經過琴日一日既勞動...

換來一晚的辛苦...2點幾開始瞓==>5點都瞓唔到

因為個心口勁痛加完全呼吸唔到...個刻真的以為就咁就死喇

勁辛苦...過左好耐先無咁痛才瞓到

到瞓醒時都係咁...就無返工

之後奇怪的是『她』【又】來了...唔係化嚇死咩

算啦...等放學先去睇醫生啦--->好彩無事

因為朱媽媽陪亞叔去睇樓...所以就要我呢個廉價勞工去幫手喇

加上VINCENT兄之前應承左佢呢個未來外母幫佢整舖頭野...

BUT...戰爭就由呢一刻開始喇~~(人物包括:我, VINCENT兄+朱爸爸)

首先...我去到就叫快D推要整既野黎舖頭, 等VINCENT兄黎就整啦, 但.佢唔理我

到我叫多佢幾次時...佢竟然同我講我"喝"佢囉...算忍

之後佢見到有客要野時...佢又可以當睇唔到企係度...OK再忍

到VINCENT兄黎到時...佢就開始"哦"VINCENT兄喇

由開始3點幾"哦+鬧"到7點幾...差不多5個鐘既疲勞轟炸..都忍佢

BUT...到左差不多完工時...佢係話D板少左兩吋...呢樣個樣

就係呢刻...VINCENT兄同我都爆發...發老脾喇

爆插佢呀......真係忍無可忍呀~~邊有人咁咖

最離譜既係到收完舖去食飯, 我VINCENT兄同朱媽媽由9點幾等佢等到11點都唔黎

電話又唔開, 又搵唔到人, 返到HOME佢竟然係度...發老脾?

唉...都唔知咩人黎咖...老豆都係咁話啦...完全唔識同相處呀

今日陪朱媽媽出去攞貨...

BUT未出去朱爸爸就話拎乜鬼野貨呀,仲有咁多

真係唔得頸"桔"返佢...叫佢唔鍾意做就執鬼左佢, 就唔駛你做喇

今次由我做主帥...負責揀貨...YEAH發揮我呢個『女人本色』

唔錯唔錯...呢期D貨正左好多...

(各位有小朋友既朋友可以黎睇喔)

行到4點幾5點JOIN埋VINCENT兄先食LUNCH--->唯記~豬潤牛肉面

之後就同VINCENT兄出個客度買木板返佢家食完飯再拎返我舖頭

今日重要事項『上亞叔家俾番錢佢』如果唔係又俾人話咖喇~~

係大角咀見完客就幫朱媽媽睇整舖頭d野

因為之前整完之後仲有d漏水...所以要想辦法攪掂佢先得

行過一間專賣防水野既公司啦...ohno俾佢捉住我講左足足一粒鐘

最終結果係...佢想我搵佢做呢個防水工程...傻啦...踩佢都傻丫

行過個客度搵木板...又吹水吹左成粒鐘...佢好攪咁成日叫我『傻女』哈哈

出返mk join朱小妹就一齊殺上亞叔家...

(join我前朱小妹同我講『剛剛撞到亞叔wor..仲問佢去邊tim』)

去到得我兩個堂細佬妹...見到佢兩個...唉唉唉『唔識講』

等到亞叔+亞嬸返黎...唸住俾完錢佢地之後就走啦

誰不知...我亞嬸佢...打死都唔要...仲係咁趕我同朱小妹走tim

係呢個拉拉扯扯中...我雙玉手就咁『瘀』左喇

唉唔鬼理佢地喇...閃人出mk join ruby行街等打鍋鍋

原本唸住只係陪ruby買野...但最終係佢陪我買野囉~嘻嘻

(NDS LITE KITTY貼+BIRKENSTOCK拖鞋)

之後就出尖咀有骨氣喇...JOIN埋兩位譚生唔等蔡生同戴生就開始LU

YEAH~~~正呀...好味...食到飽飽先走人

放完假...返工lu...

放左幾日假...好似仲辛苦過返工, 日日都兩, 三點先瞓

但又晨早起身......不過今日就唔多知醒起身喇

晚上拖住累都死既身軀去做facial同場仲有菁菁tim

做做下都瞓左...等埋菁菁之後就食dinner(米線)

又飽飽咁走......

發覺肥左好多好多tim...要努力減肥先得喇