今日成日都係觀塘..唔知點解今日好似係觀塘一日遊咁
去完東就去南之後又去西都唔知做緊咩咁
4點30見個份呀我聽人際傳意Vincent講可以問僱主有咩問題問
咁我未問左一句你公司有咩晉升機會俾人話左好耐=.=
之後第一次見工見左好耐
由5點40係觀塘道上到去見工見到7點左右
第一次咁耐呀上到去填form個同事囉左我d文件影印
我file 都有copy啦做咩仲要影呢
仲要話我學歷高冇理由冇人請架
咁我點知呢我又唔係老闆
知道左就唔會來見啦
你話呢幾日會有個second-in都唔知係唔係
放勞工假期7日..返9放6...五日半工作
都唔知有冇機會希望有啦......
因為等你份工開飯呀...記得請我啦
唔係我真係唔知點算呀
等你架記得搵我呀...So生

今日一早7點15左右就俾個鬧鐘響大細心
每次都係到為你傷心不算甚麼就醒左啦..
起左身就沖涼沖完涼剛好是爸爸回來的時候
我同爸爸就出左去食早餐食完早餐我就行去地鐵站平2蚊
因為問爸爸借左將八達通所以要用平2蚊啦
搭到去藍田站剛剛9點等埋啊挑
一齊搭去箕灣之後再搭小巴入去石澳
原來同佢d同事差不多時間架
之後燒左陣野食就落水玩啦..玩得都好開心呀
不過你有d同事好串呀玩緊將浮床既時候
你要玩可以比你玩..不過下次唔該個人落左先拉人啦
差小小浸到呀係唔係你負責任呀真係呀...><
玩到三點幾左右就沖涼換3返去啦
因為每個人都累啦..之後就搭車返屋企
返屋企玩左陣電腦訓左一陣都舒服曬
之後就起身睇電視同打日記
今日玩得好開心呀不過換來皮膚...
又白又黑呀.....

今日10點幾左右就起左身啦..
起左身就打電話去有線同佢講點解我交左錢都用唔到上網
之後同佢講左一小時就用到啦
打完之後就打左去美國冒險樂園到問是否請人
留完資料之後就傾左陣msn同上左陣網我都沖涼
沖完涼之後就搭車去觀塘
之後就同啊挑行左陣apm行完之後去左裕民行街
行完既時候就係中旅社等我啊哥..
佢呢個遲到精6點32分打電話俾你..你就7點22分先到
俾你boss捉左開會真係慘><
之後到左我地就去左沙爹城食野d賣相幾好
點知食落去就麻麻地同我啊哥同我同啊挑3個食
叫左好多野食呀..都食唔曬"浪費食物"...
不過每次哥哥叫咩食我都會偷食架...
好似幫佢試味咁
食食下啊深都來左黎食有4個人食完之後傾下計兩個兩個咁傾計
傾到差不多10點左右就搭車返屋企因為大家都累啦
哥就返工..而我同啊挑就聽日去石澳玩
好開心架...不過哥話唱k好呀等你生日個日呀...
不過好似一個月見一次咁好...正呀...

今晚多謝你呀餐飯哥哥~tHANK yOU

唔知點解今日會post呢首ekin既歌
歌名係回憶裡沒有冬季
今日有個朋友問我邊一段愛情最令我刻骨銘心
我就唸起我初戀都唔係好深刻..
而第二個男朋友就係我同第一個差不多散既時候先開始
佢又係我啊哥既中學同學=.=
而個時佢又唔離我係中秋節既時候俾我偶然去左我第三個男朋友既網到
之後我地就開始左每兩日send一封email個時真係好開心架
差不多每日都收到佢既來信...都係一個好既回憶
我同佢短短send左3個月之後就見面啦
個時我真係好開心架..之後就同左佢一齊..一齊左都有兩年啦
係我咁多年既時間內最開心既一次
因為我最長拍拖都有兩年
唔知黎緊今次拍拖又會幾耐呢....
呢一次真係好值得回憶呀.....真係好開心呀

低溫街角 共你吃最涷的乳酪
仍是會察覺溫暖動人感覺
緩步望著夜雨散落 嚴寒仍代表快樂 OH ... OH ...
北風多冷漠 就算你那襯衫太薄
仍是會有我一個熱情肩膊
然後仲夏又再降落 全城沉睡了
亦會因這幕喚醒知覺
回憶裡沒有冬季 但有你的一切
只要共你擁抱已是熾熱到底
因你用吻蒸發 是我眼中一切
震動了天 灼熱了海那火勢
即使走遍世上那怕到海角漫遊
冷暖氣候視乎同伴與否
回憶裡沒有冬季 但有你的一切
只要共你擁抱已是熾熱到底
因你用吻蒸發 是我眼中一切
有著雪崩世上破毀的氣勢

今日起身都12點幾啦我沒有返到教會敬拜
對唔住呀主耶穌...
今日都係起左身玩左陣msn之後就繼續睇我既十分愛
當中套戲覺得有幾part我覺得講得幾好架
同覺得幾正架.....其中有句咁樣講架
我知道愛不需要解釋
我唔想再失去你
我只知道我應該信我愛既人
你可唔可以再俾一次機會我
我地重頭黎過呀

如果真愛能夠到永遠的話我一定會好好珍惜
呢幾年我真係覺得自己好失敗
唔識得珍惜自己既野到左現在真係太後悔啦
其實愛可以好簡單又可以好復雜係睇你點睇呢件事
而每個人有唔同既愛情
我現在只係想一個人靜下究竟我需要d咩野呀
有好多野我真係唔知呀，好矛盾呀！
 不要怪戀愛中的自己全無理智，沒有一個熱戀中的人是清醒的
 愛情的偉大在於無條件付出和不計後果的犧牲

今晚6點15左右出左門口搭車出去土瓜灣食飯同未婚夫
好開心架同埋未婚夫同佢朋友三個人一齊食飯
食到好飽呀叫左個三人餐都幾好未呀
下次再同你地食過食完就搭車返屋企lu
因為好累聽日又要早起身
所以好早返到屋企打埋日記同玩陣msn就訓lu
唔係聽日就會唔知醒架啦~

分手後應該擺脫　卻自覺天真
曾傷我最深的人　捉緊我心
應該漠不關心　然而還著緊
消失枕邊人　很想跟你熱吻

＃愛你要比沉淪深海　更難耐
　你沒有心給我未來　求你莫再　令我憎你還愛＃

＊早知不應試愛　便算哀　現在問問誰珍惜不再
　活該　當得到所愛　背著我犯錯　竟不散不愛
　心　未放開　原來逃避感覺越怕越存在
　愛滿分竟是換來　痛亦滿分可否錯一次以後　
   一直愛（痛亦滿分不想再一次意外）＊

這考驗不高深　是靠著你真心
來傷我更深的人　多麼次等
應該漠不關心　然而還著緊
消失枕邊人　很想跟你熱吻