琴晚成3點幾先訓,所以今日訓到成點鐘,

一起身媽咪就叫我去拜一拜daddy,咁我就起身換衫,

好快咁上到去拜完就走人,燒左一d金銀衣紙,

她今日都打左兩次黎,其實講真一句真係唔好打黎丫,

我電話又特別大聲,真係好嘈架,我又廢事cut線,

妳留左好多留言比我,但我覺得好多都係廢話,

成日話點做點做,其實唔洗做架啦,

我真係決心唔會同妳一齊,唔好迫我轉電話.....好嘛,

做返朋友我願意架,但係真係咁煩落去我連朋友都唔會同妳做囉,

有時感情絞左就好難返轉頭,點解妳唔做咩之前都諗下後果呢?

點解唔識聽下人講野呢?妳話我係妳一個重要0既人,

冇左我唔得,但我一早同妳講0既野妳又有冇聽過呢,

到左宜家呢個冇得返轉頭0既地步,妳先話要點做點做,

真係遲好多呀,我真係覺得辛苦架,做野又累又要做gym,

妳又日日係到煩,有時我真係好想掉爛個電話佢,

唔用電話算數,唔好在搵我啦,唔好在見我啦,

當我求下妳丫,應承我啦好嘛。

《《我好想自己一個人》》

婚姻從來不能用來挽救一段破碎的愛情，
破碎的愛情只能得到破碎的婚姻。

 可能我講得唔清楚,唔係件事0既問題,

係個人0既問題,妳唔返學唔代表個人唔存在,

仲有一樣野係我真係唔會在相信妳,

妳死心啦,妳換個男朋友啦,好嗎............?

我覺得我真係唔適合妳,我地性格跟本唔夾,

可能妳話3年半啦,宜家先話唔夾,

好多人拍拖10年都係分手,結婚都會離婚啦,

唔通人地又要講呢句說話,因為人會變架,

性格都會跟住變架,所以一開始覺得夾唔代表一世都係,

我同妳3年半我夠覺得妳會專一啦,點解又會出現第三者啦,

難度真係我0既錯咩,妳話我宜家傷害妳,

但妳同佢做咁多野傷害左我,妳係咪又唔知呢?

成日話要一齊一齊,妳又有冇諗過一齊返妳要點做呢?

呢排同妳散完又一齊好多次,但每一次同返妳一齊妳都即時變啦,

一同妳散妳又變到好以好著緊,我真係唔知妳諗咩囉,

妳每一次都講到好好,應承會點做點做,

但係妳講完就好以等於自己做左咁,我每次都話妳岩岩講咋wo,

未做架wo,唔好成日以為講完就等於做左,咁就想同返我一齊?

