很好。

    我不想回應甚麼，也不會回應甚麼，你要走自己的路，就走自己的路，由別人說去吧！但我依然會走我的路！千古罪人，由我來擔當！

    自私、嫉妒、退縮……我只可以同你地講，我對你地好失望！

    回憶是鏤心刻骨，但也只能是鏤在心、刻在骨而已。

－－－－－－－－－－－－－－－－－－－－－－－－－－－－－－－－－－－－－－－－

    星期日。又到左難得的星期日。

    中午食完野，買完計數機，就去左中葡職中校際數學比賽。

    同上年一樣，比賽分兩場。第一場兩點半開始至四點，休息三個字後第二場，四十分鐘後可提早交卷。

    第二試明顯易過一試好多。不過好多都係初三先教，初一初二根本唔洗玩。想玩下的可以問我或何儉華老師鮏題目，應該湯告老師都有。

    五點半前就交左卷，吹左陣水就同偉哥行去筷子基問白雪影印大同與小康張紙。狗場果段路，已經半年冇行過……對上一次係上年拆校舍儀式果日。以前日日放學都同偉哥、肥聰由青洲行到去三角花園搭車，仲有五校附近果間魚蛋檔，今日諗住去食，但可惜冇開門……

    好懷念。未拆之前，中午一放學就衝去阿姨度買野食，有時就去根記、劉記、棠記，好耐冇食過劉記個豬扒撈粗啦……返到黎就成大班人去石場開場，一打就打到下晝上堂。仲記得臨拆果一個星期，放學之後有成半班廿幾人去細館開場……跟住就同肥聰同偉哥行到三角花園搭車，成日行去果間魚蛋檔度買野食，肥聰一次就食廿蚊成碗野！好恐佈……

    而家，日日都好似打仗咁，返學等放學，放學就趕住走人，雖然一樣係行返屋企，都已經唔似以前啦，下晝獱屋企得閒又點？

    搬左來中區，剩係返半晝，但係浮躁左好多……而家ge返學真係就咁「返學」，已經冇左其他所有所有野……

    影印完野，已經六點。本來要去同d親戚食飯，但佢地獱新馬路食……趕到去已經食完啦，所以就返左屋企冇去。

    半年啦！六校拆左已經半年，今日再行返以前日日經過果段路，發覺真係已經變左好多……世界在變，人也在變。「物是人非」，連物都已經唔同以前了，人又會變成點？

－－－－－－－－－－－－－－－－－－－－－－－－－－－－－－－－－－－－－－－－－－

    所有人都想幫你，但如果連你自己都唔想畀人幫，又有邊個會幫到你？

    星期六。

    星期五。

    尋日下晝經過調正一番後，新的座位表終於新鮮出爐。

    又係坐第二排，又係同企鵝坐……貌似之前已經同企鵝坐過幾個月。後面係金堅哥同詩詩，好在前面係輝同丹，唔洗咁悶。不過，點解又見返鵬鵬同丹丹……

    放學同肥聰行返歸。後日數學比賽，今日都仲未知幾點獱邊……不過都好過上年，比賽前一日何sir先同我地講話第二日要比賽……

    下晝出左去用上次d博士文具券買鋼筆，買左支150元PARKER黑色膠杆墨水筆，另有19.5元PARKER黑色墨水。返到來試筆，d墨水唔錯！用A4紙寫唔會透，墨色也過得去，乾後也不會變淡，但有微暈，應是紙質不佳。支鋼筆尚算差強人意，初寫唔順手，不過新買鋼筆至少都要半年先會潤滑。但最大問題係線條粗幼深淺變化唔明顯，而且提筆同落筆好多時會失色，回鋒回左等於冇回，寫楷書狀況尤其明顯。總體而言呢支筆寫行書會比寫楷書順手，楷書會較生硬。百五蚊ge PARKER，算係過得去啦，至少畀廿蚊支ge英雄牌好得多……

    因為全校老師要去培訓，聽日週會堂停課。辯論隊training改左獱十點半舉行！即係放學後立即開始！

－－－－－－－－－－－－－－－－－－－－－－－－－－－－－－－－－－－－－－－－－－

    既然愛得咁辛苦就不如唔好去愛……愛ge前題係雙方都歡樂，日日都咁唔開心，咁愛黎做咩？我寧願見返以前的你……唔好畀呢樣野束縛住自己……要做就做，唔做再唔做，冇人可以逼到你……即使失敗左都總好比未試過而失敗。正如偉哥話齋……我唔係你，我唔會明你諗咩，我亦都控制唔到你……你ge思考係你，你點做ge決定權始終在你自己……我可以做ge只有呢d。

能開導別人卻開導不了自己、能鼓勵別人卻鼓勵不了自己、能重新創造別人卻重新創造不了自己……

    星期四。

    歷史……聽講杜雞、德哥成班人圍住獱度研究緊金融風暴……學偉哥話齋，佢地d頭髮都夠哂似……兩位見到呢句唔好搵我，搵偉哥啦！

    兩堂電腦。河童真係好河童，我對佢已經冇哂意見。今堂一樣冇電腦用，一樣聽唔到佢講乜，獱度睇班友仔打CS，結果河童連續撫尺數下，肥馬咁就畀人捉左出去……

    校長親自order畢業旅行改期？我想問而家係你去定我地去？你搞定我地搞？人地奧運倒數，干卿底事？（唔知解咩的話自行查google！）

    下晝體育，因為高妹隻腳傷左，就留返獱二三校玩「碌波仔」。

    放學四丁友留低搵Miss傾謁，本來話傾分座位……之後由數學傾到去科學，由科學傾到去普通話，由普通話傾到去謝老師，由謝老師傾到去五音不全，由五音不全傾到去金融風暴，由金融風暴傾到去M群，由M群傾到去blog，由blog傾到去高中打放學鐘……輝輝咁有義氣仲未走，留低「接放學」，唔知係想接我地，定係接佢？

    聽講尹sir坐車時比安全帶整傷個……咁奇妙。

    順便通知返，本來星期六晚的慶功宴將改到下星期六，聽日班務堂會問miss借少少時間統計下人數，之後訂位。地點依然係海濱飯店。

－－－－－－－－－－－－－－－－－－－－－－－－－－－－－－－－－－－－－－－－－－－

請於十秒內憑直覺計算出以下應用題：

買一支鉛筆和一塊膠擦共須1.1元，而鉛筆比膠擦貴1元，問膠擦須多少元？

一條考驗思考死角的題目。

係咪計到0.1元？錯！答案係0.05。

0.1元，咁鉛筆貴一元即係1.1元啦，加埋卻是1.2元！

0.05+1=1.05    1.05+0.05=1.1

所以答案係0.05元！

－－－－－－－－－－－－－－－－－－－－－－－－－－－－－－－－－－－－－－－－－－－

    等待只因渴求。

    捉緊、放開、等待……不放開雙手，怎能重新握緊？不懂得等待，如何重新開始？

    等待是解決一切問題的最好辦法……儘管結果仍是未知。

    放開困難、等待辛苦……可是我已經在放開和等待中兩年了……

    之前說的，你明嗎？