| «‹ July 2017 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
2007 年 5 月 26 日 星期六  |
| 我係死肥豬 |
分類: 未分類 |
落左成個星期雨, 今日總算見返個太陽.....
因為條街太危險, 行個圈都會唔見錢, 隻豹已經窮途末路 , 真係要諗下有咩地方唔洗點洗錢又可以打發時間。
又因為隻豹唔知食錯咩攪到基因異變, 完全變態成一隻死肥豬, 前幾日成30幾度, 每日照鏡望住一隻著背心既死肥豬, 好抑鬱.......就係O甘再進化成一隻抑鬱既死肥豬......
因為上述幾個原因, 抑鬱既死肥豬決定今日同鍾斯一齊去游水!!!!
本來已經決定左, 鍾斯亦都帶備左泳衣出門接隻豹.......
就係哩個時候, 車里子小姐搵隻豹......
「我有兩張免費飛睇魔盜王呀, 你兩個得唔得閒睇呀??」
「邊樹睇呀??幾時呀??」
「今晚6點9 係IFC呀, 仲有炮谷同汽水送........」
「好呀好呀.........」
唔通隻豹真係注定繼續做一隻抑鬱既死肥豬......
|
2007 年 5 月 22 日 星期二  |
| 灰...... |
分類: 未分類 |
哩兩曰既心情, 同天色一樣..........係深灰色.......
|
| 2007 年 5 月 17 日 星期四 |
| 努力修身 |
分類: 未分類 |
朋友都話我唔肥, 同事都話我係一碌竹, 瑪迪上年返黎時更加恨恨地話我係「瘦得好醜, 瘦到似有病」......
但自己知自己事, 我樣瘦, 身瘦, 鎖骨好現, 幸運地點肥都唔算大肚腩, 所以比人感覺就係好瘦....
但我一肥就係肥晒四肢, ok, 我唔肥, 但手粗腳粗lor~!!
話晒都算係快將30既中女, 過左25歲以後, 從前傳說中既眼袋, 眼紋, 斑, 浮腫....已經一一黎左報到。
年輕既時候冬天肥左, 夏天就自然會瘦返....
但哩兩年, 大腿靜靜o甘每年粗半吋, 兩年就已經粗左一吋....手臂既肉亦都長左出黎就點都修唔返....明明已經比人話骨瘦如柴, 唔明肥左係邊, 但我自己知有d位置就係點都瘦唔返....
上個月, 不知所措下去左clarins, 買左搽手既搽腳既搽....然後就捧返屋企每晚沖完涼就哩係廁所摔摔摔....
3個星期下黎, 磅數無輕到, 吋數亦都未見有減到, 但沖涼時摸摸自己既手腳, 感覺好左, 好似無o甘浮腫, 以前每到下午就嚴重腳腫既問題亦都可能透過按摩有所收善....
尋日收工時再去clarins拎試用既旅行裝, 見body lift出左孖裝幾抵又買左兩支....
同事都好關心我用左既效果好唔好....其實我只係相信, 日子有功, 再過多幾年, 有做到野係一定會比咩都唔做好....好好照顧自己既身體, 我諗o甘樣就係對自己好一d既其中一種方式....
|
| 2007 年 5 月 16 日 星期三 |
| 令人討厭的松子的一生 |
分類: 未分類 |
「即使被討厭，也不要一個人寂寞！這樣的我，錯了嗎？」
「川尻松子，既是鄰居口中『令人討厭的松子』，也是朋友口中『勇敢求愛的松子』，莫名其妙地匆匆結束了五十三年的人生後，透過姪子阿笙探訪松子的舊友，松子一生的故事也逐漸成形……
從中學 老師意外變為土耳其浴的紅牌，松子挑選男人的差勁眼光卻依然沒有改進，被小白臉壓榨欺騙，讓松子犯下了滔天大錯，好不容易終於遇到善良的理髮師島津，無奈過去卻如影隨形，人終究要為自己的行為付出代價，松子黯然入獄。不料出獄之後，松子又遇上了那個改變自己一生的男人，兩人竟一同墜入了無盡的深淵……」
岩岩睇完「令人討厭的松子的一生」, 睇到額角幾乎滲出冷汗....
