愚人節快樂！祝　各位年年有愚、愚人得利！

－－－－－－－－－－－－－－－－－－－－－－－－－－－－－－－－－－－－－－－

    今日仲係天陰陰，仲係有咳有痰有鼻水！呢篇野都係返黎食完藥之後打ge。

    今朝早返到學校仲痾左兩次，都唔知係咪尋晚食d藥有問題。

    第二堂科學堂，都唔知佢up乜春！成段真係冇邊忽聽得到！唔好講聽得明啦！今段都唔知會唔會合班炒哂！筆記已經冇炒成十幾堂啦！

    Speaking……急口令好正，兩人一齊讀ge急口令仲正。

    放左學，練練下歌走去開會。決賽攝影得兩個人，我係其中一個。雖然皮蛋、超仔佢地都會幫手，咁下年點呀？唔通我又客串啦wor？

    場地組好正，朱康＋鄧翔天兩條友真係……

      劉智恆又做mc？做上癮咩。

    今日仲多人打敗仗。開會果陣先知May Wong都冇返學，今次輪到你擺大壽？冇事嘛。

    決賽話想練唱二重、和聲，得返兩日，點練呀？女仔又唔肯大聲d，音樂本來就唔適合二重……諗下點樣有感情d仲實際啦！

    開完會，同高佬、輝佢地行，仲昆左輝陪我食中午飯。高佬成班咁冇義氣！同輝去左高士德間余榮記度食，環境又真係唔錯bo。

    食完野仲買左杯donago，原來donago北海道奶茶同comebuy真係差好遠。

    去完致富買野，行到培正巴士站先記得把遮漏左獱致富！又衝返返去鮏……

    返到黎，爽手打埋篇blog，一間又要去練歌囉！冠軍唔係impossible，更加唔係unbeliveble！初三甲，最後呢次班社ge比賽啦！之後就畢業啦，唔好三年初中都係空手而去、空手而回！初中精英班唔係一盤散沙！唔想練歌的同學，唔想練都係得呢兩日姐，之後想練都冇呀！積極d，放膽d，大聲d啦！

－－－－－－－－－－－－－－－－－－－－－－－－－－－－－－－－－－－－－－－－－－－

    有關歌唱比賽決賽ge消息：

四月三日（星期四）下午兩點至五點，二三校操場，有入到決賽ge班級必須全體出席，穿整齊校服（今次唔洗帶校褸啦！），佩戴學生證。

我地班抽到初中第三隊唱，即係中間果隊。只要唔係包尾兩隊都有獎！但我地唔要季軍亞軍，係要冠軍！

果日朝早未知洗唔洗返學！如果要的話就放完學繼續練歌！唔洗的話果朝都要練架啦！仲有今日晏晝四點鐘，聽日放學都要練！聽日晏晝都可能要返黎！

比完賽之後一日清明放假（to偉哥：係清明，唔係training！）

各位同學加油啦！

    呢幾日咁多人打敗仗，鵬鵬今日都發燒冇返學。

    今日雖然冇咁頭赤赤，但依然有咳有痰。

    地理堂輝坐左鵬鵬個位……小朋友，呃老師係唔狢架。

    差唔多放學，終於公佈左歌唱比賽入圍名單！我地班終於入到啦！不枉呢兩個星期地獄式特訓。（感激流涕貌）多謝朱生，多謝尹sir，多謝各位評判，多謝我地ge靚女指揮，多謝各位同學！

