星期三。

    數學堂又講返上次全班唔洗補考計劃d野。

    科學堂聽書？我都好想……但真係你想聽都聽唔到……

    唔好講聽唔聽到佢講咩，就連佢講緊野我都未知……

    我：「透鏡同面鏡ge外形有乜分別？」

    Sir：「呢個問題好難答你……哦，樺哥你有野問？有咩問題。」我：「……」

    之後就一直問到落堂。

    ……

    中文堂教古詩十九首……但佢一直講緊《詩經》同格律詩……五言詩係古詩十九首開始？真係不敢恭維。

    英文堂，小曼姐又講故事！撞一撞，就結左婚，有冇咁奇妙呀？咁簡單就唔洗煩咁多野啦。

    放學同肥聰行返歸。肥聰走體育堂……原來係學緊太極。

    下晝同輝同高佬去左打羽毛球。後尾有兩個鬼佬踩場，打雙打。兩個人應該係父子……聽到其中一個嗌另外果個做「Father」……Father真係勁過個Son好多……

    頭先，聽到一個好有趣的消息，下星期又有野玩。唔知仲有邊個有份呢？

    劉智恆：「唔好同其他人講！」咁就當我冇講過啦。

受傷的天使揹負不起雙翼的重擔

    光榮的假面遮掩著闇暗的白羽

        在輝煌的影子中　踽踽獨行

            ………

－－－－－－－－－－－－－－－－－－－－－－－－－－－－－－－－－－－－－－－－－－－

    好無聊的一日……

    下晝獱屋企，百無聊賴……好似好多野要做、但已經冇熱情去做。

    歌唱比賽已經完左接近一星期，又回到以前的樣子。

    將別人的事變成自己的事，能開導別人卻不能開導自己。

    究竟為左乜？……自信心、責任感好重要，但熱情先係最重要……

    冇左熱情，就算有能力完成，肯去完成，都只不過係機械的空殼驅使你去行事……

    我係咪已經冇左做事ge熱情？我唔知……但我已經冇精神去做野、冇興趣去做野……揹負住重擔、重擔又揹負住重擔……沒完沒了。

    強迫自己去做，但精神上已唔容許我繼續強迫……

    兩個月的時間……是這麼的漫長。漫長之後只會是更漫長的漫長……

    光榮的面具，背後的臉孔是淵澤的黑暗……

    沒有人看見……永遠也沒有人看見。  

    音樂堂後，同朱生傾謁傾到六點。

    關於班務ge唔想再獱呢度講。

    朱生：你係咪已經選定好文組，選定好將來ge出路？

    我：係。

    的確係。文學一直係我ge興趣、出路。

    朱生：我地班好多人會讀理組。你會唔會唔捨得一齊已經三年ge呢班？

    我：……

    好簡單的一個問題。但係我唔識答，亦都唔敢答。

    有冇唔捨得？我諗一定有。三年。班上好多人都係原班自初一甲升上來。冇人會再畀你地更瞭解我性格。上到高中，乜野都要重新開始過，你熟悉ge人都唔會再同你同班……要一個群體入面所有人熟悉你，唔係易事；成為一個群體入面ge精神「領袖」，更加唔係易事；要令一個群體入面所有人瞭解你呢個「領袖」、承認你呢個「領袖」，唔係經過一段好長ge時間根本冇可能……將來升到高中，實在太難重新建立呢個「領袖」的我……

    我從來都冇猶豫過選讀文組ge決定，直到慈青營、直到歌唱比賽。親眼睇到一班人變成而家ge初三甲，親手為初三甲仆心仆命，要我就咁放棄，我真係唔想！我真係唔甘心！

    但我又可以點？文學！我已經為我ge興趣放棄左好多野！我而家已經唔可以再返轉頭、我冇得再重新選擇！

    從初一之後的暑假開始學詩，一直至到而家！對於詩學我從來冇間斷過！暑假你地去玩我留獱屋企睇書；放學你地上網玩我就上網評詩寫詩！呢兩年我比你地每人都刻苦！我放棄左我所有ge空閑時間；放棄左同你地ge共同話題；放棄左初中最後ge童真！我唔想再放棄呢個已經三年ge群體！

    我好唔捨得！咁又可以點？興趣同你地，我可以揀邊樣？我已經放棄左好多野！為左呢任何一樣我只能放棄更多更多ge野！一揀左就唔可以再回頭！

    如果升到文組，點樣再建立而家ge「我」？如果升到理組，我將來ge目標又係乜野？

    我應該放棄邊樣？

    ……

    二零零六年四月二十七日，距現在已差不多兩年了。

    今日，星期日。買完夏季校褲，買完鞋，剪完頭髮，沖完涼，準備上來打blog。門鐘剛好響起，初聽係陌生人，再聽，諗起兩年前ge事。

    娟姐係以前我屋企的工人，從我哥出世果陣就已經黎做。直到我初一果年，二零零六年的四月，娟姐在內地的親人打電話來，係佢住獱澳門父親ge訃聞。聽到電話之後好快就走左。儘管之後曾經返過黎，但唯一佢獱澳門ge親人已經唔獱度，於是佢就返上大陸定居。

    佢走果日係二零零六年四月二十七日晚上九時－－我到而家都仲記得好清楚。至少呢個日子比起無謂ge畢業典禮更加重要。

    真係晴天霹靂。呢件事對當時ge我打擊實在太大。生離死別，原不是那麼的遙遠。一個電話已足以打破平穩而無憂無慮ge生活。珍惜眼前人，看似好唔實際的一句話，但眼前人終究是眼前ge人，下一秒鐘可能已消失於你ge目光。

