今日約左中斯北上按摩, 一起身食完早餐之後就出發....

中午上到去, 去左飲茶, 食左八樣點心, 埋單6x, 低食。

行左陣就去左按摩, 今次係個肥妹幫我按, 佢一入黎就大呻由朝早8點一直做到而家(4點幾),  又未食野, 好累, 點點點...

跟住佢就開始按, 問我夠唔夠力, 我表示唔洗o甘大力....但佢按按下越黎越大力, 我再表示唔好o甘大力....佢再越按越大力....按完身後, 佢仲要講一句: 你成日按摩架?!o甘受力既....頂!!!我叫左你唔好o甘大力架, 又話未食飯好累都o甘大力, 食飽左仲得既!!!

按完後去食飯, 明明我一路覺得無咩胃口, 但都叫左5個送, 食完仲係覺得好似無食o甘, 再試埋個香蕉薄餅, 好好味... 

食完飯見時間倘早, 諗住係羅湖搭火車返黎, 點知可能係暑假既關係, 我終於見識到傳說中既打蛇并....差d焗暈左...

友人最近都在嘗試一個西柚減肥餐單, 聽說有人已減了十磅....

看了餐單的內容, 也算容易及不雖捱餓, 唯一是不能吃甜及殿粉質....這對我的確有點難度....

但也只是十二天吧, 於是我又心思思想嘗試一下, 希望能減個3, 5磅也好...

已經有個多星期無見過鍾斯, 最近佢既工作一直忙忙忙...

我自己亦忙住玩, 除左少左陪佢之外, 連每晚講電話既時間都少左好多, 有時都係講幾句就係: 我好支力呀...想訓...

尋晚佢約我食飯, 但始終都係8點半至收到工...我係公司一直等...等...等...

其實我完全唔介意要等佢, 只係我自己真係無咩心機, 成晚都唔多想講野...

鍾斯話, 最近我好燥, 成日忟忟憎憎...唔多講野...又成日都好支力o甘....

好似真係....

迪話佢係悲觀低, 樂觀樣....

我諗我係悲觀低, 無腦樣....(根本都真係無咩腦)

係朋友面前, 我都係hehehaha無咩煩惱o甘, 偶然有唔開心既情緒, 可能係唔想掃大家既興, 可能係保護自己....好少會表現出黎....

但係屋企人同鍾斯面前, 就變成極情緒化...再加有少少嗅脾氣...

可能人就係o甘, 當知道有d人會對你好, 你就會放肆....覺得所有野都係理所當然, 對你好係理所當然, 受你氣都係理所當然...

其實我知道一切唔係理所當然....今日開始, 我要好好處理自己既壞情緒。

最近的心情, 其實很煩悶....

每天回到公司都很頹廢, 已經頹廢得連不快樂也由得他, 連不甘心也不理了....

每天都想著, 想走, 想轉field...

阿駱說, 如果真的想買樓, 還是不走的好, 留在這裡隱隱定定....

卡拉說, 我們這等小女人, 有份工隱隱定定, 每天hea下就好, 這麼辛苦幹什麼....

但太hea了吧, 其實我的工作不至於是這樣閑的, 只是我已灰心得什麼都不想理....

再這樣下去, 我會死.....心死....廿多歲便過這樣的退休生活, 總有點壯志未酬吧....總覺得自己其實還可做點什麼吧....

最近總是累, 累得什麼也提不起勁, 累得像扒地熊一樣一直一直扒在地上....

今日一早起身, 同迪, kc一齊返教會...見到kc既另一面...

跟住我地約左大肥lunch, 我發現大肥個樣越黎越bb...好鬼似芝麻街公仔d bb版...

一餐lunch一食就食到4點, 跟住好鬼頭痛, 頂唔住, 返屋企訓一訓先...

到夜晚10點, 再到迪樓下, 好似以前o甘, 兩個人, 搵張長椅坐低, 一傾就傾到十二點幾...

走既時候瑪路迪送我搭車, 上左車後回望佢既背影.....

聽晚既哩個時候... 你已經係飛機上, 希望我地都可以找到自己既幸福同理想....一路順風....