秋高氣爽, 最岩就係去郊遊架啦.....不過當然唔好諗住隻豹會再去行o個d釣魚翁徑呀, o甘辛苦真會攞豹老命架....去西貢市中心行下就夠架啦, 哈哈...

黃昏入到去, 即刻搵地方tea下先, 麵包精就緊係搵o個間傳聞好得既麵包舖試下啦, 我地試左個ham & cheese既sandwich, 一件有banana既cake, 一杯lemonade同埋cappuccino, 再買多個香蕉合桃蛋糕走.....

試完之我覺得普通啦, 件cake就幾好食。

跟住周圍行左陣, 其實都係望下有咩好食下次黎時要試, 哈哈....

夜晚我地就去左食pepperonis 食pizza, 因為tea完無幾耐, 同埋豹媽千叮萬囑兩隻野要早d返去食佢d愛心甜品, 所以只係叫左個pizza同半份ribs, 哩個pizza其實隻豹麻麻, 因為隻豹一向鍾意食薄批, 個底脆o個隻, 哩度就係厚既, 個ribs就豹同鍾斯都覺得好好味....下次要再食個蜆肉意粉同薯皮呀!!!

食飽飽後兩隻野就乖乖地返屋企食埋個豹媽愛心甜品啦, 再切埋個香蕉合桃蛋糕一路食一路睇美女廚房, o甘就一日啦。

今晚中秋晚會, 由下午3點就開始侍候班專貴既客戶唱歌仔.....主要都係佢地要水時搬水比佢地, 佢地要紙巾時遞下紙巾, 佢地要面時又比下面(係佢地唱完時落力鼓掌)o甘lor....

4點又開始要分身同d小朋友猜燈謎, 隻豹對細路其實真係無咩耐性, 明知d小朋友有d仲好細個跟本唔會猜得到, 就岩又送份禮物唔岩又送份安慰獎但求人人有份個個開心我又快d派晒d禮物收工....

黎得玩哩d遊戲既多數都係小朋友啦, 但玩玩下見到一個仲老過隻豹既紅衣女子係到望住d燈迷虎視眈眈o甘, 隻豹就諗:你唔係又想玩埋一份同d小朋友爭哩d營光捧鄧籠仔下化, 啋.....結果佢真係玩埋一份, 仲玩完一次又一次又又又一次.....

到7點, 晚會正式開始, 就有d貴賓黎致下詞呀, 有d所謂既歌星黎唱下歌o甘啦...哩d時候我地四個女又係扮下粥粉麵飯歡樂小姐o甘既角色, 扶下d嘉賓上台帶下位呀, 派下禮物糖果呀o甘....

點知開始左無幾耐之後, 當個歌手係到講緊野既時候, 有個樣甚猥瑣既背心傻佬特然企起身講左句「姐姐....我...我...我好鐘意聽你唱歌....你..你..你唱得好好聽呀...hehe..hehhehe...」嘩....好驚呀....即刻叫d同事留意住佢, 總之唔好張揚唔好引起混亂....

如是者都好順利, 到差唔多10點, 準備完場啦, 我地4個粥粉麵飯就企係一邊, 準備一完show就走人....哩個時候阿司儀先生出黎講幾句野, 多謝下我地粥粉麵飯叫大家為我地拍下手o甘....本來都好地地, 點知阿司儀先生一多謝我地就引起左阿背心猥瑣傻佬對我地既注意, 佢無啦啦走埋黎我地到要同我地握手, o甘angel就同佢握一握無野啦, 跟住心心又同佢握啦, 點知佢握完就搶左心心手上既拍拍板, 心心仲死唔放手, 隻豹見到即刻叫佢放手比佢算啦... 跟住佢又申手要同隻豹握手....隻豹就申出幾隻手指諗住衍下佢就算啦, 點知佢捉住左隻豹手死都唔放呀!!!!!!!!媽咪呀~~~~救命呀~~~~嚇死豹啦~~~!!!!!!

哩個時候由步步高, 達達, 馬姑娘組成既救援隊伍終於趕到....步步高一手推開左佢, 隻豹一縮返隻豹手就即刻拖住angel同心心逃離案發現場.....

但我地見到馬姑娘已經遇害啦.....傻佬一手攬住馬姑娘條腰要影相呀~!!!!!!

奸計得逞影完相之後, 傻佬就好滿意o甘被帶離場.....

事件平息左之後, 一隻二隻屎野就走黎慰問四個受害人啦.....

蘇思: 哇哈哈哈...哈哈哈...你幾個野丫...哈哈哈...攪到比人博矇....哈哈哈哈.....

嘉菲: 拿, 成日話我賤格....以家比你知道咩先叫賤格啦...哩d咪就係賤格lor....哈哈哈哈....

但最底死既都係馬姑娘.....

豹: 馬姑娘你頭先蝕底晒比阿傻佬啦....死傻佬...哼哼哼!!!!!

馬: hehe...我頭先都鬆左佢一踭...hehhe....同埋我都幾十歲啦...有幾何丫....hehhe.....

o甘都得呀~!!!!!馬姑娘真係底你o甘襟撈~!!!!

