何必為了生命中的一部分而哭泣？生命本身就是可泣的。（塞內卡）

 －－－－－－－－－－－－－－－－－－－－－－－－－－－－－－

    星期二。

    德育堂……冷戰開始築起鐵幕了吧？我同偉哥都係舉左唔贊成中學拍拖……人地拍拖已經咁煩，自己出馬咪跳樓都有份？

    中午又同輝去余榮記食……「送」佢返屋企之後又自己行返去。

    出去打波？好累……所以就去左圖書館。

    返黎果陣落雨……好在係返到屋企先變大。

－－－－－－－－－－－－－－－－－－－－－－－－－－－－－－－

    今日你同我講果一句野，我避開冇回答。

    如果你認為你ge抉擇係對自己好對他人好、係正確而唔會後悔唔會再傷心的話，我支持你。

    Forever love……for ever love……永遠的愛只對曾經的愛負責。

    咩叫相對論？就係有人歡喜時，亦都有人愁……咩叫有人歡喜有人愁？就係當天秤一邊負壓時，呢邊沉重，而另一邊變輕……咩叫沉重？就係將別人的心放在自己的心上，壓著自己……

    咩叫「守得雲開見月明」？就係如果你只係唔做任何野，默默守候雲開，咁你亦都只會見到月亮，唔會得到太陽的光明……

    「孤撐休抱恨，苦棟亦成陰」只是支撐著蓋頂烏雲，始終不會「綠葉成陰子滿枝」……

    我不懂得安慰人……能夠安慰自己心靈的只有你自己。要做自己的主人，否則你只會永遠都寄人籬下，永遠都逃不出這籬下的陰影……

    講錯，冇野係永遠……一生一世都已屬虛無飄渺，遑論永遠？

    又講錯……「永遠」，永在遠方……「我永遠愛你」，就係我永在遠方愛你……

    To be or not to be, this is a question.去唔去做係一個問題……而呢個問題的決定權始終在你手上。

    「別理會！讓他們去唏噓！奪取吧！我請你只管奪取！」 （尼采）

    呢句話係對任何人說……

＊＊＊

    閑人唔好咁多聲、唔好多管閑事……那就當我是自言自語、閑言閑語、瘋言瘋語吧……

……

    我已經寫透了人情，所以人情拋棄了我；我已經寫透了世界，所以世界拋棄了我……若我寫透的是你呢？……

偉人對我毫無意義，我只欣賞自己理想中的明星。

　　　　　　　　　　　　　　　（尼采《善惡的彼岸》）

－－－－－－－－－－－－－－－－－－－－－－－－－－－－－－－

    四月廿一。蔣生happy birthday！

    上晝……好無聊。唔係講緊上堂無聊，係d人好無聊。唔明……唔明點解「妳」揀ge係佢。

    Love is blind……blind ge條件係先有love……

    「Love is blind」，全句係「愛情是盲目的，這也就是為甚麼它一直都以觸覺進行的原因。」好遺憾，我只可以同你講，以觸覺進行的愛情是膚淺的。

    「這世上有一百種戀愛，其中九十九種都是騙人的，為什麼呢？因為那都是為了自己而談的戀愛。」……

……

    下午音樂堂，考試唱歌自選！

    梗係唱「追」，仲要係獨唱＋清唱！

    尾二果個先到我。熄哂燈，剩係開住盞黃色射燈，超好feel！唱完惟一感覺，好正！

    幾廿部手機對住我，記得影完畀返我，我要收版權費！

    高佬佢地五個第二次唱超人迪加……超低能，勁搞笑，好暴力……

    聯校果邊，睇死班友都要延期啦。延一個星期？我真係唔信咁少……

    好耐冇同過傑、查佢地吹水……尋晚傑查文琴晏豪斯姐成班獱MSN度開𦭵，對上一次都至少一個月前。

    順道恭喜傑、深、查、文、琴香港學界律詩賽入圍。冠亞季都包辦哂囉……

－－－－－－－－－－－－－－－－－－－－－－－－－－－－－－－

    尋日尹sir講ge秘密係咩？好遺憾，我已經知道左……你想我同尹sir講係邊個爆出去的？

    尹sir：「你條腸粉。」睇怕都要再同你地講多次……呵呵。

    偉大的星球，假如沒有你所照耀的人們，你的快樂何在？

　　　　　　　　　　　　　（尼采《查拉圖斯拉如是說》）

－－－－－－－－－－－－－－－－－－－－－－－－－－－－－－－－

    星期日，又係難得的星期日。

    中午食雲南米線見到Miss Chong，同佢一齊果位唔知係咪Miss黎……

    聯校唔洗開會，不過中午食完飯自己去左搵舖。商務話遲d答覆，睇怕機會都係渺茫。

    之後去左宏達同澳門文化廣場睇書。買左本《圖解世界史：近代卷下》，同上次一書齋書展時果兩本係同一套。仲見到錢鍾書的《宋詩選注》同佢ge詩集，實在難得，不過詩集太殘太黃，《宋詩選注》實在冇興趣，就冇買到。更奇跡ge係居然見到中華書局的《吳漁山集校箋》，仲要收埋獱澳門圖書果行書架度，真係莫名其妙。

    今日休息一天，唔講心情，正確d黎講係週記已經講左。「完全不談自己是一種甚為高貴的虛偽。」虛偽咁多次，唔爭在虛偽埋今次。

    「你已經錯過了太陽，不要再錯過月亮和星辰。」（泰戈爾）

－－－－－－－－－－－－－－－－－－－－－－－－－－－－－－－－－－－

    打風！打風！八號風球啦！咁都畀我個錢氏天氣報告up中……

＊＊＊

    星期六。

    高中週會係學生論壇，以辯論學會ge名義去「幫手」。

    突然，高sir衝上臺搶mic，話一點鐘會掛八號，全部野夭斬哂！

    學生論壇推遲不特止，聯校d野又要一拖再拖，慶功宴再拖三拖……所有計劃畀個風搞亂哂。

    乜野叫做「狂風與暴雨都因你燃燒？」，咪就係狂風同暴雨搞到你嬲到自焚囉！

    放學行返屋企……所謂ge橫風橫雨，原來係吹到你個人由打直變打橫咁解。

    下晝留獱屋企，居然訓左晏覺……好耐都未試過咁頹廢……應該話好耐都未試過有機會畀我咁頹廢。

    聽日聯校個會唔好同我講仲要開……八號風球都要我去開會，同我打扁聖保祿條友！

－－－－－－－－－－－－－－－－－－－－－－－－－－－－－－－－－－

    不要再錯過月亮和星辰……那我的月亮和星辰在哪裡？