今日12點去左學校附近間M記度食lunch，當然唔只食lunch咁簡單啦！

今日約左夢同黎子軒出黎屠龍(打MHP2G)，進度一般。

跟住我表弟黎左，之後就一齊打，佢黎左之後進度超快，

可以10分鐘內清一個任，之後請左半個鐘假，打多幾局。

雖然比某人罵，但係好開心。因為冇咩機會大家一齊屠龍。

2點返到學校練歌，3點出車，4點4到開始表演，今年覺得冇上年唱得咁好，

起碼打動唔到人主動，為我地既努力而鼓掌，

所以我覺得今年仲有好多既野要執，但係下年多數都唔會入返合唱團，

咁我係呢段時間，仲可以為合唱團做D咩呢？

星期二突然心血來潮想找人捉棋，之後係班度找左某個男仔星期三捉棋，

到左星期三lunch time佢食完lunch返到黎，之後同佢對局。

第一局大勝，第二局我因為行錯棋，所以佢問我洗唔洗回棋，我話唔洗。

因為作為一個真正既棋手係唔應該回棋架，因為回棋只係話比人知，

自己實力唔夠。之後我用單車，雙馬，單砲，黎防佢雙車，雙馬，雙砲，

之後佢差唔多用左成兩個字先贏到我。

捉完果陣差唔多打鐘(大約仲有三分鐘到)，

本來都同自己講:算啦，都差唔多夠鐘啦！之後佢係我面前曬命喎

仲同我講:輸左「執」棋，我當堂O曬嘴，明明大家都係一勝一敗，

點解要我自己「執」呀！之後我同佢講:黎多局，決勝負，兩分鐘搞掂你!

當時係01:48p.m.，我學校01:50p.m.打鐘。

佢可能太開心啦，想都唔想就答應左。

之後我行先，因為頭兩局都係佢行先，

之後佢行左同我第二局行錯左果步棋，

之後我用左車既縱橫天下，直搗黃龍同埋馬既連環馬，雙馬飲泉黎殺佢，

結果岩岩好兩分鐘搞掂左佢，真係岩岩好兩分鐘冇多冇少，

因為岩岩好打鐘，之後佢都O曬嘴，因為大家都係同一情況，

不過敗既過程就有好大既分別，佢根本冇還擊之力，本來想剝佢光豬，

可惜佢自殺同夠鐘，所以兩分鐘就搞掂左佢啦！

唔係高就得既，智慧都要高先得架。對佢既評語，四個字：不知所謂！

點解要迫我出手...點解要迫我出手呀...可必呢...可...必...呢...？唉~~~

好耐冇打日記啦！sorry呀各位之前果排因為太多功課同太累既關係，

所以同各位告別左一斷時間，不過今日我都抽左D時間打日記

24/3－30/3：放緊復活節假期加做功課。

31/3－3/4：超多功課要交同做，差D攞我命。星期三做DJ。

4/4：同媽媽果面D家人去左拜山，今次係第二次去基督教墳場，          

上次同今次都係探太公，基督教墳場比起其他地方既墳場好好多，        

一黎冇煙，唔洗焗死，二黎心情都唔同D架。

拜完之後我地一齊去左灣仔飲茶，之後各自返屋企。

第一日(星期四):超頭痛，全身都痛好唔舒服加上好累，一早訓左囉。

第二日(星期五):個頭繼續痛，成日係屋企休息，冇咩做過，好早訓左。

第三日(星期六):大清早，屋企樓下大排檔發生火警，比人嘈醒左，

跟住入左勤叔叔屋企玩，夜晚就係天台燒野食。成日咳。

第四日(星期日):今朝同家人去左九龍塘八月花喝早茶，今次係第二次去囉，

果度D野食真係好貴；不過D野真係好食既。跟住同家人行左一陣商場，

又買左少少野，之後打的返屋企。今日仲有少少咳。

今朝八點三返學校準備，之後聽老sir簡介工作程序，

今年有九十幾人黎面試，今年比上年輕鬆，

因為範圍細左(只限:二樓201,202,203,204,禮堂)而且人手足夠所以都算輕鬆，

lunch老sir比左＄200我地食野，老sir可以cam返錢架喎。

之後我地去左M記度食，跟住見到團契D導師同D組員都係M記食野，

再望一望原來我地學校D人佔領左半間M記咁多食完野再返去做野，

係過程中老sir用對講機同我地猜謎語加講笑，好開心

最後去到差唔多六點先收工，今日我企左成日好累，不過有分加

今年D中一好矮，真係一年比一年矮，不過D樣好Q同埋好可愛

今日某時某分某秒某人同我講左某件事，令到我聽完後呆左

唔知某人係幾時懷疑同知道某件事架呢