雖然天氣依然炎熱, 但公司幾隻貪靚精已經急不及待要換季<<<拿拿拿~~係靚太換先架~無奶由佢著晒乾濕褸長boot我仲係背心涼鞋同一office攪到d男同樹精神分裂就唔好意樹啦係咪?!!

換季時候永遠都覺得自己係無衫著既(唔好問我地點解塞爆左個衣櫃都會無衫著o個d衫唔係攞黎著既咩...哩d蠢問題唔該)

本來約左鍾斯食飯, 但係3隻貪靚精下午係公司無所事事就一齊睇雜誌, 越睇就越興奮, 3隻野就開始諗不如收工一齊去shopping......「但你約左鍾斯wor, 怕唔怕呀??...」「怕咩wor...我地買左野仲可以叫佢幫我地找拎tim呀....」.....

雖則話鍾斯已經算係一個好有耐性陪隻豹去買野既人, 但同佢一齊買野既樂趣又點及同志同道合一樣鐘意試衫同睇人試衫既開心呢(哩d野只要係同類都會明白, 唔明既唔洗明)....但但但又要知我地弱質纖纖架ma, d秋冬裝又重到死, 一對長boot已經足以拎人想中途掉鬼左佢....o甘既情形, 帶咕哩shopping的確係有實際需要.......

鍾斯就o甘係無得選擇地好願意既情況下部住我地3個belebala既女人行左一晚, 真真辛苦晒.....

今日有得去迪士尼啦..........

一早起身, 同鍾斯食完個當當早餐就搭地鐵去迪士尼....

約左靚太一家人11點半係水池等, 但佢地都係12點至到....唔緊要啦, 佢地有bb係麻煩d架ma....

雖然以家已經算係秋天, 但中午個一樣係恨恨地晒....好熱呀....

一入到去就見到好多人排隊同米奇佢地影相, 我地有bb同行當然要影下啦, 雖然今日唔算多人, 但大熱天時烈日當空排左一輪已經頂唔住啦, 都係去玩左d室內野嘆下冷氣先....

過左暑假既平日真係唔同d, 我地唔洗點排隊就已經玩到space mountain, 巴斯光年, 小熊維尼歷險之旅, 馳車天地, 森林河流之旅, 3D米奇狂想, 隻豹睇得好開心呀, 當D金銀珠寶飛埋黎時仲見到有人真係申手去接, 哈哈, D野食仲好香tim.....真係岩晒小朋友同埋隻豹哩d 玩space mountain都會大叫好緊張既低b, 玩得好開心....

玩完一輪開始肚餓, 唔想食o甘熱既野, 豹同鐘斯食芝士漢堡著條同埋燒雞亦薯條, 唔算真係好貴,野食就唔好諗住會好好味啦...

食飽飽見個太陽收左d, 去搵d卡通人物影下相先.....好攪笑呀, 我地見到好多人叫d公仔簽名!!??.....影完晒相出返黎見到巡遊既車尾.....哎呀....錯過左巡遊啦....

玩到6點再去睇埋個獅子王慶典, 出到黎天都黑晒lu, 見好多人已經開始搵定個靚位等睇煙花.....漫天煙花哩d o甘既浪漫環境係咪應該黎個擁吻呢??但兩隻野都出左一身汗又酸又縮真係大殺風境都係算把啦.....

睇完煙花臨走前, 隻鄉下豹話唔買野都係要去買返d手信.....一直玩到人地要收工至捨得走....

本來收工諗住同angel一齊去荃灣行街, 但九龍灣好似除左巴士同地鐵之外就無車出荃灣, 搭巴士我地怕塞車生不如死....所以最後都係搭地鐵.......諗起都覺得好遠呀.....

兩個傻婆, 上到地鐵望住個路線圖......好長呀....竟然諗到不如早幾個站落車, 聽聞話葵芳都有野行, d人話好多野買wor....

落左車去左個咩葵芳廣場, 行左兩層都唔明有咩岩買, 仲衰過旺角.....決定快快去食d野再過新都會睇下....

