…一到按摩一到睇佢地跑…唉….有時真係….見到朋友有得跑有得游,自己就冇得做只可以坐冷板,會有刻難受囉…之後就搭車去TST同dicky同叮噹食飯喇…食大快活,買野食個時…叮噹同我講,不如買幾個share喇..我嚇一嚇..點share呢?...之後買完…d飯就放左係面前,我好認真咁諗一諗..點share?..經過深思熟慮之後,決定自己食自己喇…食完就去打機喇….今日打籃球過唔到200分..好差勁呀…之後就返左9公..玩鋤大D同傾計喇….今日感覺同佢地ga傾計真係好唔同..同田徑個班傾計佢地講黎講去好多都係有味笑話,但係同佢地傾就好有深度,你要諗架,句句有意思你傾完好似真係袋左d野落袋架…2班人好唔同架…之後玩到11點幾就返屋企喇….之後同屋企人傾到成1點幾就訓喇..聽日仲要5點幾起身…..哈~

今日一早起身....之後hea下hea下好快到左中午喇….今日練水又係咁喇..不過做體能又要做跳跳虎…唉….今晚一定痛喇…例行公事黎架…但反而落到水仲未死得呀…因為今係咁游 25米所以就算腳痛都冇咩問題游完就返去屋企喇…今日終於食返一次m記喇…因為得我同阿媽食飯所以食m記同沙拉..之後就tv同聽903喇….聽日應該唔去練水呀….

今日一早就起身睇電視喇,因為想整身份證所以冇出去自修室呀...留左屋企拾野,屋企有成千上萬GA DVD囉....之後拾完就食lunch睇電視,之後出左去整身份證喇,又要搭車去灣仔,係mtr收到個sms,本來想回架,點知要上車,上到車又多人,回唔到住,之後去到就拎籌喇,拎到個2:15ga.....o....去左toliet整整個頭,正想回sms個時,冇喇喇到我拎飛喇喎,1:45之喎...算喇,之後拎左喇..坐低再拎起電話個時又要去影相喇喎...都ok架...(唔知點解hidy今晚見到個時係到笑囉...係咁cool架喇....唔通大笑咩...).....之後又要拎臨時證喇...拎起電話個時,又到我喇...唉...走個時2:15囉....哈...之後諗住去買突擊自由高達架...點知經過內心ga掙扎,最後都係返屋企算喇....之後睇左電視就出去練水,今日前半段幾好中半段就好差後半段就就好囉...哈哈哈...之後就拿拿聲去換衫返荃灣喇...點知搭錯巴士,入左青衣囉....之後再睇錯方向,去左唔知邊到...激死我喇...之後返到荃灣成8點呀....之後就行去沙嗲王食...一桌9人...本來去時d坐位好怪,之後調一調,好似明朗左d,今晚笑話當然有好多喇,最好笑都算係last個個喇...."waiter之記極都記唔到呀"...不過今見返曬佢地呢,佢地都係咁講有味野,又時又聽唔明,何況加把口,都唔知點解佢地知識咁豐富架.....呀.....食完就去打機喇,今日都係想打gudun...見到有空機就坐落去打喇,今日用閃電高達呀...開始個時,唔知點用幻唔知咩膠呀,姐係隱形...之後用到就好爽喇..之後打到10點幾行多陣就各自返屋企喇~

今日一早就出左去自修室,不過進度都幾慢呀,可能太耐冇做過喇....o....之後就搵佢地食飯喇...都係家誠同hidy...不過當然問傑地個時出現左個問題呀...本來我想食吉野家ga(突然想食姐)點知唔記得左hidy琴日話食味千...因為佢唔食飯,咁之後當然打俾家誠話轉喇,點知家誠又話唔食麵,咁點想呢....之後就同hidy去左食麵喇,...味千....日日都經過,食都係第2次姐....幾好味架...之後去左機鋪打左2局gudun,今日選用justice呀...佢架支援機真係好好用呀....掂..之後就返去做英文囉...做左陣就去練水今日下雨囉....勁大呀,去到火車站見到琪浩,佢又冇傘呀...大家係到等 ....之後佢見d雨細左佢就沖左去體院喇....之後我當然係等喇...俾我見到阿昇同阿嵐,3個人用一把呀.....之後半濕咁去泳池喇,之後做gym,都係冇料到喇,之後練水又係沖喇,冇咩新意....之後就返屋企喇,好想買突擊自高達呀.....聽日一定走去買先.....

之前d日記因為電腦壞左,加上屋企電腦冇得上網所以唔打返曬喇.....

今日11點起身之後,就出去搵佢地出黎食飯喇,不過只係約到hidy同家誠姐,我話ga等到$家姐返黎先返學校...(當然如果有事就另計喇)....之後join左家誠就等hidy喇,去左稻草人食,本來我地都好早到ga...點知呢~hidy叫ga意粉,點都未黎,最後仲要食唔到tim...有時好奇怪架,2個唔使返學ga,可以慢慢食ga,d飯就一早黎...要返學ga,遲遲都未黎......咳....唔.....之後就同家誠去左打機,,雖然金禾係擴建左...不過得個大字....之後同家誠行左陣,佢就去自修室喇,我上左去金星打機喇....見到冇人打gundun喎....拿拿聲走過去喇,好緊張,因為之前好貴架,仲要成日俾人"ti"....所以可以話係唔識打架...今次仲唔打返夠....真係勁好玩呀...同第一,二代個d真係感覺好唔同呀....之後打到夠鐘練水就走喇...今日練水...ok喇,不過如果游深水ga話今日會完成得好完美呀..之後返屋企食飯,阿媽d飯係最好味架....之後就睇電視同聽架勢堂喇...