我真係好鬼死憎補課呀.....
現在到底係唔係放暑假呀?!!!
日日都要人返去補課,
仲要成8點返到去,
邊個乞人憎咁變態,
係到要咁虐待我地呀?!!!!
暑假就係暑假啦...
要返學個D就唔叫放暑假啦!!
次次都係咁,都打橫黎講嫁,
又叫我地呢班學生返學日就唔好成日打機,
咁而家呢!?!!!
放暑假喎.....又唔見你地唔好叫我地補課,
大人講野大晒呀?!


返學個D日子要溫書要做功課都已經足夠令我地想去死啦!
放假都要返學,想點呀!?!!
講得咁好聽,放暑假喎...
哄細佬呀!?!??!
阿媽話D老師為我地好,
如果唔係都唔會暑假都返黎同我地補課啦!
但我知道老師們咁熱心可以因為其他野,
唔一定淨係為我地好,
我唔信有人真係唔會為自己而著想,
會真係咁熱衷於幫我地的學業。


老師佢地都要係暑假返黎同我地補課,
我地呢班學生就成日係佢地背後罵佢地,
你地一定會覺得老師們好慘,
唔只你地,我地都會,
咁又點呀!?咁就代表我地可以贊同暑假返黎補課?!
暑假係愛黎放鬆嫁!!!
我一直都咁樣相信,
但係點解學校可以一次一次咁話我聽我係錯呀?
補課補課補課!!
你知嗎?!係返學個段日子,
D老師成日遲放,
本來3點半放學,老師佢地可以搞到3點9先放人,
咁樣都唔緊要啦...諒解佢地有好多野教!
但係4點開始我地又要補課,
補到5點又要補另一課,
最後搞到6點先走得,
你知有幾攰嗎?!!!!!
好笑的,仲要返去做功課.....


我真係好憎補課,,,,,,!!!!
每次見到要返學補課個D通告,
我都忍唔住一路講粗口,
一路打野黎發洩,
每次返去補課,
見到路上只有自己一個學生返去,
我係幾咁傷心,
係星期一個陣聽住毛毛話佢地聽日先開始補課,
我係幾咁無奈,後悔...~
每次每次都係咁 ,
我真係好後悔點解我自己會咁蠢,
當初唔下定決心搞掂自己,
搞到而家成個人唔生唔死咁,
我真係好後悔.............