我唔認同松子既所謂「勇敢求愛」, 「在愛與被愛之間的選擇一再出錯，令人討厭的到底是松子，還是那荒誕的一生？」但當荒誕既一生都係自己既選舉, 自己一手造成.....我唔認為松子令人討厭, 但人總要承擔自己既選擇....
寂寞故然難耐, 但生命太多機會出軌, 遇上錯既人發展錯既關係, 一個唔覺意已經返唔到轉頭, 所以請唔好怪我每一步都小心翼翼, 步步為營....
係從前弧單既日子, 我已經下定決心, 如果生命中注定再無人愛我, 我就自己愛死自己, 如果再無人錫我, 我就要自己鍚燶自己, 如果再無人縱我, 我就更加要自己縱壞自己....
|
| 2007 年 5 月 15 日 星期二 |
| 又失禮人啦..... |
分類: 未分類 |
話說隻豹係公司係附負打雜, 即係包括大家一齊出去食飯時諗去邊度食訂位叫野食找數.....
今日十一點幾吳生黎左, 一見到佢隻豹就同angel好cheap o甘係到諗今日餐飯應該有著落....
十二點老細就叫隻豹book定中國坊.....未夠十二點半就趕左隻豹去叫定野食先....老細話wor, 同"o個日"差o甘上下wor....
又話說我地向來同中國坊私交甚篤, 一去到坐底阿大廚就出黎問下我地預算幾多想食咩啦, o甘上星期(即係老細話既"o個日")尹生同我地去左龍皇食左二千幾, o甘隻豹咪話二千樓下lor.....o甘大廚就話十個人食二千不如食好少少叫個2180餐有火瞳翅食, 再同我地加加加, 改改改.....再送咩咩咩...再睇下可唔可以幫我地做全包....(個2180餐係熟人先有架)
落左單之後大家都黎到啦, 完本以為有11個人, 點知完來今日達達同步步高都放左假.....算啦, 隻豹匯報比老細知叫左個2180啦...老細即刻登大眼話:2180??我諗住同上次去大榮華差一千o甘上下.....(原來佢講既"o個日"係同吳生去大榮華....= =")
o甘吳生當然係話無咩所謂啦, 但隻豹當堂覺得好似搽左面朦糕o甘....
阿大廚又鬼死o甘客氣, 每樣野都幫我地加到有o甘大得o甘大, 食左4個冷盤同第一味之後已經有d飽...= ="
真係好想話, 不如個翅留返今晚再黎食.....
食食下, 吳生講起年尾個仔結婚, o甘我地就緊係話要請埋我地啦.....
嘉菲: 等我可以識下d姊妹ma....
吳生: 豹小姐, 等我又介紹下d兄弟你識.....
老細: 你要介紹佢, 點都要出黎食餐飯, 等佢叫野食, 睇下係咪真係頂得住佢先好攞去呀....
嘉菲: 真係好想知當初鍾斯識你時知唔知你係o甘....
老細: 我地真係要叫鍾斯出黎食餐飯....睇下佢點頂得你住.....
豹:............
.
.
.
心: o個條魚係咪我地架??
老細: 嘩, 你叫左條鯨魚呀??
豹: 咩呀....我叫左條斑仔之ma....差左啦, 上次我地食東星架....
老細: 你....你....你....哩條叫斑仔??!!淨係食塊面珠都飽啦.....
.
.
.
潘: d翅仲有好多呀, 邊個未添呀???
老細: 邊個未食第三碗好自動添啦下.....
.
.
.
結果埋單都係二千五o者, 其實真係好抵食架.......
*下面o個條菜乾型物體係翅, 潘潘話wor「下次係o甘e食餐飯得啦, 唔洗下下整梳翅既.....」
  
|
« | 5 | 6 | 7 | 8 | 9 | 10 | 11 | 12 | 13 | 14 | ... | 35 | »
|
