灰色的世界……不用黑白分明，何嘗不是一件好事。

－－－－－－－－－－－－－－－－－－－－－－－－－－－－－－－－－－－－

     人生火車已經開出，請根據票價決定你的旅程舒適度，請自行決定目的地。不設售賣回程票、不代購保險，請乘客自行保障自身安全！錯過班次者請來生再行乘搭！謝謝。

＊＊＊

    學生論壇、聯校商戶優惠計劃、辯論學會申請資助計劃書……

    今個月booking已滿，下月請早！謝謝！今個月精神quota已滿，負荷過重，機器失靈，請勿使用，謝謝！

＊＊＊

    邊個話讀書能靜氣？同我拉出去打靶！讀書解唔解決到份計劃書？讀書解唔解決到聯校d野？解決唔到問題的話靜乜野氣？讀書真係靜到氣就唔洗日日咁多大學生去跳樓！前幾日又有個博士香左啦！

 －－－－－－－－－－－－－－－－－－－－－－－－－－－－－－－－－－－

「常常談論自己的人，往往祇是為了隱藏自己。」（《善惡的彼岸》）
「完全不談自己是一種甚為高貴的虛偽。」（《人性、太人性的》）
　　　　　　　　　　　　　　　　　　　　　　　　　　　　　尼采

    真有趣……那我是虛偽還是隱藏自己？

    再送上名言一句，點解我blog度成日提起「熱情」，睇完應該知點解：

「我們可以斷言，沒有熱情，任何偉大的事業都不能完成。 」　黑格爾

－－－－－－－－－－－－－－－－－－－－－－－－－－－－－－－－－－－

    熱切悼念香港前足球評論員伍晃榮。懷念一起「聽」波的日子。

以下是錢氏特別天氣報告消息：

香港及澳門天文臺現正懸掛一號戒備訊號，台風「浣熊」以時速一百五十公里的速度，從南海直炒海南島，經過海南島後向右擲一個靚彎，預料將會炒到正一正澳門。詳情請看：

http://www.hko.gov.hk/wxinfo/currwx/tc_posc.htm

大家唔好咁開心住，「浣熊」預料於星期六晚及星期日最接近澳門，換句話說即係冇得停課不特止仲要虧埋個週末週日畀佢。「浣熊」殺傷力可媲美初三甲暴龍，請各位同學注意自身安全，做好防熊措施。

錢氏特別天氣報告播放完畢，多謝收睇。如欲繼續收看今天篇blog，請滑鼠繼續拉下，謝謝。

郵亭寄人世，人世寄郵亭。何如自籌度，鴻路有冥冥……

　　　　　　　　　　　　　　　　　　（杜牧《重題絕句一首》）

    夜讀《樊川文集》，覽至《重題絕句一首》，掩卷而歎。牧之詩百首意旨，不過此二十字而已。

－－－－－－－－－－－－－－－－－－－－－－－－－－－－－－－－－－－－

    今朝五點幾迷迷糊糊咁醒左……果陣已經開始日出。個天轉轉漸藍，而且見到好多星，從未試過見到有咁多星……六點鐘，天已經白哂，繁星已經消失。

    恆星……誰說永恆的東西一定是永恆的？何況我們還是有限之身？

－－－－－－－－－－－－－－－－－－－－－－－－－－－－－－－－－－－－

    中午食飯。

    a+c+f唔一定等於a+c+f，仲可以等於(a+c)+f。

    a+c+f=?……唔明妳想點……唔明妳點解要親自劃個括號上去……唔明妳點解一直唔肯計呢條式。連自己ge事都未處理好，憑咩處理人地ge事……

    點解一牽涉到呢d野妳就唔肯去處理，平時ge妳去左邊？呢d野唔單止係妳ge事，仲牽涉到其他人，唔係你話唔想處理就唔去處理……

－－－－－－－－－－－－－－－－－－－－－－－－－－－－－－－－－－－－

    我地班的人，獱網上係一副臉孔，現實係一副臉孔，好恐佈……包括我。

    時間真能沖淡一切，包括熱情和人情。

－－－－－－－－－－－－－－－－－－－－－－－－－－－－－－－－－－－－－

    中午，好有意思的「會談」。終於覺得你真係成熟左。

    唔做而後悔，與做左而後悔，絕對係兩回事。你會選擇邊樣？

    但我至少肯定後者會比遲疑不決好得多。

    心臟搭橋手術＝建立一座由內心走向世界的橋。唔接受手術ge後果就係心臟衰竭。

    開刀係需要痛苦，但傷口總會痊癒。

    你選擇接唔接受手術？妳又贊唔贊成佢接受手術？

    其他的人，你／妳又點睇？

    贊成、接受，唔該就去行動。

－－－－－－－－－－－－－－－－－－－－－－－－－－－－－－－－－－－－－－

    煩，如果對你有幫助的話，我會選擇繼續煩！

那誰來替我煩？
    ……

    星期二。

    好平靜的一日……

    德育堂講選科。真落後的填鴨式教育……選分文理時淘汰d，三年填鴨高中淘汰d，升大選科時淘汰d，高等教育後又淘汰d，到最後係揀淘盡泥沙不見金，好ge壞ge都淘汰哂。呢個社會就係d由畸形教育「生產」出來ge泥沙所組成，咁樣ge社會可以發展成為東西文化中心？

    speaking第二堂變左歷史……獱書度抄d出來就當係筆記，叫我練硬筆好過啦。

    中文堂終於正常返少少。「纖纖擢素手，札札弄機杼」都唔係對仗，咁「無邊落木蕭蕭下，不盡長江滾滾來」呢d又算咩？

    下晝留獱屋企同輝一樣冇出去溫數。

    佢地去溫，我去黎有咩意思？

    唔知你地係咪玩真……如果係的話我冇野好講，唔係的話更加冇野好講……

－－－－－－－－－－－－－－－－－－－－－－－－－－－－－－－－－－－－－－－－－－

    好耐冇買書、好耐冇睇過書……

    考完試咁耐，係時候上當當網訂𠗐書。

    預定書單如下（價錢為當當網打折後，未計VIP卡再折）：

《明詩綜》（八冊）　　　　　415.8
《近代詩鈔》（三冊）　　　　85
《西崑酬唱集注》　　　　　　23.5
《陳與義集》（二冊）　　　　40.8
《震川先生集》（二冊）　　　61.5
《鄭板橋集》　　　　　　　　15.1
《夢苕庵詩詞》　　　　　　　19.9
《日本漢詩論稿》　　　　　　22.6
《容齋隨筆》（二冊）　　　　58.5
《談龍錄　石洲詩話》　　　　5.3

    好像很奢侈……