今晚又開常會, 下午賤賓黎左後我就無啦啦忙忙忙...

本來今晚既議程都係悶悶悶, 但特然靚太話土木工程署黎左, 我即刻兩眼發青光...

果然, 我今次終於見到黃重生啦....佢真係人型過上鏡wor, 好高大靚仔呀, 我真真覺得佢好得, 哈哈

完本以為9點零應該走得, 點知都係攪到10點幾, 好彩要拍既野終算拍左, 但一樣有d精彩既對白要講下:

狗: o甘一致通過啦...e...咪字, 阿king, 哩個係咪友情價先?

king: 哩個直情係知己價啦....

哈哈, 如果我係king, 真係好想講, 哩個直情係你老母價啦, 真係你老母先會收個o甘既價比你玩足o甘耐。

今日約左一班舊同學聚會, 有迪, wing, kc, 仲有十年無見既區嘉...

一收工就雞o甘腳去攞眼鏡先, 跟住就再約迪一齊買野食, 準備上kc既新居...

買齊野食後上到kc屋企, 等埋區嘉, 大家又係一輪咀, 全層樓都聽到我地既笑聲, 完全無隔莫, 哩十年到低係咪真係已經過去...

整晚大家都好忙, 忙住關心kc, 忙住約齊其他舊同學星期六同miss farewell, 忙住講大家既近況, 講起舊同學....

我同區嘉哩d被kc形容為老一背既, 當然又要講下結婚生仔買樓啦, kc仲話不如一齊買返係附近, 哈哈, 又真係可以諗wor, 區嘉仲話我地要一齊去睇下樓...

wing努力下終於聯絡上阿蟹, 佢依然係o甘串!!!!!!!!!wing仲能夠同佢講o甘耐, 大家都好佩服。

一整晚大家嘻嘻哈哈, 手舞足動, 不知不覺就十二點幾啦, 再忽忽o甘影下相....如果聽日唔洗返工就好啦。

尋晚我同迪都無訓過....

一早八點佢又打比我, 今日約左kc食早餐...

今次kc話我個樣精神過上次見面, 但明明我係通完頂wor....其實我覺係因為男人都係鍾意直頭髮lor, 總之頭髮直左就係好樣左啦。

大家又係把口唔停, 當然我地最關心既都係kc既感情問題啦....kc你真係要加把勁呀, 你等得我地都唔等得呀, 真係要諗下點出手幫你架啦, 哈哈哈...

食完早餐同kc分別後, 上左迪屋企放低d野, 迪就陪我去配眼鏡啦, 一攪就攪左個幾鍾。

跟住我地又再去又一城, 第一件事就係去chanel, 一輪得呀低呀hehehaha之後, 又一人一袋...

跟住已經好肚餓, 再去食野, 食完又急急腳去德福....

係德福主要係陪迪買野, 但其間佢大受打擊, 哇哈哈哈...

最後買完野後, 就join埋一班同事去碌拎....然後一齊食埋飯....

哩兩日既行程真係好緊迫呀....真係要回一回氣先得。

今日放假諗住陪瑪路迪shopping, 點知自己都一齊血併...

一早8點幾瑪路迪就打比我, 跟住大家就一齊出去左飲茶, 兩個人, 講多過食, o甘就坐到1點。

食飽後迪想買蛋糕模, 我就帶佢去我買開o個間, 可惜佢都係睇唔岩。

跟住因為迪未行過apm, 於是我就同佢去, 雖然大家都有收獲, 但感覺仲未盡興.....

於是再戰又一城, 先去食d野, 跟住再去log-on, origins, estee lauder..... 試一輪玩一輪買一輪, 再去french connection, 又再試再買, 已經差唔多7點, 約左wing & 米高7點係黃埔食飯, 唔走唔得啦....但我地今日既target  - chanel都仲未睇!!!!

於是心思思聽日都唔返工再黎過...

去到黃埔, 已經筋疲力盡, 又肚餓, 等埋wing, 米高, 鐘斯後, 立即叫野食, 大家一輪咀講講講, 笑笑笑....好快就11點半啦, 大家聽日仲要返工, 唯有乖乖地返屋企啦。

完本難得瑪路迪返黎, 我真係好想日日夜夜痴纏佢, 但佢搭左9個幾鍾飛機, 反黎都未好好訓過, 仲未見屋企人, 今日就比佢抖下啦, 呵呵 

好想一齊去旅行呀, 但得3個星期, 又唔可以叫佢唔部屋企人走左去玩。

但個心都係不斷諗有咩地方要去...幾時可以放假...放幾多日好呢...要約kc佢地出黎...要見見wing...要去海洋公園...

哎呀....哩3個星期我都會好忙呀, 鍾斯你乖乖地我唔得閒湊你啦....

今日就襯得閒陪鍾斯去游水, 約左係apm行下先, 跟住又係想食壽司, 都係去左禾花亭。

然後去到泳池, 好多人呀, 落到水, 點解係熱水架???游溫泉水乎??

跟本就多人都游唔到, 可憐既鍾斯就o甘陪我浸左成個鍾...

最後我都覺得好無引, 唯有併死陪佢去大池啦, 希望無o甘多人等佢游幾個塘...

一落水, 滾水呀!!!!

我自己係池邊跳下跳下<<<<無辨法啦, 我係小矮人ma

佢游左兩個唐反黎已經熱到頭頂出煙o甘....都係快快走人啦。