呢個好明顯係一個夏天既餸。因為主菜係用冬瓜，而且整個餸都好清淡，所以一定會受歡迎。最緊要係個賣相靚，其實都係一個懶人餸。

材料:

冬瓜                 一大個

金華火腿          少許

上湯

豆粉                 少許

做法

1) 匙羹在冬瓜起出一個個的冬瓜球，備用。

2) 用中火，蒸冬瓜球大約3-5分鐘。

3) 用上湯、金華火腿先煮滾，然後加入已蒸熟之冬瓜球再略煮 (入味)。

4) 先將入味的冬瓜球上碟，然後加入豆粉埋芡，再淋上冬瓜球上，即可。

好耐好耐都無食過啦，因為實在係太大工程，不過今次整左之後，一定會整多d，原來我屋企個煤氣爐都可以好快手就烘乾晒d大荳芽架!

材料

大荳芽 1斤

蒜頭 2-3瓣

免治豬肉 $10

做法

1) 芽菜摘去尾部，刴成粒備用。

2) 豬肉用豉油、豆粉、糖、紹酒及麻油略醃。

3) 蒜頭刴成茸備用。

4) 熱鑊(唔好落油)，將大荳芽菜落入白鑊，用慢火慢慢烘乾。

5) 用少量油爆蒜頭，然後加入豬肉，炒到八/九成熟，然後加入已烘乾既芽菜鬆，最後加入少少鹽同胡椒粉，兜勻之後就再係鑊邊加入少量既酒，炒勻上碟即可。
 

溫馨提示

1) 芽菜係一定要慢慢用白鑊烘乾，唔夠乾身就會有菜青味。

2) 成個餸既比例係菜多肉少架，所以豬肉不能夠多過芽菜。

一斤芽菜都係$6，成個菜用既錢真係有數得計，不過你用既時間就一定多啦! 我都用左差唔多一個鐘先煮好呢個餸，不過而家出去酒樓都食唔到架啦，係屋企煮下啦，個個都唔煮過多十年就真係失傳架啦。

材料

雞 １隻

元貝 ３粒

咸蛋黃 １隻

蓮子

糯米

冬菇 ６－８隻

冬筍
 

做法

１）糯米先浸水約１小時。

２）元貝／冬菇先浸洗，元貝撕成幼絲；冬菇切丁。

３）蓮子浸洗，去芯，然後用清水煮３０分鐘。

４）冬筍，切丁！。

５）熱鑊落少少油，爆香冬菇同冬筍，見冬筍乾身就再加入元貝絲及蓮子，最後加入糯米。

６）最後加入調味料：老抽少許、鹽１茶匙、糖半茶匙及雞粉半茶匙，將所有材料兜勻，上碟攤凍備用。

７）雞先切頭及切尾，洗乾淨內腔，切去所有脂肪；加入剛才煮好及已攤凍既餡料入內腔，入到一半就加入咸蛋黃一隻再加入其餘餡料，最後用竹簽封好尾部。

８）加少許油／水／老抽加入Le Creuset煲內，然後加入雞，加蓋煮大概１．５小時熄火即可。
 

溫馨提示

１）筍一定要用，因為成個餸比較膩，加入筍可以減低肥膩感。

２）入餡千奇唔好壓實ｄ料，因為糯米仲未發脹煮熟，所以需要有空間；如果唔係，雞肚會爆開，ｄ餡就會走出黎。

３）煮好左，食左隻雞就唔好倒左個煲ｄ汁，個ｄ係豉油雞汁，有用架∼

成隻雞煮完出黎要小心拎起，因為成隻雞已經燉到腍晒，係唔需要切開架啦，食個陣就好似食”叫化雞”咁，用筷子一夾就散架啦，仲要咩味都入晒，連骨都有味。
 

如果無Le Creuset煲，起碼都要隔水蒸３－４小時閒閒地啦，而家咁整已經係最慳爐火同時間啦∼