| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 10 月 29 日 星期日  |
| 濕濟公園 |
分類: 未分類 |
今日係公司一年一度既秋季旅行, 雖然話係秋季, 但其實仲係好熱....
一早八點就要返到公司集合, 仲早過平時返工呀無陰公....
八點半準時開車, 第一個景點係馬料水既科技園, 真係唔知有咩好睇, 雖然有導遊導賞, 但隻豹又點會有心機去睇哩d野丫, 於是就同小玉angel達達靚太搵左個位坐低等上車.....
跟住就去流浮山食海鮮, 跟團食既當然唔好諗住會食得好豪啦, 叫做有蝦有魚有炸生豪有鮑魚仔o甘都ok啦, 食完飯見d人急急腳去買海味, 本來隻豹都諗住去行下, 點知一出到去, 嘩, 晒到丫......仲熱過平時78月lor, 都係唔好搵d o甘既野黎玩, 行埋一邊等上車算啦....
食飽飽後就去濕地公園, 一落車, 真係好想問下濕地公園係咪全hk最接近個太陽既地方呀, 邊有晒成o甘架.......見到個太陽已經覺得自己溶緊lor.....快快行入d室內地方, 等d人散左, 完來想去大家樂坐下....點知跟本唔可能有位lor.....o甘一場黎到諗住去睇下貝貝啦, 點知出到去阿管理員哥哥話wor, 阿貝貝返左房訓覺無得睇wor.....貝貝緊係諗, 費鬼事同你班人傻, 大熱天時緊係返房涼冷氣訓下覺啦.....
貝貝睇唔到, 出面又熱到癲, 唔好講笑, 都係搵地方坐下算, 於是就同angel達達搵左舍隱閉既位坐啦, 坐係到無所事事, 達達就比份報紙我地睇, 點知睇下睇下.....隻豹就訓著左....訓左成半粒鐘, 一札醒, 見到顏姐發現左我地哩埋訓, 好掉價呀!!!!!!!!!!
望下錶仲有成粒鍾至走得, o甘坐落去真係唔係辦法, 比人見到隻豹周圍訓點得架.....唔得o甘頹廢, 都係去大家樂食個tea, 食完就岩岩好夠鍾上車啦......
返到去鍾斯黎接隻豹, 佢問濕濟公園好唔好玩wor......隻豹去到訓左一覺同食左個tea, 幾o甘好玩呢!!
|
| 2006 年 10 月 28 日 星期六 |
| 越黎越放肆.... |
分類: 未分類 |
星期六, 老細無返, 又係我地作反既好時機....
十二點幾, angel, 靚太同隻豹就開始出去行街.....行到3點幾行爛左個九龍灣之後返到公司, 再叫小玉車我地出荃灣行......行到差唔多6點小玉再黎接我地返公司收工.....
行左一日靚太仲係意猶未盡, 想隻豹陪佢繼續shopping, 但隻豹星期六要陪鍾斯架ma........結果, 咪又係鍾斯陪我地shopping lor...今次我地去cwb, 鍾斯好可憐呀, 每次我地睇野佢都係門口等, 但要知道星期六既cwb真係超級多人, 佢要企係到等都唔係一件容易既事, 不斷比人推黎推去, 攪到隻豹見到都好唔忍心同埋驚佢會發脾四........好彩最後到無........就o甘一直行到11點幾, 行到腳都跛埋.......
連續兩個星期都係o甘, 好似好過份......所以隻豹都決定收手啦, 聽日陪返鍾斯去睇佢好想睇既World Trade Center。 |
| 2006 年 10 月 27 日 星期五 |
| 一公升眼淚 |
分類: 未分類 |
一直聽人話一公升眼淚好睇, 但隻豹一直都無諗過要睇....
因為好怕睇d喊苦喊忽既戲, 好怕人睇電視都睇到一面眼淚鼻涕, 我家既豹媽就係一個睇真情都可以自己一個對住部電視哭成淚人既傻婆肥c奶, 每次都會被隻豹恥笑一番....所以好怕承認自己其實都係一個o甘既人, 覺得好掉價......
電視以家逢星期日晚都會播一公升眼哭, 隻豹有晚一個唔覺意睇左少少.....發覺個女仔好靚女wor!!!佢阿媽都好靚wor!!!!就係o甘開始上網搵下有無得睇啦......點知唔睇好地地, 一睇......洗唔洗慘成o甘呀, 邊有病o甘慘架, 仲要個女主角o甘後生o甘靚, 真係慘多兩錢lor....結果, 隻豹咪變左個一路對住部電腦, 一路飲住豹媽煲既老火湯, 一路喊到鼻水都流埋lor........不過睇到一半都真係頂唔緊自己成個白痴o甘, 所以睇到第七集就睇埋個結局就算lu。
|
| 2006 年 10 月 25 日 星期三 |
| 化神奇為腐朽..... |
分類: 未分類 |
自從隻豹無啦啦走去穿多兩個耳洞之後, 自自然然好想買耳環.....
如果有留意既都會知隻豹係絕少戴飾物, 原因唔係隻豹唔喜歡, 其實係因為自知自己天生就係一個娘爆樣 , 絕對係可以化神奇為腐朽, 明明見人地戴得好型既野, 放係隻豹身上都會變得勁娘 .....見人地耳仔上既圈圈耳環好靚, 自己去睇, 一併埋自己到都會忍唔住爆句「啋...成個舞女o甘....真係該煨...」....
今年買左好多黑色衫, 見一街都係d好大串既鍊襯黑色衫應該好靚, 方太又話想買鍊襯衫, 於是今日就相約一齊去睇下........
結果行到腳都跛, 明明一街都係一串二串, 見方太已經睇岩好幾條, 但就係搵唔到一條係隻豹身上覺得會唔娘既.....唯有認命啦。
|
| 2006 年 10 月 23 日 星期一 |
| 意外... |
分類: 未分類 |
今朝一返黎angel就同隻豹呻尋日同男朋友shopping攪到鬧晒交, 哈哈....為左安撫佢隻豹決定收工同佢再行過<<<隻豹真係好好人屎呀^0^
下午同劉多msn, 佢買左件飲衫send左張相比隻豹睇, 問隻豹點襯好.....但睇相好難睇wor , 最後決定今晚安撫完angel再上劉多屋企玩.....
收工後同angel兩隻野急急腳入將軍澳, 隻豹好心有好報 , 安撫angel同時自己都一袋二袋, 仲買左條好鬼死sexy既飲裙....買完野就急急上多多屋企睇下佢買左d咩鬼野啦.....
點知佢隻熊仔一見隻豹就興奮到失控.....
跟住一輪左試右試, 豹見多姐條裙好靚靚又試下....點知...點知.....唉唉唉........
結果攪到多多好不安.......隻豹都唔知點算......唯有賤格都要做一次啦......聽日豹多齊齊賤一次......
|
« | 10 | 11 | 12 | 13 | 14 | 15 | 16 | 17 | 18 | 19 | ... | 35 | »
|
