今日唔想出街, 就同鍾斯係屋企玩煮飯啦....

第一次整左個tiramisu, 味道都ok既, 但因為我想整兩層手指餅, 但個咖啡唔係好夠, 所以第二層手指餅唔夠濕呀, 一定要再試多次~!!!

跟住再整左個醉雞亦, 雖然無咩難度, 但我覺得雞亦煮耐左少少, 如果唔係d肉應該會滑d, 不過鍾斯都話好味架, 哈哈<<<佢都唔敢話唔好味啦, 哇哈哈~~

下午就同鍾斯一齊去買送, 今次要向難度挑戰, 整鐘斯喜歡既咕嚕肉, 蒸大白鱔, 煮多個豆腐同炒個菜。

買完送都成5點啦, 即刻又洗又切, 跟住醃醃醃, 炸炸炸.....已經身水身汗....

個咕嚕肉同鱔都係第一次整, 咕嚕肉係因為鍾斯鐘意食所以學下點整, 對我黎講都幾煩覆架, 都有d雞手鴨腳, 但整完出黎鍾斯激贊, 話好好味呀, 哈哈哈, 我都覺得真係好食wor, 呵呵呵呵....

個鱔就因為上次睇美女廚房, 蘇玉華整左個個都話好得好得....我諗都應該唔係好難o者, 咪試下lor....我覺得自己哩個都見得人架, 好味<<<<不斷自己贊自己, 哇哈哈哈~~

聽熊熊話紅螞蟻既心太軟惦, 今日就同鍾斯再去無咩好感既紅螞蟻試下....

今次我地叫左東坡肉酸辣米線, 芝士汁焗火腿意粉, 凍既茄子, 巴拿馬火腿大蝦沙律同埋.....古古力梳乎里<<<最後見到有梳乎里又想試, 因為係兩人份, 所以無試到心太軟, 野食都係麻麻, 相信又會有一段長時間唔會再去啦。

哩排完全無咩心機行街, 食完飯去左兜巴星坐左陣, 跟住去吉之島, 見到有巴斯光年個電筒仔扭蛋, 好靚靚呀.....但永遠都係想要o個個就扭唔到o個個, 我扭到個牛女咋, 下次再努力。

返屋企時陪鐘斯去襟錢, 排隊時見到個女仔羅住o個個巴斯光年電筒仔, 我咪即刻話比鍾斯知叫佢睇下lor, 點知比個女仔發現左我地望佢(其實我地都係望巴斯光年咋ma, 邊有望佢o者), 佢用d唔多友善既目光望住我地

襟完錢就落返樓下走啦.....我咪一路行一路攞我個扭蛋出黎拆開睇下lor, 點知又迎面撞返頭先個女仔wor, 佢望一望我手上既牛女, 跟住就攞手上個巴斯出黎係我面前fing呀, 仲要加多個勝利既笑容!!!!

哼哼哼~!!!!!!!!好叻咩, 遲早我都會扭到個巴斯架~!!!!!!

哩幾日既天氣熱到人都癲, 每日我同angel都係到爭扎出唔出去食lunch....但要知道我公司方圓百里都係得間唔多好食既茶餐廳同一間seven, 跟住就要行十分鐘先到既淘大有野食....

今日個太陽恨恨地晒, 我同angel十一點就開始爭扎出唔出去食好, 到差唔多一點, 決定去seven望下有咩食得落肚....但望完都係發覺無野好食, 就決定出去食啦....

點知....一步出seven, 就見到老細, 曾生, 嘉菲同尹生.....係尹生呀!!!佢落親黎都請我地食飯架....佢地行左去啦.....

我同angel眼白白望住佢地行左去....只能夠望住佢地既背影講:你地留低左野呀......你地留低左隻豹呀....嗚嗚.....

跟住我同angel決定去百佳買定d糧食, o甘就可以唔洗行都有得食啦....

兩個為食既人一齊去買野食真係特別開心, 去到百佳, 有泰國食品展銷同埋印度薄餅, 我地緊係要八下啦....「試唔試下個蔥油餅呀, 好正架小姐」「係wor, 好好味wor, 仲有咩味呀?」「有o甘多o甘多味啦, 哩隻o個隻都好味架」「o甘呀...我地要哩隻o個隻啦...」.....「嘩....哩隻泰國米粉好好味架, 買啦買啦」「靚女, 哩隻o個隻都好好味架,你地試唔試下呀....」「真係o甘好味??好啦, 我地要哩包o個包同o個o個o個包丫唔該....」.....「好啦好啦, 要停啦, 再買我地兩個羅唔到返去架啦....」.....

