今朝鐘斯約左傑仔游水, 平時佢游之前會打比我, 但今朝我起左身之後一直到十二點幾佢都無打比我.....我估佢係起唔到身

結果真係, 哈哈....其實佢起唔到身我反而有d開心, 因為我真係好想佢可以訓多d, 休息多d

平日佢要溫書, 做功課, 同我講電話....一日平均都未必訓到4個鍾, 成日都好擔心佢會捱唔住, 擔心佢訓得太少, 擔心佢咖啡飲得太多。

最近佢既工作一直都好忙, 好多時十點幾都未收到工, 成日聽佢話收左工之後都係去seven買d丁丁野食.....

我從來都覺得自己係一個好需要私人空間既人, 所以從來都無諗過要同居, 最好係一人一間屋, 到星期六日就你去下我樹我去下你度....但最近, 第一次諗, 不如一齊住....因為, 好想係佢辛苦左一日返到屋企之後, 為佢沖一杯茶, 煮一碗熱辣辣既蕃茄牛肉通粉<<<<講到o甘勁, 其實未煮過, 呵呵

最後鐘斯游唔到水, 我地就一齊去左tea, 跟住就睇決戰魔盜王, 真係勁鍾意Johnny Depp.....睇完戲諗住再去睇下有無雪糕, 點知見到上次買o個隻青豆百力滋同我見到就會癲既桃哈多, 哩隻百力滋真係超好味呀, 脆卜卜, 仲有好清既青豆味, 超開心

前幾日都有d傷風, 前日終於睇左醫生, 於是尋日就無返工抖左日啦, 但大堆未做既野, 結果今日星期六都係要返黎做

收工後同鍾斯食飯, 諗左好耐都唔知食咩好, 最後去左金煌庭, 我地兩個人, 叫左小籠包, 炸曼頭, 茄汁蝦仁窩巴, 口水雞半隻同埋擔擔麵, 但擔擔麵唔記得要走麻醬, 所以我食左一啖已經食唔到, 其他野我覺得一般, 唔算好好食又唔係難食o甘lor。 我認我真係超級麻煩既人, 當我鍾意食d野既時候係會狂食, 但當覺得唔吸引時, 真係唔係幾想食.... 所以, 哩餐飯係鍾斯食既多...鍾斯就係o甘, 唔會浪費食物, 每次叫左d野我唔想食時, 佢就會食晒....如果佢見我鍾意食, 就會食好少....所以如果有一排我肥左, 鍾斯就會瘦左架啦, 哈哈, 相反我瘦左, 佢就一定會肥左啦....

食完飯後, 我既c9本色又發作, 點都要去超市逛逛, 結果又係買零食啦, 但鍾斯就係側邊ee娥娥, 話我食得太多零食....結果買左少少, 真真唔夠痛快

夜晚又同瑪迪迪講電話講到成3點, 雖然迪話佢唔開心, 但我地都係笑左成晚, 結果比人話我無同情心, 但我又真係覺得無咩好同情wor, 哈哈...

每個人選擇既路都唔一樣, 只要清楚自己想要既係咩, 就算見到人地再好, 除左會登人開心, 其實無咩好羨慕, 因為完來自己想要既從來都係另一回事....

從少到大, 都喜歡胡思亂想....喜歡想將來的生活, 喜歡想理想中的自己....

想.....我的月亮星座是水瓶座, 我一直希望自己會是typical的水瓶座, 有無盡的想像力, 什麼也可以不在乎....我曾經以為自己是, 原來並不....

想....人不能活得瀟洒, 是太多身外物?是太多放不下的情?是太多慾望?是太執著?是太在乎別人所想?......

想....時常聽聞朋友的男友/追求者送贈名貴禮物, 或什麼女的不用工作, 男方照顧一切.....我多是嘆一句自知沒有這種命....

但說真的, 其實自己並不希罕, 如我真係看中一隻cartier手錶, 我希望是自己有能力買的, 而且不是儲錢去買, 而是買了就算不小心碰花了也沒所謂, 這才叫做買得起....

當然我現在是買不起, 也沒那種命, 所以我身無長物, 哈哈...

想....但我還是希望有能力, 不是為了要賺很多的錢, 只是不想覺得自己很沒用....但自己越來越懷疑自己.....這真的很難受.... 

想....從來也沒想過要做個人見人愛的可人兒, 跟來就是沒有天份....只想在一個人面前, 我就是我, 就算我有多笨有多粗魯有多麻煩有多難纏有多亂七八糟有多騎呢....還是會喜歡我, 不是容忍我....(我知道, 現實裡, 可以容忍, 也是很難得的...)

想...想生一個小bb, 我不需要他在親友面前表演唱歌跳舞背英文, 不需要他星期一三五補習二四六上不知道到低有沒有興趣的興趣班, 不需要他與別人考第一的小孩子比較...我只希望他做個健康快樂有自己想法的人, 而且視我為最好的朋友....

想...想了很多....但現實是友人問我倒底知不知自己想怎樣時, 我就如一個還未學說話的小孩子, 只是哭哭鬧鬧表達著不想這樣, 卻說不出自己想要怎樣....

其實我是不知道自己可以怎樣....是一切真的太難, 還是我想的實在太幼稚.....

星期一係一星期入面最無心機既日子, 當然係不宜開工啦...

於是, 成朝就同angel係到睇雜誌, 睇下睇下....「哩個model個妝真係好貼o甘」「係啦係啦, 隻眼都好靚呀」.....「嘩...哩支野講到好勁o甘, 唔知係咪真係得」「其實可能係個model本身就係靚, 哈哈」....「我地真係好鬼死丫烏, 哈哈...」「算啦, 公司又無靚仔, o甘靚有咩用, 哈哈哈」....講下笑下, angel話佢想買碎粉, 於是我地就決定12點零蛇去德福睇下.....「你覺得買邊隻好呀?」「不如去shiseido睇下...」「好wor, 你都想買呀??」「我唔買啦, 夏天我一出汗就咩都甩晒, 冬天先算啦...」...我真係一直都係諗住陪佢去睇架咋, 無諗住會買.....

去到shiseido, 花多眼亂, 唔知邊隻好, 就問下d靚女sales妹妹啦, 「如果碎粉我地有哩d啦....」....「不如你試上面睇下啦...」o甘sales妹妹就開始幫angel試啦....我就坐係到睇, 睇下睇下....「哩支野有埋個掃又幾方便wor....」「閃閃地又好似幾靚wor...」「係呀...你試唔試下丫....」「好呀....我又試啦, 唔該....」跟住就連我都開始試啦.....「我要哩支同哩支丫唔該」「好呀, 我幫你keep住你睇下仲有無其他需要....」「555....哩隻e/s幾靚wor....」「係呀...哩隻係最新架, 你試唔試下丫...」「好呀, 唔該...」.....「好似隻眼真係即刻大左wor....」「我要埋哩個丫唔該...」.....

就係o甘....又一次陪人去睇野結果自己買得仲多....