今日去左西貢BBQ呀，今日可能係假期所以好多人，我今日食左好多野，

例如：腸仔，雞翼，獅子狗，秋刀魚，各式各樣的丸，扒類...好多好多

我仲影左D相天：

哈哈，好開心呀!點解我會咁開心因為我可以返團契囉

我之前因為成日都要練歌，所以已經成個學期冇返團契囉

今日踏巴士返屋企既時候，導師call我，話比我聽團契我果組改早左時間，

好野，終於唔洗撞時間啦哈哈，聽日返完團契先去合唱團囉

今日本來同平時一樣行返學，行到學校停車場門口見到正門爆水管呀

D水差唔多有一樓咁高呀我返到班房同D同學影左D相呀

正常鏡頭:

近鏡:

之後無斷斷有個呀嬸係到洗衫喎

非常壯觀呀

跟住八點到啦就冇水囉

今日又有P.E.堂啦，今日又學曲棍球，梁sir話我打得唔錯喎

梁sir話下堂要九分鐘來回跑呀一定累死姐!!!今日自由活動的時候，

突然心血來潮想打籃球，之後同D人鬥波，打半場，射入左幾球，

跟住我果邊開波，突然好準咁射左球三分仲要穿針天。過程:某人傳比我，

我企左係45度角(三分線外)，之後起手射波，跟住入左，歷時不足三秒，

最後全場O嘴(包括我)估唔到咁耐冇打，都有咁既成績，真開心，

真係估唔到準起上黎會準成咁睇黎我都仲有殺傷力喎

今日一早就起左身返學練歌，返到去文生、泰仔、高智俊原來出左去幫陳sir買早餐，

之後等左一陣賢仔同伍世豪返左黎，冇耐佢地3個都買完野返黎，原本約左陳sir八點半，

之後陳sir九點先返到黎，之後一齊開聲同練歌，之後文生不停咁吹陳sir快D，

之後我地分兩批飛的士上火車站踏火車，去到沙田又飛的士去酒店，

之後去到原來女聲獨唱仲未比賽完，之後我、文生、高智俊、陳sir去到後門度練歌，

練完先11點4，跟住我地成班係度打機，打到12點幾先入去預備比賽，

今年開始果時出奇地比上年慎定，冇上年咁驚，但係到出場的時侯，緊張的心情先湧出黎，

之後唱到失曬水準當然好唔開心，之後陳sir同我地班男仔去左酒樓喝茶，

坐坐下子瑩同miss黃都黎左，之後陪我地睇比賽，之後比評語同攞分紙，

今次的評語話我太柔弱喎，我想返上年果首咁剛強。今年得79分，真係...唉!!!

跟住同泰仔、伍世豪飛的士上火車站返紅磡踏巴士返屋企。好累...

岩岩先知原來陳sir佢地去左尖東唱K喎！由3點唱到7點幾，每人50蚊，其他的miss黃比。

早走左天，太可惜啦！