今日第八堂時，我出左去黑板度整投影機，點解整下整下，我發現自己的冷衫唔見左

然後就比坐我斜右後角的同學恨恨地擲落地下係佢擲之前我已經喝住佢

但係佢當聽唔到就擲落地下之後我咪罵佢囉之後咪同老師講囉，

之後老師就叫我返埋位先，然後用D帶有不滿的語氣罵我果班然後才上堂，

到係落堂後我問返個朋友，剛才係咪果個同學首先攞我件衫，之後我前面個同學又超住佢攪到佢唔敢講，

之後老師同我傾左幾句，話知我的處境但老師話佢睇唔到所以好難幫我，之後我就落去左找關sir講有件咁的事，

最後，關sir話會同佢傾喎同埋周圍的同學居然重幫佢，真係冇天理

昨天晚上唱完卡拉ok之後去左附近的一個商場影貼子相

嘩估唔到第一次影貼子相就有咁多的收穫

足足有十二張咁多呀真係影得幾好架

不過，最糟糕的事就係剪錯左個頭

如果唔係，一定靚好多姐

大家可以去我個相簿度睇架

今日返到去中心，冇左琴日的陌生感覺，感覺都唔錯

之後，有個女士行左入黎原來係另中一個負責太子中心的主任來的

其後，食lunch時D同事重請我食雲南米線天

到了六點左右社工wilson黎左中心同我拍左D相同埋錄左一段短片，就是遲D會放係學校度播的

最後，wilson講比我聽有個係黃埔椰林閣返工的同學，因為係廚房滑倒，所以整親隻手

希望佢冇事啦

今日係我第一日返工，心情特別緊張不過，好彩果度D同事都好好人

我有唔識同唔明的時候，佢地都好耐心，咁教我

今日我學識左D用影印機同埋一D電腦小知識

最後，我今日做好曬成個中心的出席率資料更新同埋請假資料核對

好開心，估唔到會有咁好的經驗

今日，早上去左荃灣大會堂度比賽，參賽的隊伍多到不得了

唔知今次比賽有幾多分呢希望最少有75分啦

不知不覺我已經參加左合唱團接近3年

每一次的比賽及表演都有進步，真係好開心

依家所有的比賽都完結了，真係要用更多時間讀書先得啦

祝有份為校際音樂比賽的人有一個愉快的周末