今日好多人都叫我起身~謝謝你們
今日屋企多左個新成員...
一早起身沖涼出門口返工
之後又去金鐘.灣仔,.中環同上環同causeway bay
東區一日遊~~~好累收工同女朋友食飯

今日一早8點20就起左身啦
因為今日一早要去過客到約左9點30
但是我9點40先去到之後我就同佢傾完就返左公司
返到公司之後再出去金鐘同灣仔...
之後就囉visa同做其他野....

返到公司好似個靈魂唔屬於自己
做乜都錯係咁比人鬧~真係好唔開心架
之後就5點食LUNCH食完HEA下就收工
嗯~呢排要努力啦就快兩個月啦~

出糧有好多野要買呀~

琴日晚上同男朋友出街食飯時令我反思左好多野
每次同我男朋友出街都要約好耐先會約到
因為我地好忙唔係佢得既時候我就唔得
所以∼我地兩個要夾好耐先約到對方

琴日同佢食飯既時候咁ｍ記買野食
點知我個豬柳蛋好硬食唔到
我就問我男朋友可唔可以換架
佢覺得唔可以咁我未嘗試下囉去換
點知換左好食好多．．．．．

之後就傾左ｄ野另我反思左好多野
我唔記得佢媽媽邊年離開佢
嗯∼我麻麻就係響我讀中一個年
爸爸前幾日同我通電話講到唔會隨便入醫院
因為冇病冇痛所以我同男朋友都覺得身體好重要
今年爸爸剛剛過去生日都有６日我買左份保險送比佢做生日禮品

覺得幾好架不過我好掛住我麻麻有好多野想同你講呀
唔知你會唔會聽到我講既野呀∼
我真係好掛住你呀∼好想同你傾計
你比我夢見到你都可以架啦
因為我真係好掛住你同想見到你呀
對唔住呀咁多年都冇去拜你
係因為鑽石山個度轉左好多
所以∼好難先會搵到你呀∼ｓｏｒｒｙ
我一定會有一日會搵到你既∼∼

今日老公一早8點15叫左我起身我就8點45先起身
起左身之後我就換衫沖涼
因為約左人係鳳德之後就搭車返工
返到公司都差不多11點之後打合約
打完都差不多12點之後我同事蚊芝叫外賣
點知我睇唔岩就除意叫左間
食完隔左陣就去左北角和富個邊
點知塞車整到我差不多5點先返到公司
放左工同怡同henry去左旺角
我買左將咭同過左字典
行多陣就同左男朋友行左九龍城之後返屋企

今日好早起左身呀唔知點解會咁早
平時都唔會咁早既
老公8.45叫左我起身返工
之後爸爸就知道我起左身
就開始係到嘈話我比少左錢佢
咁人地得500蚊比左200你
我自己都要入八達通
又要食飯又幫你交左保險費
你估我真係好有錢咩
唔好傻啦~我都等緊出糧呀
因為我想買agnee b銀包同Gusses袋呀
好似都好耐冇買野啦
所以~唸住出糧買呀
起左身之後就沖涼搭車返工
今日返到公司一陣唸住買早餐
點知我同事芝芝同我講Celia返緊來
所以~冇叫到早餐
就出左去做野...去左南山村做野
成12點30先走囉之後搭車返公司
因為有野要囉同入票
之後又過入境處...
入境處既職員已經個個都好似識我咁
因為我成日都去好似常客咁~~
問完visa囉完曬野就返公司
做左一陣野就叫外賣食
食完做左 一陣野又收工
收工約左Christiane謝謝你既愛心湯同糖水呀
好耐都冇飲過啦~謝謝你呀姊妹
之後@@就返屋企lu...
因為好累聽日仲要上慈雲山....聽日收早very good