尋晚聽到個壞消息，啊Don話今日打唔倒班際喎。個消息好震撼，我呆左一秒。
其實都冇咩ge，我本來都想著只管打，打的地方一樣，目標不一樣，我只想贏
得全班同學的團結，輸左波都沒有什麼大不了……
小息Miss話啊don可能會黎打，打完就走。PHY完左我即刻行出去，見到啊don喎。
即刻大聲叫佢，佢響度，軍心都強D啦。未打前，大家都話手風唔順。
開波喇，我拍個波俾Ken，走個快攻，入左啊！
一路打啦，分數拉得好緊。
我入兩分，你追兩分咁，好緊張，
有人以為我地會輸，我都驚輸啊！
好彩，最後都贏左一分！
今次贏波，我覺得主要原因係我地無一個真正ge重心。
個個都俾到佢地威脅，又傳好多波。
佢地就好似得兩個後衛，又俾我地後衛克制住。
個個都打得好盡力，就算輸左都唔會有遺憾。
仲有啊！
今日有好多人打氣啊！
唔係得你地，我都都唔會打得禁落力，
都唔會打得禁好。
下星期就係女子班際喇，
我都會好落力打氣ga！
贏輸都好，你地都要笑啊！ |