    成熟唔係與生俱來ge本能，亦唔係可以憑空學到ge知識。早熟往往係受到外界ge衝擊而成。當發生一件翻天覆地ge事之後，你將覺得自己需要獨立、需要成熟，你唔可能亦都唔能夠再依靠別人，你自己ge一切掌握獱自己手中，前一秒你擁有所有，下一秒將可能變成一無所有！一切要靠自己去爭取、去挽回！只有自己ge真正實力唔會失去，只有自己ge思想知識唔會失去！世界只係你ge一部分，只有你自己才是你ge全世界！

    「平凡唔係你ge錯，但甘於平凡就係大錯特錯！」
    「要有自信！你自己就係一道風景，為何要在別人風景前仰視？」

    呢兩句一直係我ge座右銘。只有不平凡ge我、自信ge我先係一個真正ge「超我」！要在別人之上、要不甘於別人！六十五億碌碌之輩，我偏偏要做呢六十五億以外ge一個！蓋茨唔會永遠都係蓋茨，我亦唔會永遠都係「我」！我唔會係別人，我都唔會只係別人！我就係我，我就係一個獨特ge我！

－－－－－－－－－－－－－－－－－－－－－－－－－－－－－－－－－－－－－－－－－－－

    呢篇係改自我今個星期ge週記。本來諗住係講返Miss上次回覆我果篇週記，但呢個突如其來ge事改變左我主意，結果就寫左呢篇野。

註：「超我」係咩？請參閱精神分析家佛洛伊德ge心理學理論。

    星期六。天天、咒怨生日快樂！咒怨生日都仲要畀人擺上𦭵，冇陰公……雖然係我擺佢上去ge。

    一二堂係火星文堂。火星人一入到黎就大發神威！係神經個神！根本就擺到明串我地班！歌唱比賽我地贏左，你唔服，我想問你唔服d咩？簡直無理取鬧！自己班鮏唔到獎唔該檢討下自己先，唔係獱度聲大夾惡！

    週會堂落操場睇初二畫劇比賽，係做我地d劇本。完全不知所謂！做成語畫劇可以做到咁ge款。真係辛苦哂各位評判！要獱一堆垃圾中執d好樣d ge垃圾！Miss所謂ge「得啖笑」，真係形容得好。唔該睇下我地上年d英文畫劇先啦！

    放學返上課室搞小型慶功宴，好正……狗公強吻尹sir！仲要係兩次！蔣生用手機錄左段片，有興趣者可自行向蔣生查閱，包保精彩！

    兩個三磅ge蛋糕居然極速清場！真係唔可以少覷我地班人ge餓狗搶屎能力。

    放左學，同肥聰食飯，連扯帶拖拉左輝輝陪我地……兜左一圈，返到去水m見到蔣生。食m記可以食到講硬筆，仲要用m記d墊盤紙作「示範」，真係……

    返到學校，校慶文史地科組個慶祝活動仲未開始。點解我要返學？因為畀火星人呃左我上火星寫火星文書法！

    果位書畫家獱開幕儀式之後即席揮毫。兩個司儀獱旁邊嘈黎嘈去好鬼煩……洗唔洗我教你做司儀呀？

    開幕儀式完左之後就上台領獎，係成語畫劇劇本佳作。作左三千幾字，都好應該啦下？一組四人，每人有一百元博士文具券。用來買羽毛球拍同埋鋼筆都唔錯。

    之後就入左去寫書法。正宗ge書法真係好難寫、好難控制！同我地平時寫d毛筆字簡直差天共地！要紮哂馬，用個身去寫字，手腕唔可以掂張𦭵……我寫左兩張大萱紙，一張係佢叫ge練字，一張寫左首《烏衣巷》。圍觀d人話好靚，但係我真係唔覺……完全冇左寫毛筆果種特點，真係叫我寫硬筆好過。

    出到黎，玩左d攤位遊戲。去左梁詠琪搞果個成語馬拉松度踩場……贏左樽益力多之後畀人帚走……之後又去左猜謎果度踩場，猜完仲繼續講答案，結果都畀人趕走埋……六朝美食？似粉麵全餐多d。

    五點鐘準時散場。返到屋企畀輝輝呃左落二龍喉打波，打唔夠一個字佢地就走左！得返我同高佬打到差唔多七點。好耐冇打過啦！都仲算有返d水準。今日終於掌握到步法同埋控制球ge落點！

    返到黎，沖完涼，就打呢篇blog。

    歌唱比賽完左，好似已經鬆一口氣……

－－－－－－－－－－－－－－－－－－－－－－－－－－－－－－－－－－－－－－－－－－－

    尋晚同阿sir講左一個好有意思ge問題。

    自從初二開始投入學會ge工作，搵到自己興趣，我已經唔再care我ge學業。初中根本唔洗咁執著去讀書，寧願畀其他野綁住自己都唔好畀學業綁死自己！如果初中唔去嘗試多d野，上到高中就更加冇機會！中學係拉闊你ge人生，大學係加深你ge人生！中學時更應該加入多d學會，學咩係責任感、咩係自信、咩係團結、咩係團體生活，而唔係單單執著於你ge成績！初中ge成績唔可以改變你人生，但係呢d野會！知識完全可以靠課外讀書補充，但呢d野唔係單單你一個人就可以學得黎！呢個亦都係點解要加入學會ge原因！只要你唔覺得呢三年係白白虛度，咁你就已經有一個好好ge初中生涯！而家初三，出年高一，但係都仲未遲！只要你知道呢個道理的話！

    輝輝，相信果晚同你講ge野你都會明！好好諗下啦！唔好白白哂左一個中學生涯！