隻豹唔知係咪行得太悶太無聊, 行行下見到間野寫住有得穿耳忽然忽忽痕行左入去話想穿耳....本身自己有3個耳洞但已經十幾年無帶過耳環....

坐低左一睇d穿耳既耳環....「嘩!!哩d耳環點解幾廿年都無進步過仲係哩d款架??」(見到仲係幾十年前o個d老套款已經想唔穿)....但坐低左好唔好意思話唔穿, o甘是旦揀左啦....點知隻low b豹見到把槍開始好驚...然後佢攞d火酒出黎幫隻豹消毒....佢好大力o甘摔隻豹耳, 好痛呀, 仲以為已經穿左, 洗唔洗o甘大力呀, 唔通佢認為消毒時整痛左我有麻醉作用.....跟住開始mark個位, 隻豹一睇, 有一個已經係耳骨側邊...「嘩!!o甘上會唔會好痛架....」「話唔痛就呃你既, 小小緊有架啦.....」「下...埋返d得唔得呀??....」「你放鬆d先...唔好o甘緊張..(#$&(*#&%)#).....」.....「你睇下以家o甘好唔好??....」「....唔得呀....我好緊張呀....可唔可以唔穿呀??」「下....(y#^#(%&#%(&#).....o甘你都要買左對耳環wor」(因為已經開左).....「.....o甘呀....o甘我穿一隻先啦, 唔痛先穿埋o個隻啦....」<<<(哩d咪就係 c9慌死蝕低心態lor).......一輪weewa鬼叫後, 隻豹耳就係o甘多左兩個洞啦....

終於都等到睇黃子華啦.....

一個月前就買晒飛, 一直好期待.....但估唔到鍾斯今日竟然病左.....見佢今日好攰又面青青o甘既樣, 好可憐呀....

個show 8點開始, 掛住子華掛得要死既豹6點就捉埋鍾斯去食飯7點3就已經到左伊館門口, 等到7點半就可以入場, 一坐低覺得冷氣好凍, 好彩早有準備帶晒衫, 即刻羅出黎包住隻鍾斯, 免得睇到中途佢頂唔順暈低左到時唔知送佢去醫院先定睇埋子華先好.....

八點一, 息燈啦息燈啦..... 

子華好靚仔o甘出埸(雖然有d脂粉, 但豹心目中佢係好靚仔架)...由o個分鐘開始, 直至十點半, 係原全無冷場, 由頭拍住手笑到落尾...一路笑既時候隻豹唔係淨係掛住子華架, 時不時都有望下身邊隻鍾斯有無暈低架, 見佢一齊係到笑緊真係安樂晒啦....

今次無左97回歸前, 金融風暴哩d大時代背境, 無左人民公敵大大個出氣袋董伯伯, 子華今次不談政治, 而且感覺比以前收左火, 大講打工仔心態, 每個人既世界同睇既野都唔一樣, 首尾呼應請你好好放低, 一樣發人心省....

今晚鍾斯約左傑氏伉儷一齊入屯門食蟹, 方氏伉儷知道後又話想一齊, 收工後, 我同鍾斯就跟方生車一齊入屯門.....

我地6點幾已經係屯門市中心, 打比傑仔, 佢話係沙田轉車.....我地行住等, 七點幾再打比佢問佢地到左邊, 越講越唔對路, 隻low b大鄉理出城, 搭錯車去左天水圍, 哈哈哈....

等到成八點至齊人, 原來屯門麒麟街好多大排擋架, 我地去左間叫滋味館, 叫左炒蜆, 咸蛋黃炒糕蟹, 避風塘炒蝦, 炸蠔, o者o者雞煲, 金姑肥牛炒絲煲, 薑蔥炒田雞同埋蒜蓉油密菜, 唔知係唔係食海鮮既關係, 好似好多野, 但食完都唔係幾飽。 野食ok啦, 個蟹好香, 蜆個汁夠晒辣, 好味, 但個田雞同o者o者雞就唔係好得, 不過埋單好抵食, 每人八十。