昨天，我同張卓輝、文銘彥、陳悅泰一齊係週會度獻唱恩手緊扣果陣時，個人好緊張

之後唱唱下唔知點解又唔記得D歌詞重要係獨唱果段先黎唔記得真係激死我啦

跟住成首歌都有D斷斷續續的冷場真係好唔開心呀今次係我唱左咁耐歌最差的一次

咁自己唔記得D歌詞咪睇下個PowerPoint囉咁點知一睇就死多兩錢重因為個PowerPoint，

係錯到七彩攪到明明有少少記得都冇埋，腦海一片空白真係好遺憾

不過，到唱完之後D掌聲好明顯同平時唔同，因為聽得出係發自真心的鼓勵，而唔係一般的拍掌

不過，D掌聲又點解會咁唔同呢同埋，個氣氛好好如果平時D掌聲都係咁就好啦

最後，我以後會比更多的心機去練歌，同埋唔會再失手

上星期二的粵劇班係介紹舞台，所以冇咩野寫不過，今日就教化妝，所以比較有趣

今日一開始就介紹化妝的用具，之後雪雪就被我地請左出去被人化妝

之後，我都被陳sir請左出去化妝不過，雪雪化的係少女;而我化的係小配角

之後，雪雪、我、伍永然同張卓輝都先後穿上粵劇的服裝之後雪雪就穿左少女服裝，

重擺左D姿勢出黎，都幾靚架我就穿左大官的服裝、伍永然同張卓輝都先後穿上公了

的服裝，係成個過程中佢地同我地影左好多相，我已經上載左我有的果D相，

遲D會上載埋其他的

今日我果班有8個同學去左沙咀勞教中心參觀，因為今次去的同學係幾煩的

所以今日個班房好安靜，真係希望如果佢地都係度但又可以好似今日咁靜就好啦

今朝我踏出左人生的一大步就係在早會度面對住過千人做一個的報告

雖然，個報告唔長，但係我之前已經背左架啦

點知到報告時都要不時睇下張貓紙先記得要講D咩

不過，最後的結果都唔錯之後，我報告完就馬上領獎啦

因為我報告的係關於短期試工計劃的，所以miss就叫我領獎先免得我走黎走去喎

好開心呀又多一張獎狀啦

昨天下午去左奧海城度表演，果度都幾大下，但係合唱團得二十幾人返

不過，個表演都幾順利之後就坐旅遊巴返學校，然後就去左觀塘同爸爸會合，

就坐地鐵去姑姐屋企附近的彩明海鮮火煱酒家度同嫲嫲慶祝生日，結果佢地好早就去到，重打緊麻雀天

最後，重切左蛋糕一齊食天，如果日日都可以一家人食飯，係幾好呢

我更新左生日會的相係相簿啦!!!大家怏D入去睇啦