唔係咁兒戲呀嘛,妳真係鐘意我都唔會忍心見到我咁辛苦啦,

愛一個人唔一定要擁有,但最好唔好比人辛苦囉,

我對住妳真係好辛苦呀大佬,又要迫自己去相信妳,又要驚妳呢樣果樣,

拍得咁辛苦做咩呢?不如算啦,分手吧啦,

我想係呢到講我同妳正式斷絕關係......戶不相干。

《《唔好在搵我,同埋自己走上黎我屋企,我好憎呀》》

無法廝守終生的愛情，不過是人在長途旅程中，

來去匆匆的轉機站，無論停留多久，

始終要離去坐另一班機。

 今日一早起身好以冇訓過咁,因為我琴晚發左一個惡夢,

我起身又訓又醒又訓,扎醒左3至4次,

妳可能問我咩夢咁恐怖,其實個夢一D都唔恐怖,

宜係個夢好真實,我真係好驚,我驚真係發生左,

個夢大概係講,我同老婆兩個人係屋到,

我發現佢有好多野好唔尋常,例如:傾電話....打信息啦,都係收收埋埋,

下意識其實我係知發生左咩事,係出現左一個男仔,

但我當咩事都冇發生過,有一次我就搶左個電話黎睇,

睇到入面所講0既每一句信息,相片,

係不知不覺間我就訓著左(係夢入面呀下),我記得我仲係食住煙,

枝煙放左係我身邊,跟住我就扎醒左(係夢入面呀下,真人未醒架),

我就發現老婆唔見左人,整個畫面黑晒,但我身邊枝煙仲係著架,

我就心諗姐係走左都冇1分鐘,我就即時打電話比佢,

佢聽左我叫佢唔好去搵個男仔,但佢一d都冇理我感受,

講左幾句就收左線,我好蕉急咁想出去,個夢就醒左啦,

我唔知個夢係話比我知d咩,但一定唔係好野啦,

亦有人話日有所思夜有所夢,個夢可能係反映緊我心入面諗0既野,

我每一次扎醒訓返之後都係個夢言續,扎醒左3至4次個夢都唔結束,

姐係代表咩呢?我個心真係好驚,同返妳一齊之後就出現呢個夢,

係咪代表叫我唔好相信妳呢?定係表示左妳真係同個夢一樣呢?

我真係搞唔清楚,今日妳同我講今晚返學,

ok妳返啦,不過妳要知道妳揀返學就唔洗搵我,

我真係忍受唔到個男人在係妳身邊出現,

無論電話,信息,見面,對方物件,就算係出口提起佢我都係唔鐘意,

所以妳要返學,電話有佢名,msn有佢,有同佢一齊影0既相,用緊佢0既物件,

妳都唔好搵我啦,我真係接受唔到,可能個夢就係提醒我,

妳仲好多問題未解決,100%相信......我諗我相信妳的只有0%,

我真係冇辦法去信妳做0既野講0既野,我好努力去迫自己信,

但我原來真係做唔到架,感情真係變左質呀,

要怪妳只好怪自己一次又一次呃我,為左一個中年男人一次又一次呃我,

我覺得妳真係好蠢,我相信妳會好快就失去我。

《《喊都無謂,因為唔係我令到件事變成咁》》

愛情將兩個人由陌生變成熟悉, 又由熟悉變成陌生。
『一見如 故』 原來是很快跟一個異性打得火熱的藉口,
而 『你很陌生』 則是向相戀多年的情人提出分手的理由。

 今日星期日所以訓到成12點幾先起身,起左身都嘈醒埋老婆,

刷牙洗面之後都有D肚餓,咁我就換左衫落去麥當勞買野食,

上到黎就老婆就睇林海峰,我就睇電視做緊韓城攻略,

今晚老婆要返工,所以5點左右就走左,

我就係屋企打機,睇電視..........全晚都係做呢D,

PSP出左就GAME 係 LEGO,我DL左落黎玩,

都幾得意丫D公仔,玩到冇停手,去到11點先收手,

跟住上網睇火影忍者漫畫,在DL埋火影忍者動畫睇,

睇完都成1點鐘,要訓教啦,聽日仲要早起返工。

《《感覺到開始失望》》

最好的丈夫, 是讓妻子享盡榮華富貴的丈夫。
 最好的情人 是隨傳隨到, 而且每天令我有驚喜。

 今日又到星期六,好快咁又一個星期,

今日食晏前都係好忙下,因為班大佬仲係到,

到左食完晏大佬走晒,成班自己人冇人睇住冇人管,

所以做野都自由好多,不過上面交帶落黎比我睇住,

都可以太過份,點都要做下野比人睇到,

唔係星期一返到黎比人話冇做野就大獲,

早上時間真係過得好慢,但下就時間過得好快,

不知不覺一個電話打黎,老婆同我講4點啦wo,

我先知道原來仲有一個鐘就收工,收左工我去左沙田食野,

去左行街....買野,諗去去打下機啦,點知佢執左,

可能裝修啦,我真係唔知,行左去好運買書睇,

她就去左買衫買褲,真係冇野好行就返左屋企睇電視,

睇明日之後,睇返都覺得好好睇,好刺激d場面,

到左夜d睇火影忍者,不過睇左一陣就不醒人士,

唔知自己訓著左= . =

《《還會失望嗎?》》

對於承諾, 男人非常慷慨。
男人一生向女人所許下的承諾, 多不 勝數, 幾乎連他自己忘了。
男人知道, 女人的愛情, 離不開承諾, 沒有承諾, 就是沒有將來。
男人若不向她許下承諾, 女人難免想 到這個男人只求片刻歡愉。