終於到左AGM, 今次係最輕鬆既一次。

算係一切順利啦, 只係賤賓永遠係搵野黎挑, 都費鬼事理佢。

本來一路都擔心唔夠人數出席, 點知不知幾爆場, 順順利利, 兩點完場, 大家拿拿林執野諗住一齊去食返餐....

點知無啦啦老細佢地話要同委員一齊食, 我地緊係唔想啦, 之前明明話一齊去食牛肉餅架ma, 小玉仲專登查埋車返黎....

老套既係, 曾生仲要一路企係到等我地, 我地已經再三話唔想同佢地食, 為左哩件事, 攪到大家都好無隱, 最後犧牲左嘉菲部佢, 我地至走得甩....你放心啦嘉菲, 你既犧牲係唔會白費架, 我地一定會食埋你o個份架, 哇哈哈哈...

3點去到九龍城, 點知都要等一陣wor, 我地6個人, 阿姐話：如果你地大食既叫個6人餐好低食架....就一個6人餐啦, 再加6個牛肉餅, 好低食呀, 個餐有一窩擔擔麵, 雜錦粉絲窩, 咖哩3寶, 賽旁蟹, 冷盤併盤, 菜, 咩咩炒羊肉, 羊肉春卷, 真係個個都食到好飽, 埋單都係五百有找。

雖然一個二個都話好飽, 但一聽到話糖水又個個都話食得落wor, 一行6人再去口甜舌滑, 食左楊枝金, 雜果西米撈同埋榴槤飄飄, 無錯, 又係榴槤, 哈哈哈....不過哩個味道一般。

今日難得鍾斯早收工, 約左佢係tst食飯, 見佢7點零就到左, 就諗住叫佢去板前羅住位先, 睇下到我8點零到有無得食....

8點我出到去, 仲有三十幾張先到, 我好肚餓啦, 唔想等, 見到格離新開左間"金水", 門面ok o甘, 就試下啦

一坐低隻豹就餓鬼o甘, 好快就食左十幾碟.....海膽好好味, 連食兩碟, 其他都ok呀, 價錢同板前差唔多。

由於好攰, 食完都無地方想去, 於是食到差唔多十點, 廿六碟, 埋單六百六, 其實....我覺得有d貴呢, o甘既價錢可以去砂煲啦, 都係峰最低食又好味。

本來今日好多野要做, 但無咩心機, 無無聊聊同多熊MSN, 忽然大家就話不如今晚出去食飯.....errr....我原本準備今晚ot做好晒d野架bor.....

lunch時開始滿腦子食咩好呢食咩好呢....唔理啦, 聽日先算, 今晚一於出去食食食.....哈哈哈

最後決定食露比星期二, 好耐無去過啦, 十幾年前, 好鍾意同瑪迪迪去海運o個間, 一定要坐窗口位, 一人一個古古力(我既)同一個士多啤梨(瑪迪迪既)tall cake, 一路望住出面既海(好鬼多垃圾), 一路懶高貴o甘食.....哈哈哈哈~

6點半3個準時到達德福, 就一支箭o甘沖去露比, 由於大家都諗住留肚再戰聰嫂, 所以只係叫左芝士薯條, 香脆雞肉漢堡, 白汁海鮮意粉同埋古古力tall cake, 野食一般, 個tall cake一樣係o甘好味

食完好似無食過野, 本來大家仲想拮下魚蛋燒賣煎讓3寶, 但最後又懶得行黎行去, 於是就直入將軍澳....

入到將軍澳, 多多要去狗狗醫院買狗糧, 去到見到個磅, 我地又走去磅下啦, 唔磅好地地, 一磅....哇哈哈哈....大家都大受打擊, 不過算啦, 我要肥先至好睇架ma(自我安慰中)

買完狗糧就去聰嫂, 次次都係食榴槤野, 今次我想試下新野, 於是就叫左個薑汁柚子果凍, 但我覺得個薑汁奶太甜.....下次都係食返榴槤!!

唔知係咪食得太多甜野, 食完大家又好想食返d咸野, 於是又去seven啦, 最後唔知食咩好, 熊熊話覺得你老闆紙菜無以前o甘好食, 於是大家就買包即場驗證一下, 最後一致栽定真係無o甘好食。

公司好多野未做, 於是今日諗住的起心肝返公司做晒d野....

點知返到公司都係無咩心機做, 下午就約埋熊熊同比比一齊食晚飯, 今次去九龍城既回味館食辣蟹。

我地叫左香辣蟹, 口水雞, 麻辣天梯, 金蠔肉碎生菜包同埋金銀蛋涼瓜。

個香辣蟹同埋金蠔肉碎生菜包真係好好味, 香辣蟹有上次係銅鑼灣橋底辣蟹o甘好味, 雖然係細隻少少, 但價錢幾乎係上次既1/3, 好低食。

食飽飽後比比有事走先, 我諗起尋晚同鍾斯係seven買野飲時見到哈根大新出左限量版既提子味雪糕, 於是就提議熊熊一齊試下啦...點知我地搵左兩間seven都搵唔到, 得出既結論係「九龍城哩d o甘既落後地方連seven都out d, 連新口味既哈根大雪糕都無」.....跟住我地就去零食店買左北海道哈密瓜軟糖, 香蕉味同牛奶味既百力滋同埋提子糖.....

但對搵唔到提子雪糕始終唔死心, 於是我地決定出旺角再搵....出到去, 我地即刻飛奔去seven, 但搵左兩間都仲係無.....熊熊叫我諗下到低尋晚係邊間見到, 但我真係失左憶, 淨係記得真係見到有...但就諗唔起係邊見到.....最後, 決定打比鍾斯問...

「喂喂, 你記唔記得我地尋既係邊間seven見到哈根大新出o個隻提子雪糕呀??」

「seven??我地係係ok買野飲時見到架wor, 唔係seven bor...」

「ok?!!又好似係bor, 呵呵呵...」

熊熊:豹豹....$(&*%($&)^*$_)%$

終於都買到啦....味道ok, 但完全無提子味, 試過就算。

食完個提子雪糕覺得唔夠, 仲係好想食雪糕, 我又諗起尋晚係發記既榴槤雪糕o者哩.....於是我地又飛奔去發記....

但飛奔左兩條街後有d唔對路....都係再打比鍾斯問路....

「喂喂...又係我呀....我地尋晚去o個間發記係邊架??...」

「.....你以家係邊先??」

「我以家係波鞋街面向先達lor.....」

「你行錯方向啦, 應該係向家樂方向行見到xx轉右.....」

「555....我記得啦....」

熊熊:豹....#%&(#&%)#&)@

我地去到發記, 即刻一人一個榴槤提子o者哩雪糕先, 無諗過榴槤同提子o者哩係夾架, 上面再加個豆腐雪糕, 又得wor....好味。

食完我地都仲係意猶未盡, 再叫多個榴槤忘返, 真係飽晒啦

今日約左鍾斯晚飯, 但我滿腦子甜品....

收工就出去join左鍾斯食完飯就豹o甘腳去發記, 8點幾, 唔洗等, 即刻叫左榴槤大菜糕, 蘇皮榴槤卷同埋鮮雜果涼粉

個大菜糕幾好味, 但榴槤卷因為入面既榴槤唔靚, 好硬, 唔好食....

食飽飽後出到門口見到貼住張新相, 寫住係新出既榴槤提子o者哩雪糕.....好想食呀....下次再黎一定要試!!!!

跟住再去行零食店, 搵到冬蔭公味同wasabi味既紙菜