到左今日都仲係流鼻水, 再加埋咳得要死, 每晚都咳到訓唔到

成個星期無見過鍾斯, 因為佢下星期開始考試, 正在努力中, 而我自己又病左, 每日都係食藥同訓覺, 瑪路迪亦都成個星期無online, 忽然....覺得好落寞

尋日終於約左鍾斯睇MI3, 本來係想一齊去飲茶之後睇戲, 跟住去行下街再食埋飯。

但等位既時候, 企係到等左一陣起經好累, 最後都係唔想等, 是但去食D野算啦

跟住睇戲, 我真真唔覺得套戲唔好睇or悶架, 但真係有d位幾乎訓著, 我已經係無食藥出去架啦, 唉

睇完戲, 真係唔想再陏, 唯有返屋企。

食左成星期藥, 覺得自己整個人都乾巴巴, 灰灰暗暗, 鼻又甩晒皮, 眼又撐唔開, 連下巴位本來已經退左好多既印都現返o甘, 真真覺得自己醜到極點, 唉

51 bbq後既第二日一早, 起身後覺得喉嚨有d唔舒服, 諗住夜晚要飲d蜜糖水之類時, 返到公司未到下午, d鼻水已經開始停唔到, 喉嚨痛得要死....

一病就病到今日, 第二日頂唔順請左日病假, 要知道月頭要放假真係有好多既考慮, 加上今個月既月頭已經多假放, 計下計下真係無幾多時間做野....

哩幾日每日平均訓14個鍾以上, 唔洗返工可以訓足18個鍾, 食左d藥就會自然昏迷

返工時唔敢食藥, 但都係累得連行都唔想行, 眼皮都好似唔打唔開, 一夠鍾就要返屋企訓 ....

一早起身, 見到天氣晴朗 , 好開心呀, 約左好耐既bbq終於成行啦

約左邦邦, 小玉, 心心, angel, 方氏伉儷, 鍾斯同我一行八人, 一點係西貢街市一齊買野去北潭涌bbq

今次我地bbq主要係燒海鮮, 由西貢地膽心爸帶我地去買海蝦, 大大隻既扇貝,巨型既, 好肥既白鱔....再去買d扒呀腸呀丸呀同埋其他野, 買齊野已經攪到3點幾, 即刻上車出發。

一去到大家起爐呀包野食呀燒呀燒呀.....個個都身水身汗, 但好開心, 哈哈

一直到八點, 真係完全睇唔到野啦, 個個都已經好飽飽, 終於都捨得執野走。

但入到西貢, 又點都要去滿記食返碗糖水至夠完滿o甘, 於是, 一行八人兩架車又到左滿記, 但無晒位泊車, 大家諗好快食完就走....

點知....食完攞車見到兩架白炸圍住我地架車.....哩餐糖水好貴呀

由上年冬天開始, 唔知點解我既皮膚變得好乾燥, 天氣一乾燥就會敏感, 紅晒一達達, 又會甩皮....

我已經係幾乎每晚都會做水份mask, 但都唔覺得有好大既效果

最近天氣其實都幾潮濕, 但我依然可以乾到出左汗會覺得塊面係那到痛既

於是乎, 我一見到水份mask, 水份精華...就兩眼發青光, 今日又買左biotherm, 反屋企執下野, 發覺自己買買埋埋真係唔少, sheet mask就有七十幾張, cream mask有19支, 仲有一大堆跟本唔多會用sample, 真係要努力清下野先可以再買啦....