今朝一早隻豹去左見工......o個度係銅鑼灣同灣仔之間, 隻豹搭地鐵再行過去, 去到已經身水身汗....

可能太耐無見過工啦, 好鬼緊張, 講野幾乎口都震埋, 好多之前諗定要講既野都無講到.....

有d唔開心, 覺得自己好無用!!!唉.....

見完就算啦, 唔想諗o甘多啦, 出到黎依然係勁晒+勁熱, 原本想去搵熊熊食lunch, 但o個時十一點都未夠, 自己一個人好無心機, 都係早d返公司算啦......最後買左半打doughunts返公司同angel兩份食, 多左幾款新味呀, 好味!!!

今朝一返黎, 發現無喊水.....完來尋晚爆獲。

跟住嘉菲比d的士單我, 我望下個時間, 完來尋晚佢兩點幾返左黎, 覺得佢好慘.......

跟住佢叫我問下直鎖幾點開門, 搵個人去買個風筒返黎唔知吹咩.....搵個人去買你o甘位高權重自己唔去搵, 我搵邊個呀??叫個文員去買呀??

即係叫我去買呀, ok, 奴婢11點落去買lor....

11點出去前angel用一個憂恕既眼神望住我.....「係咪想一齊去呀, 行啦, 買埋野食返黎lunch唔洗再落去....」

買完風筒後我地見有o者哩杯賣, 諗起上次同嘉菲一齊買左野話整芒果布甸比佢食仲未整, 於是又買左諗住星期六整。

跟住再買埋飯盒返到黎11點9, 比隻嘉菲話我地買少少野都兩個人去, 買o甘多野返黎....

比佢話完好鬼嬲, 再見到佢d的士單, 覺得好抵佢死, 呵呵~

一朝唔想同佢講野, lunch時佢走黎問我地「食唔食飯呀??」

今日到我鞋口鞋面「我食飯盒呀...」「飯盒??你食華星呀?!!」「.....」都費鬼事望佢。

(係呀, 食華星都唔同你個死人頭食呀!!!!)

好鬱悶下買左哈根大既限量版Hazelunt, 食落好香榛子味, 好味!!!

但食食下又好掛住尋晚同鍾斯係發記食既榴槤o者哩........

今朝頂左嘉菲幾句, 本來都無野, 但佢唔知係咪唔鍾意我係o甘多人面前頂佢, 之後氣氛怪怪o甘.....

見差唔多lunch咪問下佢一唔一齊食lor, 死野扮晒野唔出聲仲自己行左去, 超, 好叻呀?!!我自己食會食唔落呀??!!

同angel一齊出去食食完悶悶的, 去左百佳買左一袋二袋返公司再食過。

都話心情唔好好肥架啦!!!死人頭!!!

返到公司悶氣依然未消, 哩d時候最好唔好有人唔識死走黎野我.....

係我鞋口鞋面行出行入時潘潘古古惑惑o甘叫我, 以為咩事....點知...原來佢工人又整左cake.....呵呵呵....食完個cake心情戀算好返d....

今日約好多氏姐妹再去嬉水, 唔知點解, 整日既心情都好期待, 就好似細個時媽咪話聽日帶你去荔園o甘既心情.........

收工前約好多多一齊係九龍灣等, 未夠鐘就閃左去接佢.....

今日天氣比上次熱, 多左人, 但我地一樣係搵到個位就努力運動我地既身體......經過一個鍾既努力, 果然係一上水就覺得自己又fit左, 呵呵~

嬉完水我地又同上次一樣, 慢慢散步返去, 沿途我地諗到抵我地衰咩會攪到o甘肥........我諗.....我係衰年老......

今次我地路過聰嫂都過其門而不入, 因為, 我地既目標係movenpick......

為左賀劉多多買左新既性感泳衣, 今日多多, 多姐同隻豹今年終於落水啦。

收工之後我地一齊去左食大快活, 隻豹本來好想食焗精精飯, 但為左消滅死肥豬, 都係決定同多姐一樣食越南湯河.........但有人境然係我地面前又湯又飯又燒味.......

食飽飽3隻野連熱身都無人諗過要做就落左水......緊係啦, 3個都唔識游水。

但唔好以為我地唔識游水就只係去浸水, 我地都好多野玩架, 水中賽跑, 踢腿都好攰架.......玩玩下見到個月亮又要許願, 幾忙呀........一個鐘話o甘快就過去, 我地約定左以後一個星期要玩兩日......

我已經預感到我地3個會變得好fit啦......哈哈哈...

玩完水出黎行過聰嫂......大家既腳步都不期然停左落黎....哈哈哈.....