開張大吉！
From me, for me的第一篇。
2008/3/28 （五） 陰
好累……
今日的生活＝歌唱比賽練歌＋班社聯會文書工作＋辯論隊＋科學報告－空閒時間……
呢個月內……半個鐘內cup印cup左二百五十份協議書、簽左二百五十份文件；一個鐘內出九封信函；一日內寫十幾張邀請卡同幾十個信封；一個月內我部腦內的文書工作的檔案從一無所有變成盤滿缽滿，相信你一定未試過。
每日放學唔係即刻走，次次都要留低做呢樣做果樣，返到去攤死屍，成兩點鐘先食飯，食完飯又係繼續開工，為乜？
成堆陸續有來的信函、會議記錄、議程、計劃書、協議書、學會報告，又要寫成堆邀請卡同信封，為乜？
次次練歌同d人宣佈野嗌到聲到沙埋，仲要畀人話「唔好阿支阿jo」，為乜？
獱人面前好似成個不倒巨人咁，獱班上扮領袖。乜野都可以「質」畀我啃、「質」畀我做……
有冇人知我獱背後係點呀？我都會累架，我都係人黎架，我同你地一樣架，將心比己d得唔得呀？
高高在上，你估我想架咩？
－－－－－－－－－－－－－－－－－－－－－－－－－－－－－－－－－－－－－－－－－－
今日，歌唱比賽前一日，又要練歌啦，又要嗌到聲到沙埋。仲要獱度玩，仲要獱度嘈，夠未呀？你都係我地班架。
上科學堂一樣攤屍，一樣唔知佢講乜，坐到前面都唔好得幾多。筆記印畀我地有屁用咩？
放學。又要留低畀d邀請卡同信封畀Yumi，今日仲要寫，聽日仲要畀……信＋信封＋邀請卡，尋晚講今日要，佩服，佩服。
用書券買左兩本書，咁忙，睇怕都係擺落書架鋪塵囉。
講錯，係連書架都擺唔落。
肥聰問思聰鮏科普問題，思聰畀左肥聰張科普章程，真係風趣。
離開學校之後去左博士。信封都要自己出錢買，冇陰公。
頂，唔記得買埋塗改帶，返到尼先記得。算。
返到尼，食完飯仲要做科學報告，一做就做到四點半，之後仲要寫埋邀請卡同信封。叫我出去打波？我夠想啦，鬼得閒咩。
今晚仲要同施琪姐講返聽日training，即係又要準備training d野，大佬，連份學會申請資助計劃書都未搞掂呀，準備個鳥咩。
姑丈姑媽又過哂尼，星期日又要上大陸拜山……畀我休息返一日得唔得呀？考完試我一日得閒都冇。係包括考完試果日，果日出去打完波，返到屋企Yumi急call出信改信仲要第二日要，心血少d都唔得掂。
聯校商戶郁都未郁過，半個月內搞得掂？真係不敢恭維。
聽日歌唱比賽啦，練左咁耐，會唔會有收穫呢？
| 
