今日係我第一次做D.J.，估唔到做D.J.係好開心架，今日我地收到好多的點唱紙，差D讀唔曬天呀
因為今個星期係福音週，所以我地播的歌全部都係詩歌黎的，今次係一個好好的經驗，
唔知我幾時可以再做D.J.呢?真係好令人期待呀!呢排好凍呀，大家記住着多件衫呀!
仲有早兩日挮鬚唔小心刮到個嘴，流血之餘仲好痛天呀>3<
今日係旅行日，我個班(4A)得我同橡筋燒野食，所以我地找左夢魔一齊燒!
今日好開心，因為好多朋友都一齊食野、傾計、玩，真係好久冇試過一班人玩得咁開心!
今日準備的炭同食物都岩岩好用曬同食曬，雖然只係買左3個人的份量，但係我地食得飽之餘，
仲請左D比其他同學，因為佢地原來唔知果到冇野食買，所以我地都請左D佢地食!
今日就好似聖經裏面的五餅二魚的故事，大家都願意付出，所以大家都食得好飽先去玩!
感謝神比我有個咁開心的旅行日，阿門!
今日係歌唱比賽個人組的初賽，今年有好多人參加有成六十幾人，今日我係第9個出場唱歌，
今次我唱左劉德華的情深的一句，雖然首歌已經冇咩人識，但係我覺得比依家的流行曲好聽，
因為呢首歌唔同依家的歌咁寡，依家的歌大部份都係話:我愛你呀，求你原諒我，對唔住呀之類，
但係點愛法，原諒你D咩呢，又對唔住D咩呢，一D都冇講，所以我就選擇左呢首歌，
因為聽眾起碼知道我唱的係一個點樣的故事!
其實呢首歌係烈火戰車的主題曲，烈火戰車係由劉德華拍的，所以我都幾鐘意!
同埋佢個故事好感人架，所以我先唱呢首歌!
今朝6:40a.m.起身去廁所刷牙洗面，無斷斷流鼻血喎，仲整到我成衫都係血!
唉~~!一到冬天就係咁真係麻鬼煩，本身可以好地地舒舒服服咁返學，點知攪到趕頭趕命咁返學!
唉~~!架巴士仲要鬼死咁多人，不過好彩最後都趕到返學，冇遲到!
如果因為流鼻血而攪到遲到咁就唔抵啦，因為咁就冇左一分同埋操行冇A+攞!
唉~~不過都算不幸中的大幸，不過......唔知點解成日想暈想暈咁，唔知係咪流得太多血呢
點解......所有人都迫我做一D我唔想做的事?點解......別人決定左的事我一定要去做?
點解......我一唔願意去做，就要比面色我睇?點解......我唔可以為自己做決定?
點解......點解......要迫我呀?我只係想返屋企休息姐，咁都唔得?
