期待已久o既真颱風假來啦！雖然今年都試過1次，
但係果個並唔係真颱風假，中午就落左波，
兩點鐘就要番工，只係賺左3個鐘(無埋個lunch喎)
仲要長期留意住最新消息同公司指引放得唔安心。

呢次個風朝早5點幾開波，查實我都唔抱太大期望，
凡係8號或以上果d不嬲都黎得快去得快架啦，
風速快丫嘛，係得1號3號果d先會掛足1日o既姐，
心諗掛到12點都掛5粒鐘啦，好大機會落波，
不過天文台就話4點前改發3號機會唔大。

個風尋日就掛緊啦，尋日1番到公司已經3號緊，
估唔到呢個浪卡有咁長o既持久力，實屬罕見。

但係疫情期間大家都WFH，所以衣家打風都係不安，
唔似以前咁大條道理放假，都驚老闆黑面，
尋日收工前都有同同事傾開如果打風係唔係WFH？
兩個新黎o既o靚仔未經歷過我地公司WFH時期，
無乜參考價值，係另1位攝影師都跨越兩次WFH，
但佢都斬釘截鐵咁話唔會WFH架，唔帶電腦番屋企，
唉，咁難得先打得成風放到1整日o既假期，
比d打工仔輕鬆下當bouns啦，1年都未必有1次，
上年真係未放過1日颱風假架，不過放左幾次3擺。

呢次颱風假咁o岩亞媽又黎埋新居呢邊，
唔洗煩3餐，唔洗食杯麵，爽呀！
如果聽日先打就更好，可以留低亞媽多幾日，
佢習慣聽日番教會所以番番去舊居果邊，
聽日8號佢唔番教會我可以食多幾餐飯 XD

上晝幾乎風平浪靜水靜鵝飛，睇網上o既留言，
有d人就鬧無風都要掛8號，搞到佢地開唔到工，
頂！唔係下下要等打到橫風橫雨先肯掛8號呀？
搞到交通大混亂，塞車塞地鐵，d人仲危險呀！
防範於未燃丫嘛，天文台呢次做得好正確呀！

其實上個月尾都有獲黑雨，放工時間之後先上架，
不過果日我又OT埋版，做到夜晚11點幾先收工，
行出公司後咩雨都散晒啦，又係完全無受惠。

SONY同微軟近期都陸續發佈新世代主機o既消息，
新o既xbox(連叫咩名都唔記得XD)我就無乜興趣，
從來無買過xbox，反而由ps1到4我都有買齊，
即使ps2打後買左番黎玩得果唔夠10隻game都好，
玩得最多係ps1，應該有玩超過50隻game，
果個年代仲係老翻當道，ps2都仲係，3先無老翻，
所以我假假地都算係playstation粉絲。

PS5就算佈本年11月19日全球多個國家/地區發售，
包括香港，但唔包括內地，內地發售期另行通知，
所以其實應該可以炒1波，香港買番上上面放，
新xbox發售日？我無留意，唔好話xbox啦，
就算playstation系列我都無首發果期買，
ps1唔多記得啦，ps2係出左街機果隻高達z先買，
玩得最耐o既game應該係ff12，其他都無印象，
買ps3果陣已經出左slim機，呢部算係玩得最少，
玩得最多o既game肯定係sleeping dog，
果陣真係玩得好開心，係咁講game入面d對白XD
到ps4係出左psvr當日先買，係咁耳玩下vr game，
當初接觸vr仿如置身於遊戲內o既感覺堅震撼，
job simulator仲係第1隻玩到白金獎盃o既game，
不過佢個vr經常都甩左定位，即刻無晒代入感，
呢個係我無乜再玩落去o既最大元兇！
聽講新1代o既psvr頭罩設有前置鏡頭，
如果佢用呢個鏡頭定位應該會準確好多掛？

黎緊PS5我本來亦無打算衝首發果期買，
打算會響佢正式公佈新o既psvr先買定部機，
不過最近公布左個消息令我相當之失望，
就係PS5改變日系機O=確定、X=取消o既設定，
改為X=確定、O=取消，唔單止位置唔習慣，
亦癲覆傳統思維，交叉向來係錯o既代表符號，
衣家罐輸比你聽X係正確，同1+1=3咁無分別，
接受唔到囉！統1制式點解要日本跟歐美設定？
應該統1日系設定丫嘛！你SONY都係日本公司！
點解無視自己民族幾十年黎根深替固o既設定？
同埋今時今日技術可以做出幾可亂真o既畫面，
居然容不下1機兩制o既設定？(佢話無得變更)
係唔係好反智？唔係遊戲機去就玩家o既，
係要玩家就翻部機？日本玩家如果有骨氣，
抵制PS5啦！訂左機都退訂啦！炎上抗議啦！
希望SONY懸崖勒馬改番日系正確o既設定，
點解咁大間機構居然有d咁腦殘o既政策？

