| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 9 月 30 日 星期六  |
| 假期第二天 |
分類: 未分類 |
完本一早就計劃好今日同鍾斯北上....點知尋晚鍾斯特然同豹講佢妹個同事同女朋友係上面出左事, 個女仔仲死左 .....嚇到鍾斯同豹都極度不安, 決定唔再北上啦。
鍾斯話改同隻豹去澳門食下野, 但話去就去咩, 又遇著黃金周, 邊會有酒店丫.....
無得去時隻豹就更加想去, 好想去書城呀, 前兩日買左本"出走萬歲", 好鍾意佢d公仔呀, 知道"朵朵小語"都係佢晝既, 好想上去搵下有無呀.....好想去呀~~好想去呀~~~
訓醒左都仲係好想去, 想去想到唔怕死.....於是起身就打比鍾斯, 試探下佢, 要知道我家既鍾斯係一個超級安全隱陣派....佢似乎都仲係決心唔會去....
收左線, 仲係好想去~~好想好想去呀~~以家o甘既形勢, 鍾斯都唔會比隻豹自己同多多佢地上去架啦.....越諗越想去....
又再打比鍾斯....「不如我地照上去...唔去羅湖商業城咪得lor...」 「乖啦, 唔好上去啦, 我同你去山頂tea好唔好...」「哦..........」「做咩o甘既豹聲呀, 真係好想去呀??....」「係呀係呀........」「唉....o甘啦, 唔去商業城唔去東門, 唔準係出面去廁所, 只住我地住開間酒店, 無就返黎架啦, 唔準唔拖住我自己行左去, 唔準.....」<<<<大家一定以為當事豹係得3歲, 事實上係成30歲...啋.....
到左o甘既田地隻豹緊係咩都認承佢啦....
攪完一大輪上到去都成4點幾, 去酒店放低野就爭取時間去書城啦....
世事就係o甘, 越係想要既野就越係搵唔到, 結果隻豹緊係買唔到朵朵小語啦, 但今次發現有150cm life 1 wor, 不過呢, 制作真係差d, 印得無o甘靚....
行完就心息啦, 再去吉之島買定d野飲, 又見到有百力滋wor, 上到大陸都係要買, 不過都係覺得hk d好味d, 真係有唔同架....
跟住再陪鍾斯去福田剪頭髮, 然後去左天天食飯, 鍾斯話得我地兩個唔準周圍去, 只可以去返相熟既地方.....隻豹叫野食時傻左, 叫左5樣野, d野好大碟呀, 食到好鬼死飽....
   
   
|
| 2006 年 9 月 29 日 星期五 |
| 假期第一天 |
分類: 未分類 |
由於隻豹覺得自己好耐無放過假, 於是攞埋今日同聽日, 加埋就可以一連放四日假啦, 開心
放o甘多日假其實無咩好做, 今日鍾斯要返工, 隻豹就自己乖乖地係屋企食同訓.....
等到鍾斯收工, 就約佢係cwb食飯, 隻豹想行街wor, 於是就去左峰格離間雲南米線試下, 聽聞都幾好食同見佢都幾多人, 試左個小窩米線同燕皮餃米線, 頭幾啖ok, 唔係得個辣字, 豹鍾意有酸味有辣味....但食食下就覺得有d咸....越食就越咸....
食完隻豹諗起聽聞cwb都開左jenny bakery, 以後唔洗入到去赤柱至買到jenny既cookies, 就去搵下啦...本來想買波羅卷, 但已經買晒啦, 最後都只係買左鑵cookies....
買完cookies就去sogo試熊熊極力推介既御品香榴槤月餅, 一試之下真係好得wor , 唔怪得熊熊話食完之後念念不忘啦....可惜我同鍾斯都已經買左月餅卷啦.....月餅買唔成, 見到godiva, 好想試下佢既milk chocolate latte, 我自己就覺得古古力味重左d同甜左d, o甘人地係賣古古力架ma, 鍾意古古力既人會鍾意。
攪完一大輪至去行街, 係金百利行左一陣豹媽已經打電話叫兩隻野快d返屋企食甜品......
  
|
| 2006 年 9 月 28 日 星期四 |
| 鳴門 |
分類: 未分類 |
多多今日無飯開, 於是就同佢一齊食飯啦, 我地今次去左官塘一間叫鳴門食日本野....
我地叫左南瓜天婦羅, 鹽燒鯖魚, 油甘魚海膽飯同雜綿刺身飯, 本來都ok, 幾好食....
後尾我地見到有樣叫南瓜忌廉球既野, 隻豹同多都好喜歡南瓜, 睇佢個名覺得有d似甜品wor, 咪試下lor....叫之前我地都仲問左係咪甜品黎架, 得到既答案係:「甜甜地架, 都有d人會當甜品o甘食.........
點知, 黎左之後, 係幾粒細炸南瓜粒, 入面有栗米同洋蔥, 上面有沙律醬.....感覺係似酒樓d炸海鮮卷, 隻豹村姑一隻, 見識少, 真係無諗過o甘都可以當甜品食lor....為表不滿, 我地每人試左一粒就無食埋單走人<<<<但跟本唔會有人理我地食唔食= ="
食飽飽後兩個就去左apm行, 兩個都有少少收獲o甘啦
    
|
| 2006 年 9 月 26 日 星期二 |
| 飽到呢........ |
分類: 未分類 |
今日心爸又有攪作, 一返黎打開雪櫃就見到兩大個食物盒........
打開一睇....嘩...嘩嘩嘩.......好大盒咖哩雞呀~~仲有好多薯仔精好鍾意既薯仔呀~~仲有仲有~~墨魚呀~~~!!!!
等等等....等到十二點半隻豹就急不及待要開飯啦 , d墨魚好好味呀, 爽到呢...點解會一d都唔"un"既....一問之下完來係bb墨, 但又好厚肉wor, 點解呢點解呢點解會o甘好味既呢.....咖哩汁都好好味呀, 食左好多飯, 隻豹飽到呢......
食完飯個個奉住個肚, 達達又攞左幾個月餅出黎, 好靚靚wor.......原來係佢個女自己焗架, 唔係冰皮呀, 係傳統既蛋黃蓮蓉月呀....「等陣先切黎食啦好唔好??以家個個都好飽呀...」「但...但..但係你比我睇到我又好想以家食wor....我仲食得落架....」「下...你食左o甘多野仲食得落呀, o甘切一個比你食啦...」 「係啦...以家食個白蓮蓉等多陣先食個豆沙同黃蓮蓉啦....」.....好好味呀....比出面買既無o甘甜同油, 仲整得好靚tim呀, 皮又薄又平均, 達達話下星期佢女再整冰皮又帶d返黎比我食, 好野~~
   
|
| 2006 年 9 月 25 日 星期一 |
« | 13 | 14 | 15 | 16 | 17 | 18 | 19 | 20 | 21 | 22 | ... | 35 | »
|
