今日過得好平淡，功課又唔係好多，
下午有好多人去睇沙士，
課室多左好多空位，好多人調位…
載Sir發現左都冇鬧到。
三堂都好輕鬆，冇咩教書，
中史又教得唔悶，
地理同英文都冇乜教書，
放學去留堂，留完我就冇牽挂了。
之後去做3D max，搖搖板好難做啊！
個坐位都唔知點可以做得好，
上網見人做飛機，做得鬼死禁似喎！
真有D妒忌。

今日冇乜功課，不過聽日同後日就……
唉！數數手指，中三剩下真正要上課ge日子…
越黎越少喇。好快我地就要各奔前程fly and fly
雖然我識左你地唔係好耐！
回想起當初…
我唔係好鐘意C班，想留翻係D班。
但係同你地相處耐左，
我就發覺自己鐘意左你地！
到中四我地又要隨班四處分喇，
真係唔係好捨得你地
不過我相信我地升左班之後
我地都會係好朋友！

友誼永固！

今次冇寫錯字喇掛！

本來約左佢地9:30，等緊ge時，
越等就城覺趕。到9:30喇。
我地就急速行上去，
行行下又打俾啊don，睇下上面情況點。
好驚佢地開左跑，就同嚴永跑上去當熱身。
好彩上到去見到力申。就知未跑。
石Sir話實等我地喎。佢話10:20先開跑，
不過比賽要準備，叫我地下次早D喎！
真係過意唔去~~

禁好彩有得跑，我一定要盡力，
唔可以好似上年咁，同桂榮一齊行。
其實上年我行，除左有桂榮外。
仲係因為我冇決心，都唔知跑係為乜。
可能係……

今日都算唔錯，有得第三，
其實我跑跑下，都想行，
不過…好彩有佢！
哈哈哈哈哈哈！