雖然我係對O=取消o既設定非常反感，
以前玩美版game都勁唔習慣經常o禁錯掣，
不過如果佢出新psvr我都會買o既，真香。

呢個1直都想買，但又覺得衣家買好唔抵，
遲早都量產，衣家1張都1千蚊，4張4千蚊，
但係照個勢睇呢個價位肯定維持到2021年。

其實挑古o岩o岩出果陣變白曾經賣過8百，
點知不跌反升，或者肯打挑古o既人少左。

出糧我就1口氣買4張，要同4個唔同賣家買，
因為無人1個有4張，更加無現醒已插好o既，
我都係諗住用佢黎插落4洞短劍度。

我分左兩日買，因為要個別約交易好麻煩，
尋日買左兩張今日再買兩張，睇番賣家名，
原來我3張都係同同1個賣家買！

我都覺得幾奇怪，明明尋日佢都只得1張，
點解今日佢可以多兩張？佢就話朋友打番黎，
唔係多兩張波利卡喎！係變白卡喎！
個副本7日CD，D怪數量又有限50隻，
比你有好多account，1日刷到o既唔多得去邊，
要1日整到兩張真係唔易，每日出1張都勁丫，
好賺過好多打工仔架啦，1日賺1千蚊喎！
keep住每日1張1個月都3皮，唔係講笑。

新居果邊幾對著開o既舒服襛都穿左o隆，
雖然仲有兩對深藍o既未穿，但想買多幾對，
費事連果兩對都穿埋，咁就無晒舒服襪，
呢幾對舒服襪都係以前響馬沙果度買o既，
雖然唔記得價錢但我記得都幾貴下。

1直都去其他服裝連鎖店尋覓舒服襪，
希望可以搵到更平價又有同等舒適度o既襪，
但係偏尋不獲，基本上唔洗著上隻腳度，
就咁響陳列貨架用手摸兩摸都知唔夠舒服，
通常太厚、無彈性，又唔信邪直情買1兩對，
番去試著都係唔係果樣野，得馬沙先有賣？

但係疫情期間入馬沙都要比人用探熱槍射，
我係好憎呢d搵人用槍指住人個頭o既舖頭，
人地G2000、unico都唔洗探熱點解你要探？
不過今日放工又去睇睇，咦，無人守門喎，
咁又係，最近疫情又緩和番，豐澤都無啦，
馬沙無探熱好正常姐，就行入去睇，
搵到啦！我想要o既舒服襪，269蚊3對，
寫住PREMIUM EGYPTIAN COTTON，
目前見到最大size係UK10-12(綠色牌)
緊係買有咁大得咁大啦，鬆身d好，
買兩件第2件半價喎，1口氣買兩件啦，
總共6對，著唔著到10年唔知起碼5年啦，
佢仲有低階少少o既貨色200幾蚊6對，
就咁摸果隻肯定無PREMIUM呢隻咁舒服啦，
而且果隻最大size得9-12(都係綠色牌)
再細size少少係藍色牌，記低先。

埋完單行番出去發現又有人守門探熱喎，
咦？即係我頭先係趁空窗期鼠左入去啦？
真係好彩，如果有人守門o既話我唔會入。

用緊iphone7其實都幾滿意，如果係正常o既話，
速度流暢，相機影野靚偏暗o既環境依然出色，
但係最幣打從買番黎果日到衣家都係唔正常呢！
就係經常斷線，然後要最快1分鐘後先連番上，
開初以為係好平常，但諗諗下就覺得唔對路，
咁樣斷線法人地點玩手遊點食雞？
之前我玩RO手遊都係斷到我無隱棄game，
只能玩d唔洗即時反應都唔會輸o既休閒game，
所以我無乜玩手遊(課少樣野都唔係壞事 XD)
我問過friend都話唔會咁樣，係我部野壞，
唉好壞唔壞壞呢d，就算上apple store搵人睇，
都唔容易發現呢個問題，無辦法對正下藥。

上facebook斷、用whatsapp斷，尤其whatsapp，
當傾到重要關頭先黎「連線中」真係火都黎埋！
斷線頻煩到起碼1個鐘大約斷10次8次，
真係忍無可忍，唔係咁樣我諗再用多5年都得。

我就無諗住買d咩旗艦機，平平地用到就得啦，
睇部iphone SE 64Gb都只係$3399，夠用啦，
鍛估點都勁過幾年前我果部iphone7掛？
唔知有無支援8達通功能，有就好用好多！

不過都係睇定d，平時10月apple就有發佈會，
公佈新1代iphone，我唔諗住買勁果部姐，
但只要有新o既相對地弱雞果部都會升級，
又或者無升級都會再劈價，唔忍都忍左咁耐，
唔爭在等佢公佈埋新機先扑錘啦！

話口未完apple就開發佈會不過唔係新iphone，
係新ipad同iwatch，iphone可能要等下個月。