直到最後的一剎那，我們始終以自己為對象扮演著喜劇。（海涅）
－－－－－－－－－－－－－－－－－－－－－－－－－－－－－
星期四。
電腦堂死河童又講書，講左成年真係唔知學到d咩……又唔解釋d程式碼點寫點解，仲話考試要整成個動畫，大佬，點整呀？
科學堂「自由活動」，成班人堂而皇之咁鮏手機出來影相……
中午高佬成班去高士德食聞雞起舞……我就逼左輝去食小熊貓。
當當網d書終於到貨。書櫃一早已經爆左，只好東湊西拼，架床疊屋，連書𦭵都擺到冇位好擺。
一返到屋企，部腦開唔到……阿哥返到尼搞左一輪先得。從小六開始，每逢五月考試前部腦都一定衰，到最後就要鮏去整……連天都唔想我考試期間上網。
＊＊＊
當你專注做某一件事時，總有其他事情在身旁悄悄流逝。你不能去挽回，也不願去挽回。
愛是偉大的，因為它愛所有的人。但如果愛只是對一個人的話，那就太卑劣了。因為你忘了身旁的所有人、忘了自己。
兩人間的只為對方的愛，是更加卑劣的，因為他不能容納除了所愛的人之外的所有人，在自己的四周畫下不能逾越的鴻溝。
兩人的世界……就是拋下了整個世界餘下的東西而已。
人的天性就是利己主義的……儘管他竭力充當不是。
尋日的電話……唔知咩事，我都唔知咩事……但已經感覺到好唔尋常。
唔好咁偉大，亦都唔好咁自私……呢句話獱我blog出現已不下兩三次了……
| 