返到公司即刻塞爆左個雪糕...至發現之前買左雪糕未食晒同埋有支果汁都仲未飲, 拿拿林羅出黎飲埋佢....好好味架!!!

明明兩個為食精都話個lunch食到好頂, 但無啦啦又會講起大班出左榴槤月餅, 隻豹係d一諗起想食就要即刻食既人, 於是就緊係叫達達去bank時買埋返黎試, 叫佢順便睇下仲有咩新味都買埋....因為隻豹要試下邊隻好味至買比鍾斯屋企o甘話<<<係咪好合理呢~

最後試左榴槤, 楊支金露同埋芒果味, 我同angel都覺得榴槤係最好味架~!!!

今日同老細慶祝生日, lunch一齊去左飲茶。跟住再去買cake, 諗起櫃入面仲有兩支唔記得係幾時飲剩既紅酒未開, 於是就羅埋出黎開埋佢....好攪笑, 因為小玉都係9月生日, 於是老細吹蠟燭時又捉住佢一齊吹, 跟住切蛋糕又一齊切....兩個男人一齊切蛋糕, 我覺得個晝面好好笑呀, 咪大叫佢地黎多個合緊交杯lor....哈哈哈....

死啦, 唔知係咪真係好耐無飲過酒, 飲左少少已經有d暈, 照下鏡見到自己變左馬騮紙筆tim.....

收工約左多熊比食譚仔記雲南米線, 今次我地決定去旺角o個間。

6點9出到旺角, 熱到癲呀..... join左熊熊, 多同比去左修眉, 我地就開始搵下見唔見間譚仔啦, 行左一條街個人已經溶左, 熊熊又話好肚餓, 於是我地就去食串魚蛋先, 食完仲熱, 頂唔住啦, 搵間seven食下雪糕至得。

食完雪糕, 打比多同比, 點知佢地仲等緊修眉, 我同熊熊唔想係條街到熱死, 於是就去飲反杯珍珠奶茶涼下先, o甘緊係唔會只係奶茶啦, 哈哈....我地完本叫左咩咩雞pizza, 點知賣晒, 再叫咩咩腸pizza....都係賣晒(&#*(7點零就咩都賣晒就好收檔啦)...最後得返個咩3色pizza仔, 就試下啦, 再加多個燒章魚丸。個3色pizza好難食lor, 跟本3個都一樣味, 感覺就係3個格夜麵包丁返熱比我地食

食完就打比鍾斯, 叫佢幫我地上網睇下間譚仔到低係邊, 點知原來旺角無wor, 得佐敦同tst有, 於是我地就決定等埋多比就一齊落tst o個間。

去到譚仔, 米線有麻辣同酸辣, 麻辣有大中小辣分, 於是比要左大麻辣, 熊要左中麻辣, 多要小麻辣, 我就要左酸辣, 再加個雞亦。我自己就覺得雲貴川好味d。

食完米線, 又好想食cake, 但諗唔到tst邊到有cake好味, 最後都係去返上次去過, 上樓飲花茶o個間。

上到去坐低叫左野, 格離有台十幾個人, 嘈到癲, 係嘈到我同坐我則邊既多多講野都聽唔到, 真係好討厭

大家都好無奈, o個班人一時拍手一時大叫一時仲要唱埋歌, 我地就已經嘈到頭痛加耳鳴....

好辛苦先捱到佢地埋單走, 點知佢地仲要論住去廁所, 又嘈左半個幾鐘, 結果到佢地真係走時...我地都走啦....

比人話我既日記唔係買野就係食.....矛錯, 哩d就係我既生活啦, 呵呵呵呵~

今日msn同p講起芝士餅, 我即刻諗起有隻細細粒一啖一粒既芝士餅仔好好味.....頓時又好想食啦。

收工就去百佳搵下啦, 行下行下, 諗起聽日放假無咩好做, 要係屋企好好休息(即係食同訓啦)....o甘緊係要買定d野食架ma, 呵呵呵呵