今日11點就要去練喇 @@ 簡直係挑戰我呀 咁早... 我叫媽咪9點半叫醒我 但真係唔掂 聽到個鬧鐘聲火到一野 打落去
d "lingling"" 聲停左 終於舒服d 後尾 10點再醒 就面啊 去解決 搞搞下汁埋野 成10點9了
仲未出到門 後尾 tony 打黎 唔去練~~~ 好彩肥源都去 佢校服無左喎 著便服去啦 呵呵.. 上次d人著左便服都無比人話
去到已經11點2了.. 去到有幾個男仔係度 阿沈都黎左 真係好啊又見到阿沈 等等下肥源都黎埋 miaa au 終於出現
開始了 成8個人 今日有1個人要去考 個個人............ tony都黎埋 點解今日d topic 咁變態架 咁深的
老番個條岩岩就係我上次考試個條 但我竟然唔記得晒d野 同埋唔識講 仲有個咩space programe=.=
我又點知識 點解usa 同埋china 咁鐘意搞埋呢d porject 其實我都好想知呢個原因 真係唔識講 玩下吹下水就過左
之後做part a個d 呢d先正常番d 又做下part b 我開始有野講了,,,,,,, 希望考個時有野講 唸到d idea啦
都幾好尾段 之後 散人 淨番我, tony 黃佰勤係度 佢地竟然想學摺星星 好易咋喎 細個個時摺野摺到走火入魔
好彩都記得番點摺 教識左黃伯勤啦
好肚餓呢 我連早餐都未食呀 嗚 我唔可以餓親架 之後同埋tony 去上水食 壽司 食左廿蚊
都傾左好多野 tony話左一d野比我知 @@ 其實真係無人知會係點架 因為始終無人係b君 b君所想的只有b君知
原來摺星星係為左咁.... 幾有心思喎 我相信好多女仔收到都會好感動架 感動還感動 有時感動未必是因為你摺了星星而接受 感動可以係你的努力去完成一份禮物
我認為都係分開2個好d....
機會百分比真係無人知道... 我f2個時都唔係抱 一定要咁樣的心態 而只不過希望 6號 知道有我的存在.. 同埋心意
後尾黃伯勤同埋另一同學仔出左黎後 我就去龍豐行下了.... 呢一年都無乜點行下個度 近期去多左 因為識左間鋪的姐姐
佢好好人 我第1次去就係買宜家最愛的白色袋個次了 當時見到的短褲 第2次去無晒.. 好失望 而且又咁平 點解我次次都係咁樣而走寶
我以後買野都唔會想唸咁耐了 個樣野我又咁鐘意 又咁平 點解當時我唔買 因為個陣時 都唔太多零用錢 我怕用得太多
唸住第2日再去買下啦 始終我仲未找到野做 都唔想問阿媽拎錢 我到宜家都好少問阿媽拎錢去玩 只係車錢去見工
所以我已經坐食山崩了... 無米 乜都就住黎啦 我去問番姐姐 佢話真係好難找得番 而且佢上星期咁岩決定左唔再做
好唔開心呢 佢開左係個度成年我家下先去左幾次 入面d野幾正 但我以前真係唔會去到咁入 太小看龍豐的衫檔了
其實有d比出面的仲更加好 當然 $$$都係啦.. 今日比我見到佢度有對鞋 唔.. 呢對的款都係我一直想找的 好似阿蕉gardin個日著咁的 佢寫住 $39 今次我真係唔會再客氣了
點都要買 問佢有無再平 30蚊比我 @@ 就咁就成交了  太開心喇 我都未試過咁平可以買到對咁靚的鞋
出面個d價位至少 60以上啦 呢個姐姐真係好 我要多d入去行下先 雖然 呢對係３７號鞋 對於我黎講 大左１個碼 但真係好靚丫 而且又得一對 點都唔可以放過
我就係咁的了 好多時有機會比左我都唔識得把握 而弄致機會留失左.... 朱嘉講我岩 我考慮d野的時候真係用太多時間了....
好開心丫今日 又shopping了
| 
miss au仲串... 話爆炸的機會係 一萬分之1 @@ 總之笑死人啦....
咪笑一笑囉 但個袋都唔太靚．／／
唉 會好樣衰囉 好唔鐘意咁 點解女人要咁