早前係網上睇有人話每日飲一包DHC既薏仁粉沖水, 一個月後皮膚白左。 我一向皮膚都好黃, 但對於食落肚既
野不嬲有所保留, 因為乃過野既關係
 , 對於市面上千萬樣成份不明既健康食品, 就算人人講到幾好幾有效,
我一律唔會放入口。但DHC既薏仁粉打正其號就係薏仁粉, 並無其他成份, 於是我諗一試亦無防。(薏仁，
根據《神農本草經》中記載，具有「久服輕身益氣」以及健脾、補肺、利尿的功效。而且薏仁含有豐富的
碳水化合物、蛋白質、維生素Ｂ１和多種氨基酸，因此能補充人體所需要的營養成份，使肌膚亮澤細嫩，更
能將滯留的體液清除，改善身體肥腫。)
於是我興致勃勃地去DHC買左盒薏仁粉, 每日返到公司就為自己沖一杯薏仁茶, 而且開始幻想自己一個月後就
會變得又白又瘦.....
*********************************************************************
前排下巴位置不斷長暗瘡, 而且係好毒o個d, 又紅好腫, 但就谷唔出, 但又成個星期都唔退....
根據中醫既理論, 下巴位置出暗瘡, 表示係腸胃唔好, 又可能係婦科病
但我既腸胃無問題, 仲可以話係幾好, 於是越諗越驚, 因為有朋友曾經亦係下巴位不斷出, 又成日肚痛, 後來
發現係子宮生左個水瘤, 經手術後, 果然下巴既暗瘡亦不藥而癒...一向貪生怕死既我, 又開始胡思亂想....
一次同朋友講起我既疑慮, 朋友話我出哩d o甘毒既可能係涼得濟, 佢都試過o甘話。
於是我又左思右想, 自己好少飲涼茶, 亦無食d咩涼既野, 唯一就係每日一杯既薏仁水....o甘就試下唔再飲
一排。
停左飲薏仁水之後, 果然下巴亦無再長出暗瘡.....真係唔知係巧合定其他。
|
。
