5/7:係我的生日，所以爸爸帶左我、爺爺同嫲嫲去左富豪東方酒店度食自助餐，真係食得好飽呀!!!套話劇做得好好呀

6/7:係課外活動大匯演，我除左去合唱團表演之外，今次我仲有機會參加多元智能躍進計劃的報告天，果兩段片真係好好睇

7/7:返左團契，仲加入左2036組天!!!收到媽媽送的禮物，係一條XO仔大浴巾

8/7:哈哈，爸爸買左生日禮物比我啦!!!係部黑色的PSP黎架

9/7:終於到左英文暑期課程啦!!!心情好緊張呀，唔知會去到邊班呢

10/7:原來我入左第六組，不過個miss好被動，都唔知佢想點，唉~

11/7:今日我上左台唱「還我山河」，嘩，好多人呀好驚會甩嘴或者唔記得歌詞 都係第一次一個人對住幾百人唱歌，

雖然已經關左射燈，睇唔到D人，但係我自己都仲係成身震曬但係都唱得唔錯，我出場之前仲好驚會比人笑，

因為之前聽過我唱的同學，反應都唔係幾好，所以好驚不過，到左最後有好多的掌聲，真係好開心呀

今日下午，我同媽咪一齊去左睇虎膽龍威4，點知去到黃埔UA見到一個奇境，就係個戲院大堂，

居然人山人海我地排左好耐隊先買到飛，個位仲要係第六行第二同第三個位，

個位真係前到不得了不過，果套虎膽龍威4真係好好睇!雖然，係就係前左D，但係冇所謂啦

今日下午我同媽咪去左香港公園度睇野加影相，因為上次個展覽館關左門，所以今次專登去睇的。

遲D我會放D相上黎比大家睇！到左夜晚我，媽咪同LAI TONG姐姐係屋企電視度睇煙花，

之後，我地去左黃埔食日本野，仲食左好多三文魚刺身天然後，我地就返屋企食左彈蛋糕，

係一款新登場的蛋糕，仲要季節性的，過左今季就冇得食架啦!所以，就買左一個黎試下，

個彈蛋糕真係好靚同好好味呀

今日係第一日派卷，不過除左中文好少少之外，今日派的數學、化學同中史都肥左老

音樂筆試都合格但係我最唔明的就係點解會肥咁多科，D卷又唔係難

希望下星期有好消息啦

昨天係3D班第一場的班際籃球比賽係3D班對3A班我果班之前一日因為個隊長話有必勝的把握

所以唔洗我落場但係昨天3A班有一個着住13號球衣的男仔好拚命令我地都十分驚訝

之後係上半場落後左6分係中場休息果時我好擔心係第一場就輸

所以就教佢地應該要點做好彩的係佢地都做得唔錯然後，係下半場能夠協助到兩名的主力發揮到平時的六成

最後的賽果係30比26險勝4分咋因為果個13號球員撞到我果班另外三個球員訓曬係地

重有佢整傷曬我果班D主力的手手腳腳同埋我果班昨天岩岩又有一個主力冇返所以先贏得咁辛苦

今日係3D班第二場的班際籃球比賽係3D班對3E班今朝有一個3E班的男仔話我知，

佢地有個主力係昨天放學後練習時整到隻手，所以今日唔會落出場比賽，但聽完之後我覺得佢地打緊心理戰，

所以我冇信佢只係是但應左一句就算。到了比賽的時間，果然不出我所料佢地班果個主力真係有落場比賽，

之後，上半場落後4分，中場休息後，我出左場，然後就同丁sir鬥球技，當時係佢攻我防，之後佢忠左我個肚一下，

然後突圍而出，我就追着佢，跟住佢射唔入我就去搶波，突然被David打中我個鼻，好痛......

之後過左一分鐘左右，球証就吹雞完場但係我落左場唔夠三、四分鐘，其中比賽緊的時侯，

丁sir不停罵兩個球証，之後比老sir罵返轉頭，係我出場前十秒，P.E. chan同游sir一齊做球証

所以，我先叫換人，因為佢地會公正D同埋之前果兩個學生球証都比丁sir嚇親，所以判斷失準

最後，我地班雖然輸左但係我地一齊大叫「3D」，當時真係好有氣勢，因為我地都唔服比賽的結果

所有比賽的時間丁sir都係比賽中教佢地點打，而時間就一分一秒咁過去，這是我地失敗的最大原因

重有到依家我個鼻重係好痛之後丁sir重用粗口罵我地喎