曾經最感動我的一句話:「完來我還相信愛情!」

一個受過傷的人, 在我們走在一起的那天, 在日記上寫下了這一句。

從沒有告訴他我看到了, 從沒有告訴他我感動得幾乎要哭了, 從沒有告訴他我也開始相信了....

兩人走左一起的日子很短, 當時的傷害卻很大, 完來縱使相信, 愛情也只不過是一時的passion

鍾斯是個不懂說話的人, 縱然時時也會口花花, 我也只當是傻話。

前晚我如常的睡前給他電話, 如常的拿著電話睡在床上準備好睡覺的姿勢, 如常的有一句沒一句的說著當天遇到的人和事, 如常的我開始很想睡, 合上了眼依依哦哦的應著他, 如常的他的聲音也開始很想睡卻又要多說幾句方肯放下電話....

這時他說了一番話, 我感動了, 雖然我還是如常的合上了眼依依哦哦, 他的聲音還是如常的聽得出快要睡著了。

鍾斯我沒有告訴你, 有你的日子, 我很好, 雖然日子過得很平淡, 但我真的覺得這樣很好。

唔知係咪尋晚訓覺既姿勢唔好, 今日一起身就覺得條頸好痛, 兩邊擰同低頭都好有困難....

頂唔順試下搽安美露, 好似都無咩效果

下午約左鍾斯睇達文西, 兩隻野好似睇周星馳o甘買一大堆野食入去

入到去好鬼死凍, 好彩以家戲院有毛毯借, 對於怕凍既我, 借毯就變成每次睇戲既指定動作。 但好似好多人

都唔知戲院有哩項服務, 坐我地格離一對年青情侶, 兩個凍到攬埋一舊, 個背心少女不斷話好凍, 開場無幾耐,

我正考慮話佢地知有得借毯會唔會太唐突時, 佢地特然起身....走左, 唔知係咪因為太凍呢

因為月頭多野做同埋大狗既一句好多個星期六都唔見我既關係 , 今日決定返全日。

鍾斯黎左陪我食lunch, 去左新開o個間雍雅飲茶, 都幾好味

跟住返到公司, 無咩心機做野, dl左「我猜我猜我猜猜猜」同埋「康熙來了」睇, 笑到反肚

收工後同angel去行左陣, 見到neturogena出左新既噴霧裝防晒, 諗起方太話我隻手晒黑左, 但平時我覺得好麻煩好懶搽防晒, 噴霧裝好似方便d, 於是就買黎試下。跟住又見到scholl既鞋墊特價, 又買左兩set。

返屋企前再去seven奉獻, 見到新出既榴槤雪糕, 緊係要試下啦, 好好味呀

今日端午節, 放假無野做, 整左好耐無整過既芒果布甸。

下午同鍾斯出去hea, 無所事事tea完之後就諗住行下, 點知見到三聯全面85折, 終於買左一直想買但唔捨得既高木直子....

跟住去睇下有咩雜誌, 見到出左more, 仲要加送一本only Shiho book ....正猶疑自己最近係咪買得太多野既時候, 鍾斯買左比我

然後去睇psp game, 鍾斯睇岩隻 out r, 見佢尋日買左我想要既levis比我, 就等我買比佢啦

行完一輪後, 媽子打黎叫我地兩個返去食飯, 於是就乖乖地返屋企啦。

識我既朋友都知我係個好為食既人, 雖然我既口頭禪係: 好肥呀!好想瘦呀!

我係o個d一愛上一樣野食就要瘋狂o甘食既人, 有一年愛上食芒果, 日日食3-4個, 食到成身都出滿晒疹, 好痕又醜。

有一年瘋狂食荔枝, 一日可以食一籮, 食到成個背脊都出粒粒...

有一段時間愛上食雪糕, 每一日都要食, 一盒家庭裝一日就食完...

一但想食一樣野, 我係一定要食到為止, 曾經愛上豹仔芝士條, 每次都要去又一城買, 買完就會心滿意足o甘捧返屋企...

愛上爆炸綿花糖, 一買就十包, 唔夠玩一晚就無晒....

然後有一日, 就會覺得唔再想食, 就算有都係食下就算...什至食厭左, 從此惦都唔想惦。

最近愛上美心新出既一隻糙米芝士包, 每日都要食過至安樂。

仲有哩個月黎, 幾乎每星期都食四至五次榴槤, 食到喉嚨都痛就食金嗓子....唔知幾時我又會覺得厭呢。