有冇邊一班好似我地4E咁慘,
有咁多功課呀?
12篇1000字中文作文、數學MC、AMATH PP
、PHY 3份PP、CHEM 3份PP、BIO 08年PP
、聖經13份剪報、英文3份會考試卷、英文閱讀報告....
唔該你幫我數數我地有幾多份功課,係份!唔係樣呀!!
到底功課要幾耐先唔好再俾呀!!
暑假補課中,D老師仲要係咁俾俾俾..
想點呀?....
盧SIR..!!你又話想我地溫英文,
咁點解你又要俾功課?
你地可知道我地係幾咁無奈,
我地都想溫下,
個D功課多到霸住晒D時間,
莊SIR...!!12篇作文呀!
我地仲知你係無俾完功課囉...
唔好咁對我地啦...
成個暑假,我地可以做得邊樣呀?!!?!?
補課,做功課,你估做功課真係咁易..
齋做呀?!我地都要諗嫁.
問左差唔多半班同學,
個個都話做都未做作文,
咁又係,點做呀,
12篇喎...我地又有多意志呀?
2篇都KO晒啦!何況係12篇?!
唔好睇個個同學返去補課個陣好似無乜野咁,
其實個個一返到屋企對住D功課真係落唔到手,
然後真係會喊嫁....

到底你地知唔知你地係咁俾功課,
搞到D功課係做極都做唔完,
我地真係會唔做嫁!
曾經係學生的你地點解唔理解我地現時的心情?
點解一做左大人的你地會把係學生時的不甘忘記得一乾二淨,
然後毫不思想把我地的壓力提升到一個我地無法承受的地步?!
我講過無數次,我地係人唔係神呀
我地無大能的能力能夠係一個星期做晒你地俾我地D功課嫁!

明明時代已經唔同,
你地就成日拎你地個陣的標準壓落我地到,
我地夠想讀好D書,俾心機咁做晒D功課啦!
但係你地都要俾時間我地休息嫁!
成日都話如果你地俾心機D,成績就唔會咁差,
如果你地唔好打咁多機,邊會無時間溫書啊,
如果 如果 如果...
有咁多個如果我地仲使讀書咩?!
如果我地有錢,我地就唔使讀書搵工賺錢啦,
如果教育署體諒下我地D會考生,我地就唔使咁惆悵啦,
如果我地聰明D,咁就唔使每次考試咁唔合格啦,
我地夠想有咁多個如果囉!
咁又點呀?!無就無嫁啦!
如果 如果 如果 ....世界上有咁多個如果,
我地根本就唔使讀書,
我地根本就唔會連我地休息的時間都俾你地用黎補課啦!
唔好再同我地講如果啦!
你地呢班忘記學生痛苦的老師!!!!!!!!!!!