最近比人煩死啦, 聾耳陳可唔可以借對耳比我呀, 救命呀~~~~~

唔明白, 年齡同處事成熟與否真係無關係, 有d人真係可以幾十歲人都仲好幼稚, 做朋友既, 除左無奈仲可以點...

每日都疲勞轟炸, 我明白你想點, 我既意見對你其實真係唔重要, 我點諗你都唔需要在乎, 橫惦講你又唔明, 話

你又唔好意思, 算啦, 求你放過我, 搵第二個講d你岩聽既野算啦, 大家都會好過d...

大狗今日約老細, Raymond, 我同埋嘉菲開會, 同事們都以為佢會安撫民心(我活到今時今日一把年紀, 當然係無o甘天真)

一開波大狗表示好怕我地在坐4個會走, 因為目前青黃不接, 我地其中再走一個, 就會出現斷層情況。 

佢既安排係請多個人返黎, 但問題係我地一個負責admin, 一個負責工程, 一個負責operation, 真係唔明佢諗住可以請個咩人

佢再問我地有咩意見, 我地當然把握機會:

狗: 豹, 我都知你以家人工係偏低, 但你有無諗過會讀書...

豹: 無錢讀wor...

狗: 讀書哩d野讀左係你自己, 讀左就會加人工...

Raymond: 我讀左啦, 考埋牌, 但無加wor...

狗:@!#@$*#&^

嘉菲: 我地兩位師傅既workload都好大, 佢地亦好幫得手, 但哩兩年佢地既人工都無調整過....

狗: 佢地已經好高人工啦...

豹: 其實佢地既人工係偏低, 如果用最低o個d o靚仔黎比就無得計啦

狗: 但佢地老啦ma(一個四十幾, 一個五十幾)

嘉菲: 但佢地一樣係做得到野, 而且佢地好熟習哩度既環境情況....

狗: 但佢地始終都係老, 手腳慢, 一係你請個後生既, 幾高我都比....

眾人: #&$^#(%&#(%*

豹: 我地兩個妹仔都好積極, 而且以家黎緊o甘多野攪, 佢地都好辛苦...

狗: 係啦, 所以我咪請多個人比你lor...

豹: 邊有多到人呀, 不嬲都係兩個妹仔...係有段時間請唔到人我地頂埋之ma...跟本唔係請多左一個....

眾人: 係呀係呀...跟本無多到人, 仲cut左人....

狗: 終之你地四個妹就要比心機學野, 搵個可以頂你個位, 你就要學operation啦...

豹: (我講緊加人工呀你老闆$(*%^$#(*)

.

.

.

四個人極力爭取, 但佢係寧願怕我地走而請多個人都唔會為我地爭取一d benefic黎留住我地, o甘又何必叫我地開哩個會呢

今日同鍾斯北上按摩, 佢黎接我收工後, 同angel, 心一齊食lunch, 跟住我地就去藍田搭直通車啦。

去到藍田, 見到好多地產公司, 於是我地又睇下藍田既樓價啦, 都要成二百幾...好貴呀

上左車, 我地又開始諗結婚先定買樓先既問題, 都幾矛盾。全程車, 兩隻野就係到計計計...不過都幾開心

今次上到去都成4點幾, 行左陣, 見到有萬寧, 我又發輝我既c9本色, 去夾價, 哈哈

行到6點幾就去食飯lu, 兩個人食左5樣野, 好飽, 但唔記得左影相

飽飽後就去按摩啦, 今次竟然無訓著wor

收工約左鍾斯食飯, 等佢既時候同angel同靚太去左shopping, 今次買左兩件小背心同一件外套。

跟住見到商務匯豐信用卡簽賬有八折 , 結果又買左幾本書

然後join左鍾斯就一齊去食飯, 亦都計劃左我地既儲錢大計, 今日以後, 我要努力慳慳慳....

完來仲有人懶過我

尋日上午off, 大約一點準備返工時, 小玉打比我問我係咪係屋企, 黎接我返工o甘話

完來佢想食麥當當, 但懶得行落淘大, 於是決定查車黎我屋企附近食, 順便車埋我返工, 我當然話好啦, 呵呵

今日我地又懶得行落淘大食lunch, 於是又齊齊去左慈雲山食泰菜, 好味 , 最好係唔洗行, 真係開心