| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 11 月 9 日 星期四  |
今日累死喇,個個星期四都係咁架喇  |
分類: 未分類 |
今日起左身就拾下野囉,十級亂呀間房之後就出去做gym喇,今日都做得幾拼呀,返香港唔知有冇得做架嘛,之後返左學校囉又係,上下網睇卡通版死亡筆記咁囉,掛住睇差d走車呀,之後一開始練水就冇力囉,做咩都好累呀,之後返屋企突然之間諗起超巿海鮮沙拉特價喎,之後就出左去買喇,用左一個鐘多d時間來回之後返到去整左杯奶荼,慢慢嘆,之後去左睇電視睇到11點半先去訓~
|
| 發表時間：2006-11-11 03:21 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 8 日 星期三 |
終於拎到件衫喇 好野!  |
分類: 未分類 |
終於拎到件衫喇 好野!今日要早綀呀,綀左d咩就唔記得左囉,不過因為有食早餐所以游得幾好,之後知道因為今晚有club night 所以冇去gym 之後當然係返學校上網喇,睇左d big nose ga精華片段,好搞笑呀,最衰佢地唔vcd喇,之後又返去泳池,因為今晚要游既關係,今日既綀習量都好少,不過今日冲50個時都做到d好成績,游完因為太肚餓喇,買左2個包食,雖然又唔係特別好味,但對於肚餓的我黎講,完全係雪中送炭喇,之後就一直係到等喇,點知竟然落雨呀,成個池勁凍囉,等個時佢地俾左件會衫我囉,好野~^.^7點就開始啦,我要游人生第一個400米自呀,好緊張呀,但因為太凍的關係加上用錯策略,所以只可以係4分尾返到,之後一直係到等游200自,個天明玩野喇,停下又落下,落雨唔緊要喎,我游個時先落囉,激死人囉,當然我係最尾個個返喇,不過我覺得今日游個時d動作拉得唔夠長呀,d動作勁硬係今日既敗着,之後因為太大雨喇,所以坐人地車返屋企........ |
| 發表時間：2006-11-11 03:19 PM [ 訪客留言(0) ] [ 編輯日誌 ] [ 分享至FACEBOOK ] |
2006 年 11 月 7 日 星期二  |
| 今日真係好累喇 |
分類: 未分類 |
今日唔使綀早水所以就去做gym 喇,今日仲俾琴日累呀,不過都頂得住,做完返學院食飯上網,今日睇左森美做既甜絲絲,勁爆笑呀,值得一睇呀...真係gag gag笑死你呀,之後笑完就去綀水喇,今日cp set呀9次50腳+200自,真係個個爆死你呀,返到屋企食完飯8點幾就訓喇~ |
| 發表時間：2006-11-10 11:38 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 6 日 星期一 |
又唔係好難飲姐  |
分類: 未分類 |
又唔係好難飲姐,今日一起身食個靚早餐就出去綀早水喇,今日無論係沖定游長既都表現得好好,教練仲話我今日表現幾好好喎,當然喇,平時我成五點先起身,都冇坐係到食早餐的時間既,之後返到屋企拾野出去做gym 喇,走之前整左杯生蛋crossover脫脂奶,本來諗住好難飲架,之後第一啖飲左落去,又唔係好難飲姐,"傑傑"地的牛奶囉,飲完就去做gym 喇,今日都綀得唔錯,沖完凉,返左學校hea左陣,時間過得好快又係綀水時間喇,今日做完咁多野,一落到水最累係對腳囉,不過都綀得好好,如果返到香港都可以咁就好喇,綀完返左屋企食飯,行黎行去又一晚喇,下星期終於搬屋喇...哈哈哈! |
| 發表時間：2006-11-10 11:40 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 5 日 星期日 |
| 最後倒數8日 |
分類: 未分類 |
今日又係好早起左身,整左個麵食之後出左去食,個陽光真係靚呀,之後同左起身既隊友傾計,傾左一陣就各自拾野走囉,我當然係坐教練車走喇,又係坐下訓下咁喇,其間去左個食meat pie既店食左個pie,之後又繼續回程喇,10點幾就返到屋企喇,一返到去就訓喇,訓到成1點先起身,舒服曬,之後去左超巿買牛奶同蛋喇,因為今早同佢地傾計佢地就食蛋白質可以build肌肉,咁不如我就咁生飲喇,加上我聽森美講過,試下喇,至於點解要奶呢?因為驚太難飲,用d奶送左杯野去,之後就去做gym同body balance 喇,做完返屋企,食飯,訓覺~ |
