小魚多謝你呀琴晚陪左我咁耐..我唔知可以講咩只可以同你講多謝你呀...
我真係好開心呀多謝你呀，我希望我可以快d搵到工呀,,多謝你既無限支持
呀我會俾心機架啦..
 
今日都唔早起身啦一起身既時候就望下電話幾點
就見到有個sms點知係新世界send來話叫我下載d野
點知覺得無聊就detele左..之後就起身玩左陣msn
我就沖涼食野..之後搵下工同d朋友傾下計嗎
傾左差不多晚上就同Ada出左去旺角睇戲...
睇呢個每當變幻時套戲都幾好睇呀仲以為最後陳奕迅會同楊千嬅一齊點知唔係
之後返屋企lu

懷念過去常陶醉
一半樂事　一半令人流淚
夢如人生　快樂永記取
悲苦深刻藏骨髓

韶華去　四季暗中追隨
逝去了的都已逝去　啊啊
常見明月掛天邊
每當變幻時　便知時光去

懷念過去常陶醉
想到舊事　歡笑面上流淚
夢如人生　試問誰能料
石頭他朝成翡翠

＊如情侶　你我有心追隨
遇到半點風雨便思退　啊啊
常見紅日照東方
每當變夕陽　便知時光去

今日都算黑仔呀..唔知點解
今日一起身就聽到電話響..呢個勞工處不停打電話俾我
之後起左身打電話覆番俾勞工處
佢介紹左份工俾我點知人工太低我冇興趣
之後下午本來約左美莉食野搵工
點知佢放左我飛機我打電話俾你..你話你去左又一城
真係好過份呀又唔同人講........
之後晚上就上左Ada屋企食飯..
食完飯之後睇左陣電視同打左陣NDS我都走LU
唸住番到屋企同我朋友msn點知冇帶鎖匙同我朋友傾左好耐電話
對唔住呀...要你浪費電話..搵到工請你食飯呀.......
之後傾左好耐用我既方法打電話俾爸爸叫爸爸救我...
真係好感恩呀俾我搵到爸爸

Standy生日快樂...................早日搵到一個愛你既女朋友呀
(我支持你呀......................^_^)

數數呢個世界我活係呢個世界都有24年幾啦
都就快25年啦呢25年我究竟做個d咩野呢
等我小學開始計下先我89年至95年讀小學
95-98就讀中學，98-99年就讀IVE
06-07年就讀明愛..我好似做左都有幾年野咁..
而01年3-9月就係香港基督教信義會到做活動助理
而02年5-8月就係尖沙咀到做助理文員
之後唔數落去啦......
今日都係同平時一樣咁起身..MSN同搵工
冇咩其他特別事情發生..
唯一既係我覺得自己好似有d野改變左唔可以既事實
今日同教會一個姊妹傾開近排大家既生活
不過我真係唔知自己有時會做緊咩架
可能呢樣野你自己都唔會知道架
點解咁講我都唔知呀...今日我終於喊左出來因為我知道我唔知邊日會喊出來
今日終於喊左出來啦.....雖然舒服左d...
但今日好無聊係到渡數自己仲有10日生日
呢10日真係好期待但是另一邊仲有8日就派成績表好緊張呀
唔知到時會點真係好驚.不過琴日見份工我唸都係冇希望架啦
要搵其他工啦~希望神你聽到我既禱告會幫我啦同憐憫我既愛啦

今日都唔知自己幾點起身啦~
今日都係同平時一樣返學既日子咁
起左身玩左陣msn之後就沖涼就換3見工
因為今日有工見好開心呀係旺角彌敦中心見
唔知得唔得呢個僱主話我d工好有愛心應該冇問題
加上我之前d工作經驗wow...希望呢一兩日收到你電話啦...
我會為我做的事祈禱的..希望神會聽我既禱告啦

晨曦細雨　重臨在這大地　人孤孤單單躲避
轉身剎那　在這熟悉的路旁　察覺身後路人是你
如一套戲　重逢在這舊地　而彼此不知怎預備
一些嘆氣　跟一串慰問　和隨便說一些讚美

為何你眼光年月未變　思憶怎麼要再返舊年
你說要走的一晚　綿綿夜雨　也似這天
總要在雨天　逃避某段從前　但雨點偏偏促使這樣遇見
總要在雨天　人便掛念從前　在痛哭擁抱告別後從沒再見

而一個我　言詞漸覺乏味　人不知怎麼躲避
終於看見　在這熟番的路旁　那個他靜靜凝望你
而一個你　重望別這舊地　臨走的一刻親近地
輕輕送我　多真摯慰問　尤如逝去當天語氣


每個人都會有開心同唔開心既事
而我覺得自己成日都係好似隻唐老鴨咁成日都係唔識笑既我
講真真係幾似我架...今日都係咁
爸爸放工既時候都係唔知做咩野係到講野
之後我就唔理佢啦..繼續訓之後電話係咁響都唔理啦
12點左右起左身就玩左陣msn之後就沖涼同飲啊爸煲既靚湯
本來唔想飲架又唔想浪費爸爸既心機所以未飲囉
有好多野發生左就發生左..永遠都唔會有第二次
就算再俾機會你都係有個裂左既裂痕啦
再勉強一齊都冇意思架..所以人同買衫一樣
你明明係著S碼買件L碼俾自己著一來唔好睇啦
二來著出來未又係大件唔好睇點解唔搵一件岩自己既衫呢
所以呢樣野帶出來想話俾大家知買衫同搵自己喜歡既人一樣
大家咁聰明一定明我講咩既........
下午都係係屋企睇學警睇16-20集之前唔係屋企未download左囉
睇到3點幾我覺得眼訓番左房訓
訓醒既時候都5點幾電話就響不停
好煩呀又冇來電之後繼續訓到6點左右起身啦
因為家姐同姐夫話去打邊爐...我未又係坐都冇心機食野
希望你地唔好嬲啦~之後就番左屋企睇學警