星期日, 好累, 唔想出街, 於是同鍾斯一齊係屋企整焗蜜糖雞亦...

雖然焗雞亦真係無咩難度, 但今次鍾斯激贊, 好開心....

今日星期六, 一個二個都話想放, 好, go go go, 等我自己返工, 你地去反得開心d啦

如是者自己一個係公司無所事事(實情係有野做不過唔想做), 等到5點, 鍾斯打比我話已經放學, 即收工, 呵呵

點知落到去淘大, 無啦啦勁大雨, 仲要係橫風橫雨, 唔洗3分鐘, 我心口對下都濕晒, o個下真係勁噪lor....如果唔係鍾斯已經出左去, 真係好想返屋企....

出到去無咩心機, 6點3見有d肚餓, o甘早諗住去板前應該唔洗等啦....點知都等左成粒鍾!!!!!不過呢, 今次真係好味過上次同熊熊係cwb食wor

食完飯無咩野想睇, 就搵下有咩零食啦, 結果買左一堆百力支....真係一堆架, 哈哈

再去百佳逛逛, 嘩嘩!!!!終於見到我想要既Haagen-Dazs香檳士多啤梨啦, 百佳買真係低好多....

尋晚返到屋企, 食飽飽之後睇電視, 聽到e麵話自己最叻整餐蛋面....於是, 成晚餐蛋麵三個字就係我腦入面揮之不去....

無奈係當時真真飽到頂住, 唯有去訓一訓先....一訓就訓到成十一點, 起身之後又諗起餐蛋麵....終於就忍唔住入廚房睇下有無午餐肉啦...

yeah....有呀有呀.....有蛋有丁麵有午餐肉, 呵呵, 可以食到啦, 立即行動為自己煮一個美味既餐蛋麵...

食飽飽之後, 覺得好似差左d野, 於是又搵下有咩凍野飲....見到雪櫃有多多....飲埋之後....好滿足....

今日係公司, 依然係滿腦子想食既野, 好想食雙層芝士漢堡, 好想食厚厚既午餐肉芝士三文冶, 好想食焗蜜糖雞亦, 好想食一碗辣到想講粗口既公仔麵, 好想食一大盒dreyer's既香草雪糕, 分別加係氣水, 咖啡同綠茶上面, 一次食晒一盒都唔覺漏......

結果下午食唔到辣辣公仔麵, 因為顏姐整左雞肉米粉比我食....跟住再買左午餐肉同我至愛既芝士包, 諗住加埋應該好味, 點知個午餐肉好q難食....未夠4點, 再同angel去買埋雪糕同可樂....真係好鬼飽....

都話左唔開心真係好肥架啦.....

怱然好想恨恨地病一場, 任由自己的軟弱與無力, 什麼也不顧....

仲話要食減肥餐wor....結果哩排狂隧雪糕lor...係公司都要買盒大既食完唔夠仲要返屋再食....哈哈....

近期至愛Haagen-Dazs既限量版Strawberries & Marc de Champagne, 佢似我以前既另一至愛Strawberries, 但無o甘甜之外仲有淡淡既香檳味, 好味!!但我聽聞百佳做特價, 一盒有九折, 兩盒再平多d, 三盒就送多一盒, 計返係三十幾蚊一盒....但我搵遍屋企公司附近既百佳7仔都係....無!!!!最後唯有去到Haagen-Dazs買, 九折左六十三蚊, 食唔到兩日...但仍然係每次都滿心期待o甘去買, 深怕去到會無左, 買到之後就心滿意足o甘奉返屋企...

另一近期既至愛係walls既雪糕蛋撻, 外層係脆脆既朱古力皮, 入面係滑滑既雪糕, 一盒6個, 一晚就食晒....

情緒指數及EQ指數持續維持係低位, 最近個人脾氣真係好暴燥....可能真係因為太熱啦(明明一日廿四小時有廿二個鍾係冷氣地方)

朝朝等的士望住個錶8點11已經等左3個未都仲未有車幾乎係搭地鐵都到左時, 個心就不斷爆粗+如果有人想打佔既話就送一個凌厲既怒啤....真係你有壓力我有壓力...信我, 我都好想做個禮讓既香港人...

每日同賤賓佢地講電話, 佢地假到爆時我又假到爆...

「有咩問題打比我啦, 我會即刻過黎...」(但我4號話你知有問題你到24號耍足我20日先肯過黎....)

「係啦係啦, 有咩問題就再搵你地啦, 唔該晒唔該晒, 等我送你上(路)...errr出門口啦...」妖, 連我都要假到o甘~

今日同瑪迪迪MSN, 無啦啦都鬧交, 不過算啦, 唉~

好想靜一靜, 好想靜靜地消失係世上, 最後灰飛煙滅...

如果可以....好想從來無存在過...從來都無我...