今日陪鍾斯去睇007, 講真其實隻豹對套戲都無咩期望, 都唔強求佢會有劇情, 但係呀, 無劇情都唔緊要, 但要阿007無啦啦去左賭錢, 仲要賭左好鬼耐, 又唔知佢賭緊咩鬼野, 我要睇賭錢就留係屋企睇苗喬偉啦, 起碼人地苗喬偉都靚仔過你007丫!!!無錯, 最嬲既唔係007去睹錢, 係點解搵個又老又醜既人做, 仲要好似有肚腩, 007唔係應該要瀟洒有型靚仔既咩, 真係嬲得我丫!!!

係007賭緊錢既時候, 隻豹覺得個地下有d震, 初初諗係因為戲院既音響大聲啦, 但震震下又覺唔對路, 因為係覺得由對腳開始覺得震....o甘套戲又唔多吸引仲要有d悶wor, 隻豹見得閒就胡思亂想架ma, 唔通地震??香港無地震架wor, 唔通出面發生咩事???會唔會火燭呢, 如果有咩事就死啦, 個戲院o甘鬼爆, 走起上黎除時會踩死人架wor.........諗完一輪睇完套戲出黎睇到新聞話台灣地震, 完來頭先真係地震呀!!!!!即刻同鍾斯講頭先係戲院感覺到震同埋諗左好多野啦, 但鍾斯話佢唔覺有震wor, 唉, 唯有話真係因為套戲悶到震~~~~~震lor!!!

今日本來係隻豹聖誕假期既第一日, 本來係約左兩隻小魔怪派聖誕禮物比佢地, 禮物亦都一早準備好....

但同尋日一樣, 訓左一日, 清醒既時間就係食野同食藥, 訓到4點幾, 依然係好攰加全身無力, 最後都係打比鍾斯話佢知都係去唔到....然後再昏迷...小魔怪既聖誕禮物只好變成新年禮物啦。

我同自己講, 只可以病埋今日, 我唔會訓足一個假期, 我聽日要同鍾斯北上!!!!!!!

尋晚約左多丁豆熊人比食飯, 收工時開始覺得喉嚨有d唔舒服, 自己知自己事, 通常喉嚨痛跟住就會大傷風, 傷風對隻豹黎講真係會羅命, 因為每次都要個幾星期至好得返.....真係好怕好怕自己會病, 因為返埋聽日就開始放假啦ma, 哩個時候點可以病既o者!!!!

出到去join左多比去勒勒比, 先叫左杯熱既柚子蜜比自己希望會好d.....但坐左兩個鍾已經開始唔惦, 開始勁想打乞次又打唔到加流鼻水....我知自己今次真係唔得架啦, 好唔甘心呀, 放假先黎病, 仲要一個二個都覺得我係炸病想唔返工.....

結果尋晚真係成晚流鼻水加抖唔到氣, 今日無返到工.....本來!!本來今日約左小玉同鍾斯一齊去冬季嘉年華!!!本來本來仲唔洗錢!!!!本來本來本來仲有80個金幣唔洗錢!!!!!!本來.....所有野都變左本來......

現實就係隻豹係屋企訓左一日, 起身就係食d野再食藥上下網眼皮已經好似千斤重, 訓到4點鍾斯打比隻豹話佢已經收工上左車黎緊睇隻豹一齊做節.....好唔想比佢見到自己個乞衣癲婆look, 再攰再無力都去沖左個涼洗左個頭換過套衫出去接佢順便去買d野食雜誌...不過, 我真係病到連句講野都會覺得好攰....

行左陣就返屋企做節, 食完飯仲係好想好想訓, 最後頂唔順睇埋8點半套西斯就趕走鐘斯再昏迷.....

真係好唔甘心呀.....我聽日一定要好返!!!!!!!!!

網友要結婚了, 看到她blog上只是一張invitation card的照片, 我已感動得幾乎要哭了....

很羨慕很感動, 羨慕的不是他兩要結婚, 而是他兩的感情....

他兩走在一起十年了, 她說她愛他, 對他的欣賞與仰慕, 是一天比一天的多.....

我與鍾斯走左一起快3年了, 會有10年嗎???10年很長嗎???那比起一輩子呢???

害怕承諾, 因為一直覺得愛情有expire day, 見過太多夫婦, 坐在一起吃一餐飯一個小時, 一句說話一個眼神接觸也沒有,(他們從前也曾拿著電話無無聊聊一輪bb豬豬也不願掛線吧); 見過一對夫婦, 女的一直喋喋不休埋怨著男的不是, 男的眼睛只盯著報紙一臉煩厭, (他們也曾經偷望對方的側面認定他/她是最適合自己的人吧);  有友人更是一直怨自己嫁錯郎, 但問她會離婚嗎, 她說會很沒面子很難向親友交待很不服氣很不甘心...., 看樣子真會怨個一生一世, 怨得忘了當初是怎樣結的婚...... 這樣的一紙婚書是承諾還是束博??誰又會希罕??

我不需要承諾, 不需要生生死死山盟海誓, 如果還愛我, 拖著我的手陪伴我一天一天的過就是了....

話說係好耐好耐之前, 係香港既某一個村莊, 入面住左一隻小小豹, 小小豹天生體弱多病, 氣管同腸胃都唔多好, 於是豹媽媽就成日都會燉哩樣燉o個樣比小小豹食, 希望小小豹可以健康強壯o甘成長.....

長大後既小小豹不負豹媽媽既期望, 長得肥c大隻, 珠圓玉潤, 個胃就更加強而有力, 強勁過人, 曾有「黑洞」既美譽....

早係兩年前, 隻豹就曾經同鍾斯, 方氏伉儷一齊去打邊邊, 後來佢地3個返到屋企都不約而同肚痛肚痾, 於是佢地就打比隻豹問佢有無事, 當時隻豹正在攬住包薯片睇緊電視, 回應曰:我無野wor.......

今日同同事一行十人一齊食lunch, 哩班人一走埋一齊食野就會食到癲.......食完後大家都各自做自己野......到左4點幾, 隻豹開始發現老細唔係位, o甘平日佢都成日失蹤架ma, 無理佢啦.....

跟住過左成個鐘, 差唔多收工, 有同事同隻豹講老細係廁所又痾又嘔, 還未來得及反應, angel同靚太都話想嘔, 另一同事亦都嘔起上黎.....初時隻豹仲諗你班野緊係食濟左啦, 嘔完就無事架啦, 平時叫你地有得食都唔好博老命架啦.....

一隻二隻嘔完出黎攤晒係到, 仲以為佢地嘔完就無野, 點知跟住仲嘔完一次又一次又又又唔知幾多次, 老細已經面青手青成個都青晒.....跟住連駱都話有事.....開始好擔心佢地係咪食物中毒, 洗唔洗報警送佢地去醫院呢....但哩d集體食物中毒係咪會上電視架???

嘔完一輪後佢地又開始肚痾....點算好呢, 惟有買住d寶廣力比佢地先再的佢地去睇e生......最後angel 男友仔黎左接佢走.....老細同靚太去格離睇醫生, 醫生話佢地o甘多個一齊o甘應該係食物中毒wor....但但但佢地食既野隻豹全部都有食wor.....

最後都係好唔放心佢地, 好彩有小玉車晒佢地返屋企......

但係....其實....係佢地開始嘔前十份鐘....隻豹已經又開始有d口痕想食野仲問緊angel食唔食tea....