身邊既人真係對隻豹太好啦, 每次隻豹話要減肥既時候, 大家都會話:你都唔肥......

隻豹一直信以為真, 以為自己真係唔肥, 直至尋日.....

一隻c9 look既豹收工約左A小姐去又一城放血, 去到見到新開既屈人寺好大間, 於是入去八掛下啦.....睇睇下, 有個BA行埋黎.....

BA: E...小姐呀...你係咪有左BB呀?

豹:下....係呀......<<<<<o甘佢o甘問隻豹, 叫人點答wor, 唔通話哩個唔係BB呀, 係肚腩仔咋....>.<

BA:你可以試下哩樣哩樣丫...哩樣個樣都好岩你用架, 懷孕期間因為荷爾蒙既轉變會產生色斑......

豹:哦.....唔怪得哩排好似真係多左斑啦....

BA:係呀....你個係仔定女呀??<<<<佢覺得個豹肚已經去到睇到知道係仔定女既地步...

豹:我有左四個月咋, 未知係仔定女.....

BA:如果係仔呢, 皮膚會明顯差D架....真架....我都係岩岩生完, 我個BB以家5個月大咋....

.

.

.

睇睇下隻豹諗起佢地新出左隻減肥野, 於是想睇下啦, 一拎起支野....

BA:其實你都要開始搽架啦....

豹:有BB都可以既咩??

BA:可以, 搽肚下面, 仲有哩樹個樹, o甘o甘o甘搽.....真係要搽架, 唔搽你生完一定後悔呀!!!

.

.

.

個BA其實幾好人架, 佢真係關心隻豹同豹肚入面個"BB"架.....

哩幾日個太陽都好靚呀, 好想同陽光玩遊戲呀......

「豹, 你有無睇下今年既運程呀??」

「睇過下啦, 我好似幾好ma, 唔記得左你點....」

「我緊係得啦....財色兼收!」

．　

．　

．

洗唔洗風so成o甘呀.......= =" 

話說前幾日病一病, 一著對boot時覺得小腿位鬆左, 不禁一路行一路偷笑....

點知唔夠兩日, 尋日返到公司一換衫, 點解腰位好似緊左架???點解大比位都貼左架????點解...???無理由肥左架...唔通我著錯衫???平時套衫明明鬆架ma!!!!!再除反出黎望下套衫真係有我個名架bor....點解會o甘架????

今日再著對boot, 平日有小小鬆既小腿位差d逼爆, 直情有少少好似休唔到最上既感覺????點解會o甘架??????

雖則有時我係會有少少水腫, 都未試過o甘架wor!!!!!!

好驚, 即刻上磅, 無啦啦比平時仲要重左4-5磅!!!真係肥左????無啦啦點會o甘快肥左?????

好驚驚呀....