真係覺得好堪坷lor.....打份工o者....無啦啦都攪到要眾目睽睽幾佰對眼望住o甘犧牲色相(明明都已經無咩架啦)....嗚....

終於都頂唔順自己個死人頭, 上星期諗住去搵阿彼得攪下佢, 點知去到竟然無開門, 完來佢地爆水候....今日收工再去, 終於有開啦....

「想點攪呀??」「染啦~要肥既得唔得呀。」「真係要肥呀?!o甘紅紅地啦好唔好??加少少啡....」「好啦好啦...肥就得啦...」

係到肥緊既時候, 隻豹就緊係睇盡所有八婆雜誌啦, 睇睇下, 見阿彼得攞住叠相, 隻豹又緊係要八掛下啦.....

「你以家幫埋人化妝set頭呀??」「主要都係新娘妝lor.....」....「哩個model 原本無眉架....」「真架??你幫佢劃呀??幾靚wor....我唔識劃眉....」....「等我教你啦.....(望下隻豹條眉)車....你都無修眉...要修左至晝得靚架....」.....

染完之後.....「想點剪呀??」「修下算啦, 同埋都係要肥呀....」....「喂呀...快d去修下你條眉呀...靚好多架....」做咩o者....o甘人地之前留蔭睇唔到條眉ma....「不如你幫我修啦.....」「今日唔得閒呀.....」車.........

坐左兩個幾鍾, 終於都肥完, 阿彼德都仲係唔放過我.....「真架...信我啦...去修眉啦, 修左就靚晒架啦.....」做咩wor......講到人地丫嗚婆o甘.....>.<

攪惦晒都成八點幾...鬼死o甘肚餓, 即刻豹o甘腳返屋企食飯...行行下見到多多....麵包店, 隻豹腳又不受控制o甘行左入去....「唔該比半磅曲奇我呀!」「一磅底d呀!」「o甘要一磅啦唔該...」(哩d咪就係c9格lor)....隻豹好鍾意食多多曲奇架, 鍾意佢夠鬆化, 不過佢有成十幾款, 其中有四款隻豹覺得係最好味架最鬆化架, 特別係一隻朱古力圓型既, 有d朱古碎係入面, 同埋一隻格仔既, 咬落有d杏仁片o甘, 好味!!!

星期日, 無所事事, 同鍾斯係屋企整鹽焗雞亦, 都幾好味, 但我都係鍾意蜜糖雞亦多D....

三戰tiramisu, 開始有ｄ悶啦.....要諗下下次整咩好呢...

跟住兩隻野悶悶地又想出街食就出左cwb行, 諗住去食壽司, 點知5點幾路過峰已經見到排緊隊....好癲o者....諗諗下星期日過ifc間千兩可能無o甘多人, 講左o甘耐隻豹都未試過, 就搭丁丁過去睇下, 6點半過到去, 都要等十幾張呀, 間野好細, 等左半個鐘....見到幾多日本人食wor, 鍾斯之前食過, 話d野真係幾得

我覺得野食係得架, 金槍魚腩, 吞拿魚, 海膽都好新鮮, 但係選擇好少lor, 對我地d大食精黎講, 食食下都幾悶, 黎黎去去都係o個d, 地點對我黎講又唔多就腳, 應該都唔會成日黎幫襯lu。

以家個個星期六都要返工, 但其實星期六返左個個都無心機做野, 今朝返到黎成朝都無做過野, 坐到十二點已經悶到想打人.....

頂唔住叫埋angel一齊蛇出去行下, 見到好多都出左秋裝啦, 但我地要忍忍忍, 唔買住.....但都係買左好多零食

跟住行過玩具店又見到想要好耐既鴨仔, 好得意呀, 一套有5隻, 一家大細, 隻隻都唔同表情架, 仲無花面貓, 好靚仔....

然後約左小玉同心一齊食lunch, 點知曾生又一齊黎, 本來都無所謂, 但佢竟然帶埋個cheap精秘書黎, 我一見佢已經心口作悶勁唔開胃, 唔想聽到佢把死人聲, 兩句唔埋佢真係又係到sale野, 我同angel即時打晒眼色拿拿林食埋閃人, 望都費鬼事望佢, 同哩d八婆食飯真係食左都唔方會生肉, 晒晒我個豬扒飯, 哼哼哼!!!!!  

駱話我就係哩d態度唔得人鍾意, 成日得罪晒d「米飯班主」.....

拿拿拿, o甘講就真係唔岩啦, 我既米飯班主係我自己, 我每日9點就返黎坐係到, 附出我既時間心機勞力, 唔係同佢乞架, 都唔係白逗人工架, 心情好時見到佢哩d賤精咪整個皮笑肉不笑既笑容過佢lor, 已經算係豪左比佢架啦, 我黎做野架咋, 出份o甘既糧唔係以為我會奶佢鞋低呀化(仲要唔係佢出比我),  無叫佢死開都係因為我仲叫做有教養咋