    仲有當然係多謝我。

    放左學要留低開會＋決賽次序抽籤，我地班抽到中間，好籤！

    開完會出到黎……哎，你兩個又想點呀。

    成個星期冇塗改帶用，趁記得就去左博士先，順便買埋決賽d邀請卡。

    咁大間博士都冇個六號塗改帶？都冇疊銀色邀請卡？唔怪得致富d野咁差貴d人都仲仆去買啦。

    返到來，拿拿聲搞掂左四封信，寫埋信封，順便入埋份會議記錄入電腦，結果搞到兩點幾先食飯，打呢篇野果時就係狢狢好食完飯。

    有人問點解我鍾意下晝打blog？因為唔想夜晚打囉。

－－－－－－－－－－－－－－－－－－－－－－－－－－－－－－－－－－－－－－－－－

    今日謝哨警句：「得筆記紙就即係冇筆記，咪即係你唔狢囉。」

    歷代謝哨一級名句：「（獱黑板寫左政治兩個字）政治好難講架！我唔係講政治！（之後擦返佢）」

    「我鬧完你你就衝出去，我驚你跳樓咋！」

    「假爆牙。」

    「你射波唔係瞄住個龍門尼射架咩？」

    「的士有人唔搭得咩？」

    「le se（垃圾）。」

    「（鬧完人，問全班）我果陣有冇喝佢？」某高佬答：「有。」謝：「（兇惡貌）咩話！？」

    下回待續。

    今日晨早要上大陸拜山……

    朝早一起床，喉嚨好痛！有咳有痰有鼻水，仲有d頭赤赤……

    八點九起身，食完早餐就即刻出門口。十點過完關，之後就直接坐車去左南屏拜山。

    獱山上呆左成個鐘，個頭越來越赤，成包紙巾都用哂。返到珠海飲茶，胃口都冇埋。

    兩點幾先返到澳門，仲有野做，費事睇醫生啦……食左幾粒丸，都好似冇咩作用。

    朱生sd左樺哥份畢業感言畀我叫我改字體……但我又冇printer，只好等今晚sd畀吳許丹。

    Basic放左d歌唱比賽影片，有興趣就睇下上一帖啦！

    聽日地理堂……上一堂應承左高美玲今堂出來講野。講咩好呢？又費事寫q card……

    咁就到時先算啦。

－－－－－－－－－－－－－－－－－－－－－－－－－－－－－－－－－－－－－－－－－   

    難得一個星期日都冇得訓晏d，拜完山返到屋企就冇出過街，咁就哂左一個星期日。

    麥美娟叫我拖住份聯校商戶協議書……仲唔做，等幾時呀？

－－－－－－－－－－－－－－－－－－－－－－－－－－－－－－－－－－－－－－－－－

    哎，有咩野唔好收收埋埋啦，開心見誠d得唔得呀？

    兩個都係我最好ge fd，唔想再冷戰落去啦！

    你有睇到我留言的話就認真諗下啦！你係咪永遠都希望有呢條裂縫？ 

    另外果位……你ge抉擇又係點呢？

    而家更加頭赤赤，先收筆……好多野想講，但更多野係控制唔到……既然控制唔到？點解仲要為呢件事糾纏落去？

    唔知大家有冇留意到主頁句自我介紹……

從來繫日乏長繩，水去雲回恨不勝。
欲就麻姑買滄海，一杯春露冷如冰。

 http://bbs.basic-mo.net/viewthread.php?tid=16495&extra=page%3D1

      我地班歌唱比賽段片……睇哂全個初中，我地班都算數一數二啦掛！雖然快左d，但畀練習時仲大聲仲齊！最緊要係冇小動作！睇返初一初二果d，望地下、搞手指，撩頭髮，真係乜都齊！仲有……企鵝個笑容真係好「燦爛」……前奏果陣差d笑左出黎。三段因你是我主都入得好齊！尤其係高潮果段，「因」字幾乎全部同一時間唱！不過結尾好似太大聲……收得唔多好。

      慈青營以來，好少咁齊心做一樣野啦！呢兩個星期幾乎日日放學都要練到成點鐘，兩次體育堂後都要練到差唔多六點先放，都冇人有怨言！對比上年初二己，真係差天共地！雖然都有人玩有人嘈，但肯留低練都已經好好啦。

      四月三號決賽，期待有我地班ge演出！

    終於到歌唱比賽啦！

      第一班，八點九開始唱！雖然唱得快左d，但總算對得住我地練左咁耐ge成果。

      唱完之後成班轉右退場，點知工作人員話轉左……全場呆左

      大佬，改左邊面退場都講聲丫。

    唱完歌，中文小測完就影相。影完相返到上去好似開party咁……Miss都隻眼開隻眼閉。

      嘩！小曼姐走堂呀！真係歷史性時刻。

    同學錄，樺哥篇感言真係…好正。畀朱生同火星人改完又改，放完學之後火星人仲繼續改，成班走哂佢都未改完。

    咁今日點交同學錄？

    放左學同Amy、唐生佢地返歸，沿途一粒聲都冇出過。喉嚨又沙，成身好似就散咁。返到屋企仲有d頭赤赤。

    之後又去左飲茶。七個人叫左成𦭵痃，擺都擺唔落，最後居然只係剩返一盤炒飯、一粒燒賣、一個叉包、兩粒蝦餃，真係幾奇跡。唔係講笑，真係餓狗都吞唔落咁多屎。

    今晚學生會上李sir度bbq。大佬，一個月內已經b左兩次啦wor，喉嚨仲痛緊，點b？

    所以就改左期。

      辯論隊冇得training，仲要等到12號，咁耐先train一次，有鬼用咩。

    聽日晨早要上大陸拜山……哎。