材料（食譜修改自吳志恆的桂香雪白千層）

桂花糕材料                                                  椰汁糕材料

熱水 ２００ｍｌ                                           熱水 ４００ｍｌ

魚膠粉 ２５克                                              淡忌廉 ７０ｍｌ

糖 ６０克                                                      魚膠粉 ２６克

凍水 ２００ｍｌ                                          糖 ９０克

桂花糖 ２湯匙                                             椰汁 ２００ｍｌ
 

桂花糕做法

１）魚膠粉＋糖混合，加入熱水拌勻至完全溶解，如果唔溶可以坐熱水或者用微波爐叮一分鐘）。

２）加入桂花糖拌勻後，再加入凍水，倒入模貝／糕盤；放入雪櫃至凝固。
 

椰汁糕做法

１）魚膠粉＋糖混合，加入熱水拌勻至完全溶解，如果唔溶可以坐熱水或者用微波爐叮一分鐘）。

２）加入椰汁及淡忌廉，慢慢攪勻，千奇唔好打到有泡。

３）慢慢倒入之前已凝固之桂花糕上，放入雪櫃雪至凝固。

可重複以上步驟做出有多層效果。
 

呢個食譜已經係減左糖（原本係多好多糖架）。真係好易做，又唔駛打蛋器同焗爐，真係快靚正！

雞翼 2磅

片糖 2片

生抽 2湯匙

老抽 2湯匙

蠔油 2湯匙

檸檬 1個(切6片 – 厚片)

薑 6片

(以上材料可隨雞翼比例增減，如煮1磅雞翼，其他材料減半便可)

做法:

大火燒熱易潔鑊，加入雞翼。

雞翼煎至微微脹起，便加入其他材料，以中火炆煮至收汁。

注意事項
 

1. 檸檬千奇唔好切薄片，如果唔係個汁會煮到有苦味。放入鑊時盡量放係底，咁d汁可以煮到個檸檬同埋檸檬汁就可以混埋。

2. 雞翼唔駛事前醃架，有朋友直頭唔解凍添，你根本唔會食得出，不過你唔放心既話就照自己方法去解凍啦。

3. 見到d相啦，唔駛醃都咁好色水架，千奇唔好諗住加水入去 – 尤其是係最初d糖溶左未滾之際，咁你就變左用水烚咁，個汁就唔會有黏性“掛”住係雞翼到。做人做事都一樣，俾d耐性同埋要相信個食譜啦。唔好下下加水去浸死d材料，下下都攪到好似Titanic 入面成個海都係浮屍咁，邊有胃口食即~~~~

4. 唯一要小心既就係落片糖，會搶火所以要小心，俾d耐性囉。

5. 個汁好好味，可以撈飯架，我煮呢個餸我honey通常個人會食到1磅雞翼!!!!!

材料

一字排1斤
豆豉 1/2包 (用水浸，洗淨，用刀背舂爛）
蒜頭6粒（切小粒）
指天椒3隻（切粒）
生抽、老抽、糖、各適量
生粉、麻油及生油

烹調步驟

1. 先調和生抽、老抽、糖、豆豉、蒜頭，再跟排骨醃一會。
2. 放入雪櫃醃約3 0分鐘。
3. 加入生粉，拌勻。
4. 最後加入麻油、油、水。
5. 醃好之一字排放在鍋碟上，放指天椒粒在上，燒一鑊水，水滾時放入排骨，蒸15分鐘，即成。

貼士：請豬肉檔替你把一字排斬成一吋一塊。