| «‹ July 2017 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
2007 年 6 月 14 日 星期四  |
| 魚一丁 |
分類: 未分類 |
星期一嘉菲請左隻豹食飯, 話晒佢都係平日食lunch既鐵腳, 而且第日無左隻豹佢哩d孤獨老人格都係食自己多架啦, 諗起都覺得佢可憐, 所以今日就請返佢同埋另一鐵腳angel食lunch....
今日我地去左魚一丁, 因為一定有位, 哈哈.......隻豹要左個一丁定食, 嘩, 完來好多野架....有剌身, 魚生飯, 冷麵, 天婦羅, 燒魚,仲有麵鼓湯, 有兜湯渣形物體, 仲有餐飲.....3個人其實叫兩個定食都應該夠食, 我地叫左3個定食再另加刺身......今餐又食到好飽啦。
淨係我o個份都o甘豐富啦.....
  
|
| 2007 年 6 月 13 日 星期三 |
| 又有翅食 |
分類: 未分類 |
辭職之後, 大家都熱心o甘問隻豹幾時食飯.....飯就緊係日日都要食啦, 大家都好似要襯隻豹仲係到, 一路食到走為止......
星期一嘉菲就捉左隻豹去食元氣,
星期二顏姐整左個5餸一湯, 白飯任裝, 仲有隻豹既至愛咖哩牛腩<<<其實我係愛d薯仔o者
今日又有人請食飯, 去左新裝修既鴻星....十二個人, 老細叫左個十二人既餐, 再叫隻豹劃d點心小食, 隻豹緊係聽話啦, 係o甘e劃左廿零樣.......
點知完來老細叫個餐好多野食又大碟, 仲一來就食翅, 呵呵, o甘又係, 今餐食阿基既洗鬼客氣咩, 呵呵.....
不過真係太多野食啦......飽到吞唔落o甘濟, 所以就算今次鴻星d野好食返好多都食唔晒, ｏ個兩個荷葉飯同甜品仲原封不動打包走, 另外仲有糖水紅棗茶wor.....
係哩餐仲食緊既時候, 老細又開始問隻豹邊日得可以食farewell o個餐, 仲有潘潘加人工又話請我地食飯, 仲有隻豹既生日飯, 仲有.......似乎大家真係好擔心隻豹去到新公司會無得食, 仲叫隻豹要影多d相第日食飯盒時有得睇住黎餸飯......真係多謝關心....
|
| 2007 年 6 月 9 日 星期六 |
| 終於等到啦 |
分類: 未分類 |
十二點幾係公司發緊呆既時候, 終於都收到電話, 隻豹不斷「係!」「係!」「好!」「無問題!」.....
收線之後, 即刻攪惦封辭職信想即刻比老細, 點知隻死老狗哩個時候走黎......阻鬼住晒......
嘉菲同老細比老狗纏身, o甘岩比隻豹望到潘潘無所事事, 即刻將封信比左佢, 佢一望即刻好凝重o甘唔出聲行左去....
等到差唔多lunch連潘潘都比老狗捉住出左去巡, 廖生佢地黎左請我地飲茶, 於是我地去食lunch先。
到老細佢地後尾黎到時, 嘉菲一坐抵望左隻豹一眼, 隻豹個心已經知潘潘同佢地講左啦。
果然一食完食返到去嘉菲就捉住隻豹傾計.....「咩事?」「人地比幾多你?」......
大家都心裡有數知道係咩一回事, 老細返黎再傾, 本來隻豹想做埋哩個月尾走, 但老細唔放, 最後都肯比我返埋7月3號......
今次終於真係走啦~!
|
| 2007 年 6 月 8 日 星期五 |
| 悶悶不樂 |
分類: 未分類 |
鍾斯閉關左個幾星期, 今日終於出山啦, 可以黎接我收工, 但我既心情持續係鬱悶既狀態......好想大叫呀!!!!!!!
無心機周圍去, 我想留返係德福食, 見到鐘斯時已經好努力擠出笑容, 成個幾星期無見唔想唔開心, 但佢都發覺左我好唔開心, 話我悶悶不樂o甘.....
悶悶不樂最好就係喪食, 兩個人叫左8樣野, 本來仲好想食甜品, 但真係太飽啦.....
   
   
|
| 2007 年 6 月 7 日 星期四 |
| 等 |
分類: 未分類 |
哩d日子, 好難捱.........
|
« | 3 | 4 | 5 | 6 | 7 | 8 | 9 | 10 | 11 | 12 | ... | 35 | »
|
