隻豹開始懷疑, 我地去游水, 係咪為左聰嫂.......

今日, 4個人, 食左7樣野........(食得最多既係尾屎熊, 我地平均都係食個半架咋!!)

上星期因為每日都食到好飽, 所以今年公司個生日蛋糕終於都到左今日先切, 因為之前我講過想試美心既彈蛋糕, 所以同事們就買左哩個做我既生日蛋糕......

哩個係我係到切既第四個生日蛋糕, 亦都係最後一個啦, 仲有一個星期就離開, 其實我真係好唔捨得你地呀......

最近成日係公司聽到既對白:

「聽日食咩好呀??」

「聽日又食??」

「咩呀....聽日同豹食生日飯ma....」

「又生日飯??o個日唔係食左啦咩??」

「o個日係Raymond請ma, 唔算, 我地都未食.....」

「o甘下星期又食咩呀??」

「下星期係farewell 呀.....」

「又farewell, o個日食翅唔係farewell左啦咩...」

「o個日係老細請丫ma......下星期先係farewell....」

「O甘上星期同阿SO食o個餐又係咩呀.......」

「哎呀.....唔知呀, 食到好亂呀.......」

.

.

.

.

「豹, 你真係勁呀, 由遞信o個日就開始食, 好似人地d歌星開告別演唱會o甘.........」

老細: 「佢直情係搞埋巡迴啦, 巡迴o甘周圍去食......」

今年過左個好炎熱既生日, 有成33度呀, 完本仲想去郊遊一下, 見到個太陽, 都係唔好攪, 到左我o甘既年紀晒一晒真係唔講得笑, d斑呀紋呀出左黎都唔知點先送得佢走......結果哩個生日同鍾斯係屋企hea左半日, hea hea下隻豹開始懶洋洋唔多想出街tim, 因為真係太熱啦, 好唔願化妝出街......好想同鍾斯講不如買野返黎食, 但o甘講一定比佢話啦, hea到成4點幾, 終於都係死死地氣跟佢出去食飯。

今日我地決定食德國菜, 原本想去赤柱食, 但隻大懶豹怕熱唔想去郊遊所以都係去左尖東既King Ludwing Beerball。

隻豹向來習慣農夫o甘早食飯, 所以係尖咀行左陣一到6點半就話要去食飯, 話說隻豹向來好鬼鍾意食d腸仔火腿哩d喊到死既野, 所以叫左個nuernbery同farmbouse platter, 仲有緊係德國豬手同啤酒啦, 隻豬手真係好脆卜卜, 好味, 不過兩個人食就有d覺得太多, 最後食到好飽, 但又好想試埋佢個apple strudel, 不過試左又覺得好一般咋!!

卡卡一早就約左隻豹今日食生日飯, 一行十一人去左北角街市既東寶......

一坐低野食都未叫d啤酒靚女就埋黎......哩樹係用碗飲啤酒, 好豪氣。叫叫下野食隻豹忽然見到"榴槤"兩隻字, 即刻兩眼發青光, 係炸榴槤呀!!!唔理有人咀喵喵, 一定要食, 哈哈....哩餐係我生日飯, 我係大晒架啦....哈哈.....

我地食左十幾樣野, 仲食左隻豹哩排好想食既海鮮, 好好味.........不過哩樹環境好嘈, 我地十幾人坐一張大木台, 傾計要好大聲, 幾乎要大叫先聽得到, 食完餐飯隻豹喉嚨都有d痛, 真係唔知係講得野多定因為食得蟹多......