| 發表時間：2006-11-10 11:37 AM [ 訪客留言(0) ] [ 編輯日誌 ] [ 分享至FACEBOOK ] |
2006 年 11 月 4 日 星期六  |
今日比賽真係不知所謂呀!  |
分類: 未分類 |
一早起左身,係一個不嘈醒任何人的情況下煮左個麵同換左衫,之後去左上層食,一到聽架勢堂一到食,之後佢地紛紛起曬身喇,拾好野就準備出去喇,點知竟然落雨喎,今日仲要游室外池,凍死喇實...之後去到一望,差呀,俾香港的泳池差幾倍呀,不知所謂囉,又冇電子計時,50米開始個到水深得1.2米囉,點跳姐,唉,之後咪游左個綀習都游得快過既時間,之後好凍,基本上跳落去之後個27秒係完完唔記得做咩架,之後一直係到凍,一點就完喇,之後去左食野,晚上成班人係到睇波睇完就訓喇~ |
| 發表時間：2006-11-10 11:39 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 3 日 星期五 |
| 今日出trip呀 |
分類: 未分類 |
今日出trip呀,不過都要綀早水,今日早水基本上全部都係沖囉,游完就出去做body balance 喇,之後同去搵aunt佢地食午喇,睇左"亂世佳人"個結局其實我冇睇過架,不過見有得睇咪睇囉,之後就去佢地屋企玩電腦喇,點半就搭車返屋企喇,等到成3點半教練接我,之後返左佢屋企,咦!原來好近之喎之後去左個到hea左近就出發喇,係2個鐘裏面的車程,我訓左幾次喇,我通常一坐長途車只要唔係我揸通常都訓架喇,5點幾到左之後就等其他人到,不過班女仔遲左成2個鐘到,之後成班人出去食飯,去個時我就坐教練車,好靜呀,好彩路程短唔係我又訓架喇,去左餐廳成班坐曬係到傾計,食完就走喇,今次我坐左去life同wayne架車,佢地2個完全係狂野呀!超狂野呀...哈哈哈...之後去唔同既房玩下之後就返房訓喇!
聽日比賽加油,好大期望! |
| 發表時間：2006-11-06 11:30 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 2 日 星期四 |
今日係最後一日考試喇!  |
分類: 未分類 |
今日6點幾起左身,之後溫書溫到7點幾出門口,買左早餐,就返學校等考喇,考個時勁緊張呀,次次最後個科我就咁架喇,不過都識做既,考完就去買飯返去睇死亡筆記未睇完就要綀水喇,今日又冇咩力喇,一個星期總會有一日係落到水冇曬力既,游完返左學校,玩左陣電腦先返屋企~ |
| 發表時間：2006-11-06 11:26 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 11 月 1 日 星期三 |
| study again~ |
分類: 未分類 |
今日冇去綀早水呀,返左學院做曬d野先,做做做,食午都係個d野喇,之後好快又到綀水時間,今日綀水一般發揮喇,之後返屋企食飯..食完就溫書喇,聽日last個科喇,好開心呀,溫溫下打左俾錢家姐,同傾左成個鐘先收線,之後就繼續溫書喇....
|
| 發表時間：2006-11-06 11:25 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 10 月 31 日 星期二 |
| 今日考a/c呀 |
分類: 未分類 |
今日考a/c呀,同econ一樣岩幾題就合格,一早返到去,都要溫下書既,不過溫溫下書走左去睇死亡筆記,哈哈哈,食完午就開考喇,其實都ok既我唸,唔,提早交左卷,之後去綀水,遲左少少,不過冇拉根真係唔好受,勁快累呀個人,游完返左學校,做完份功課,成11點先走,返去食完飯就訓,不過因為好夜我做所有野都輕聲步呀! |
| 發表時間：2006-11-02 06:27 PM [ 訪客留言(0) ] [ 編輯日誌 ] [ 分享至FACEBOOK ] |
« | 60 | 61 | 62 | 63 | 64 | 65 | 66 | 67 | 68 | 69 | ... | 117 | »
|
